Thĩ yombirũo ĩtiiragĩrĩre muoyo. Nĩ ĩrĩ maĩ maingĩ mũno, marĩa mateithagia indo ciothe iria irĩ muoyo. Thĩ yombirũo na njĩra njega ũũ atĩ, ndĩngĩheha mũno nginya njũĩ na maria cituĩke mbarabu kana ĩhiũhe mũno cihũe. Narĩo rĩera rĩrĩa rĩthiũrũrũkĩirie thĩ, rĩombirũo ũndũ rĩgitagĩra thĩ ndĩgathũkio nĩ mĩrũri mĩũru ya riũa. Ũnyitanĩri ũrĩa ũkoragwo ho gatagatĩ-inĩ ka andũ, nyamũ na mĩmera, ũkoragwo ũrĩ wa magegania mũno. Nĩ ũndũ ũcio, andũ aingĩ nĩ makinyĩrĩirũo nĩ kũmenya atĩ, Ngai ombire thĩ arĩ na muoroto mũna.—Thoma Isaia 45:18.

O na kũrĩ ũguo, mũndũ no eyũrie, ‘Hihi Ngai nĩ aatanyĩte andũ manyamarĩkage?’—Thoma Gũcokerithia Maathani 32:4, 5.

Ngai ombire thĩ ĩtũũrũo nĩ andũ mendaine, marĩ gĩkeno, na mendete Mũũmbi wao. Andũ nĩ ngũrani mũno na nyamũ na mĩmera. Ithuĩ nĩ tũĩ Mũũmbi witũ nũ, nĩ tũkenagio nĩ ngumo ciake ta wendo na kĩhooto, na nĩ tũmũtũkagia.—Thoma Kohelethu 12:13; Mika 6:8.

Mũũmbi witũ no ahingie ũndũ o wothe atanyĩte gwĩka. Kwoguo, no tũkorũo na ma atĩ, nĩ akeheria mĩmanyamaro na wagi wa kĩhooto na atũme thĩ ituĩke mũciĩ tũngĩkenera.—Thoma Thaburi 37:11, 29; Isaia 55:11.