Job 12:1-25
12 Opo nee Job okwa nyamukula, a ti:
2 “Oshoshili kutya onye ovanhu ava ve na eshiivo,*Nounongo weni otau xulu po pamwe nanye.
3 Ashike naame ondi na yo eshiivo.*
Kamu dule nge.
Mbela olyelye ehe shii oinima ei?
4 Onda ninga oshiyolifa kookaume kange,Eshi handi ifana Kalunga a nyamukule nge.
Omulumenhu omuyuki nokuhe na etimba oye oshiyolifa.
5 Omunhu, oo e li meameno, oha diladila kutya ke na efiku a hangwe koupyakadi,Ta diladila kutya otau hange ashike ovo ve li nale moupyakadi.*
6 Omatwali ovanyeki oku na ombili,Naavo hava shindi Kalunga ova amenwa,Ovo ve kwete kalunga kavo momake avo.
7 Ashike, alikana, pula oinamwenyo, notai ke ku pukulula;Pula yo eedila dokeulu, notadi ke ku lombwela.
8 Ile konakona* edu, notali ke ku pukulula;Neeshi domefuta otadi shi ku lombwele.
9 Oshike mokati koinima aishe oyo shihe shi shiiKutya eke laJehova olo le i shita?
10 Meke laye omu na omwenyo wakeshe shimwe shi na omwenyo*Nomhepo* yovanhu aveshe.*
11 Mbela okutwi ihaku konakona eendjovo,Ngaashi elaka* hali makele oikulya?
12 Mbela ounongo ihau hangwa mokati kovanamido,Neudeko ihali uya pamwe nomwenyo mule?
13 Puye ope na ounongo neenghono dinene;Ota dulu okuyandja epukululo noku na eudeko.
14 Ngeenge okwa teyaula po oshinima, itashi dulu okutungululwa;Osho a idila, kape na omunhu ta dulu oku shi yeulula.
15 Ngeenge okwa kangheke omeva, keshe shimwe otashi kukuta;Ngeenge okwe a efa, otaa talama kombada yedu.
16 Puye ope na eenghono nounongo tau longo;Ou a puka naau ta pukifa, aveshe ovaye;
17 Ovayandjimayele ohe va endifa eemhadi kombada,Novatokoli oku va shii oulai.
18 Oha yululula omalyenge, oo a tulwa po keehamba,Noha mange oiya yado nomwiya.
19 Ovapristeri ohe va endifa eemhadi kombada,Noha umbu ko ovo ve na eenghonopangelo;
20 Oha mweneke ovayandjimayele, ovo ve lineekelwa,Novalumenhu ovanamido* ote va ningi omalai;
21 Ovaleli ohe va fifa ohoni,Noha nghundipaleke ovanaenghono;*
22 Oha holola oinima yomomilaulu,Nomilaulu fokofoko ohe di eta pouyelele;
23 Oha nghonopaleke oiwana, opo e i hanaune po;Oha hapupalifa oiwana, opo e i twale moukwatwa.
24 Ovawiliki vovanhu ohe va kufa eshiivo,*Noku va elaelifa mombuwa, omo muhe na ondjila.
25 Ohava pamhadala momilaulu, omo muhe na nande ouyelele;Nohava pungauka va fa ovanhu va kolwa.
Eshangelo lopedu
^ Eln., “onye ovanhu.”
^ Eln., “omutima.”
^ Ile “tava tengauka.”
^ Ile tashi dulika, “popya.”
^ Ile “omwenyo wakeshe umwe e na omwenyo.”
^ Ile “Nomufudo.”
^ Eln., “yombelela aishe yovanhu.”
^ Ile “oshihokohoko.”
^ Ile “ovakulunhu.”
^ Eln., “Oha yululula ekwamo lovanaenghono.”
^ Eln., “omutima.”
