1 | “Mu shiivifileni oisho yeni aishe”
OMBIIBELI OYA TI: “Shiivifileni [Kalunga] oisho yeni aishe, molwaashi oku na ko nasha nanye.” — 1 PETRUS 5:7.
Osho osha hala okutya ngahelipi?
Jehova Kalunga okwe tu shiiva tu mu lombwele kombinga yomitengi detu odo detu wilila po momadiladilo nosho yo momitima detu. (Epsalme 55:22) Ohatu dulu okwiilikana kombinga youpyakadi keshe, kutya nee ou nini, ile owa kula. Ngeenge osha fimana kufye, osha fimana yo kuJehova. Okwiilikana kuye oshi li onghatu ya fimana, molwaashi ohaku eta ombili yopamadiladilo. — Ovafilippi 4:6, 7.
Nghee osho tashi dulu okukwafela
Ngeenge tu na oupyakadi wopamadiladilo, otashi dulika tu kale tu udite tu li ofye atuke. Ovanhu haalushe hava kala ve udite ko onghalo oyo hatu piti muyo. (Omayeletumbulo 14:10) Ashike ngeenge otwa lombwele Kalunga nghee tu udite, ota ka pwilikina kufye nota ka uda ko onghalo yetu. Jehova oku tu wete noku wete omaupyakadi oo hatu piti muo, nokwa hala tu mu lombwele keshe shimwe osho hatu lipula nasho. — 2 Omafimbo 6:29, 30.
Okupopya naJehova meilikano ohaku pameke elineekelo letu kutya oku na ko nasha nafye. Ohatu dulu okukala tu udite ngaashi omupsalme oo alikana, a ti: “Wa tala oudjuu wange, nowa dimbulukwa omatilifo omwenyo wange.” (Epsalme 31:7) Okukala tu shii kutya Jehova oku wete eenghalo odo hatu piti mudo, otaku dulu oku tu kwafela tu twikile okulididimikila eenghalo didjuu. Iha mono ashike eenghalo odo hatu piti mudo, ndele ohe tu kwafele. Oku udite ko eenghalo odo hatu piti mudo, nohe tu kwafele tu mone ehekeleko nosho yo etwomukumo mOmbiibeli.
Otashi dulika yo u hafele oikundafanwa ei
OSHUNGONANGELO
Ongahelipi hatu dulu okushilipaleka kutya Kalunga ota ka uda omailikano etu?
Ohatu dulu okupopya naKalunga efimbo keshe, kashi na nee mbudi kutya ohatu ilikanene momutima ile mokule. Jesus okwe tu kwafela tu shiive kutya oshike tu na okupopya ngeenge hatu ilikana.
OMISHANGWA DA YELIFWA
Jesaja 41:10 eyelifo — “Ino tila, osheshi Ame ondi li pamwe naave”
Jehova okwa longifa omautumbulilo atatu opo a yelife ediladilo limwe kutya ota ka yambidida ovapiya vaye.
OMAHONGO OMBIIBELI A FIMANA
Mbela Kalunga oha pwilikine ngoo komailikano aeshe?
Ongahelipi ngeenge omunhu ota ilikana e na omatomheno okuliholamwene? Ongahelipi ngeenge omushamane oha ungaunga nai nomukulukadi waye, ndele ota ilikana Kalunga e mu nangeke noupuna?
OVANYASHA TAVA PULA
Omolwashike ndi na okwiilikana?
Mbela eilikano oloku ku mbilipaleka ashike, ile ola kwatela mo shihapu?
OSHUNGONANGELO
Mbela Kalunga oha udu ngoo omailikano etu?
Ombiibeli otai tu shilipaleke kutya Kalunga oha pwilikine kufye ngeenge hatu ilikana metwokumwe nehalo laye.
KOMBINGA YETU
Pula u talelwe po
Kundafaneni kombinga yepulo lopaMbiibeli, ile u lihonge shihapu kombinga yEendombwedi daJehova.
