Omapsalme 57:1-11
Komuwiliki; oli na okwiimbwa mongovela “Ino eta ehanauno.” Epsalme laDavid. Miktam.* Eshi a li ta faduka po Saul, ndele ta i mekololo.
57 File nge onghenda, Kalunga kange, file nge onghenda,Osheshi ohandi kongo* eameno mwoove,Nohandi kongo eameno momudidimbe womavava oye, fiyo oupyakadi wa pita po.
2 Ohandi pula ekwafo kuKalunga Omukombadambada,KuKalunga kashili, oo e va xulifa po omolwange.
3 Ota ka tuma ekwafo okudja meulu, nokuxupifa nge.
Ota ka ponyifa eemhangela daao ta kwata nge. (Sela)
Kalunga ota ka ulika ohole yaye i na oudiinini nosho yo oudiinini waye.
4 Onda* dingililwa keenghoshi;Ondi na okunangala mokati kovalumenhu, ovo va hala okuxwaka nge po,Ovo omayoo avo a fa omaonga nosho yo oikuti,Naavo omalaka avo e li ngaashi eongamukonda li na eemhemo.
5 Kalunga kange, tumbalekwa pombada yeulu;Efimano loye nali kale kombada yedu alishe.
6 Ova tela elulo* va yule eemhadi dange;Onda* nyongama omolwoudjuu.
Ova fa elambo komesho yange,Ashike ovo vene va wila mo. (Sela)
7 Kalunga kange, omutima wange owa pamenena,Omutima wange owa pamenena.
Ohandi imbi nokushika omusika.
8 Efimano lange, penduka.
Oshishikomwa sheengodi, penduka; naave yo okaxumbafeta.
Ohandi pendula etendo leluwa.
9 Omwene Jehova, ohandi ku tange mokati kovanhu;Ohandi ku imbile omaimbilohambelelo* mokati koiwana.
10 Osheshi ohole yoye i na oudiinini oinene, i li pombada ngaashi eulu,Noudiinini woye owa twa mewangadjo.
11 Kalunga kange, tumbalekwa pombada yeulu;Efimano loye nali kale kombada yedu alishe.
Eshangelo lopedu
^ Tala Omafatululo oitya.
^ Ile “omwenyo wange otau kongo.”
^ Ile “Omwenyo wange owa.”
^ Ile “onete.”
^ Ile “Omwenyo wange owa.”
^ Ile “shikile omusika.”
