KWAMBĨRĨRIA NDEERETI
ITHOMO RĨA 3
Kũrũmbũiya Andũ
Ũtaaro: “Wendo nĩ ũrĩ . . . ũtugi.”—1 Kor. 13:4.
Ũrĩa Jesu Eekire
1. Wĩrorere VIDEO ĩno, kana ũthome Johana 9:1-7. Ũcoke ũcokie ciũria ici:
-
Nĩ ũndũ ũrĩkũ Jesu aambire gwĩka, nĩ kũhonia mũndũ ũcio ũtoonaga kana nĩ kũmũhunjĩria?—Rora Johana 9:35-38.
-
Nĩkĩ njĩra ĩyo Jesu aahũthĩrire nĩ ĩngĩatũmire mũndũ ũcio athikĩrĩrie ũhoro mwega makĩria?
Tũreruta Atĩa na Jesu?
2. Mũndũ no ende gũtũthikĩrĩria angĩona nĩ tũramũrũmbũiya.
Wĩgerekanie na Jesu
3. Onia mũndũ ũcayanĩri. Geria gwĩciria ũrĩa araigua.
-
Wĩyũrie: ‘Nĩ kĩĩ kĩngĩkorũo gĩkĩmũthumbũra? Nĩ ũndũ ũrĩkũ ũngĩmũteithia na ũmũgucĩrĩrie?’ Tũngĩyũria ũguo no tũhote kũrũmbũiya mũndũ kuuma ngoro tũtegwĩtua.
-
Onia mũndũ atĩ nĩ ũramũrũmbũiya na njĩra ya kũmũthikĩrĩria. Angĩkwĩra mawoni make megiĩ ũndũ mũna kana akwĩre thĩna ũrĩa aragerera, ndũgacenjie ndeereti wambie kwarĩrĩria maũndũ mangĩ.
4. Aria na njĩra ĩronania ũcayanĩri na gĩtĩo. Angĩkorũo nĩ ũraiguĩra mũndũ tha na nĩ ũrenda kũmũteithia, ũndũ ũcio nĩ wonekaga kũgerera njĩra ĩrĩa ũraria nayo. Menyerera ciugo ciaku na njĩra ĩrĩa ũraria nayo, na wĩtheme kũgweta maũndũ mangĩrakaria mũndũ.
5. Heana ũteithio. Wĩcirie ũrĩa ũngĩka nĩguo ũteithie mũndũ. Ũngĩhe mũndũ ũteithio ũrĩa arabatara no ende gũgũthikĩrĩria.
