Omapulo opaMbibeli a nyamukulwa
Omalongelokalunga aeshe ohaa fimaneke ngoo Kalunga?
Ngeenge oho pwilikine keenghundana odo di li mounyuni, otashi dulika wa didilika kutya ovanhu omafimbo amwe ohava longo oukolokoshi okupitila momalongelokalunga. Hamalongelokalunga aeshe a dja kuKalunga kashili. (Mateus 7:15) Ovanhu vahapu ova pukifwa. — Lesha 1 Johannes 5:19.
Ndele nande ongaho, Kalunga oku wete ovanamitimadiwa ovo ve hole osho shiwa noshi li paushili. (Johannes 4:23) Kalunga ota shivi ovanhu va tya ngaho ve lihonge oshili okudja mEendjovo daye, Ombibeli. — Lesha 1 Timoteus 2:3-5.
Ongahelipi to dulu okudidilika mo elongelokalunga lashili?
Jehova Kalunga ota hanganifa ovanhu va dja momalongelokalunga mahapu moku va honga oshili nokukala ve holafane. (Mika 4:2, 3) Onghee hano, oto dulu okudidilika mo ovo ve li melongelokalunga lashili mokutala konghedi omo hava ungaunga navakwao. — Lesha Johannes 13:35.
Jehova Kalunga ota hanganifa ovanhu vomaludi aeshe okupitila melongelokalunga lashili. — Epsalme 133:1
Ovalongelikalunga vashili ova kanghamekela eitavelo nonghedi yavo yokukalamwenyo kOmbibeli. (2 Timoteus 3:16) Ohava fimaneke edina laKalunga. (Epsalme 83:18, NW) Ohava shiivifa yo kutya Ouhamba waKalunga oo ashike tau ka etele ovanhu epepelelo. (Daniel 2:44) Ohava hopaenene Jesus mokweefa ouyelele wavo u “minikile,” hava ningile vakwao ouwa. (Mateus 5:16) Onghee hano, Ovakriste vashili otava dulu okudidilikwa mo noupu eshi tava talele po vakwao momaumbo avo nelalakano opo ve va udifile onghundana iwa yOuhamba waKalunga. — Lesha Mateus 24:14; Oilonga 5:42; 20:20.
Otashi dulika yo u hafele oikundafanwa ei
OMAPULO OPAMBIIBELI A NYAMUKULWA
Mbela omalongelokalunga aeshe okwa faafana? Mbela aeshe okwa hokiwa kuKalunga?
Oinima ivali oyo ya tumbulwa mOmbiibeli oya yandja enyamukulo.
