سەرگەك بولىڭدار!
تريلليونداعان شىعىن. سوعىستىڭ ناعىز قۇنى قانشا؟
قازىرگى ۋاقىتتا سوعىسقا كەتكەن شىعىننىڭ ەسەبى جوق.
«وتكەن جىلى دۇنيەجۇزى بويىنشا ۇكىمەتتەر سوعىستارعا 2،2 تريلليون اقش دوللارىن جۇمسادى. بۇعان دەيىن سوعىستارعا مۇنشالىقتى قىرۋار قاراجات كەتپەگەن» («The Washington Post»، 13-اقپان، 2024).
ٴبىراق سوعىسقا كەتىپ جاتقان شىعىن تەك اقشا عانا ەمەس. مىسالى، ۋكرايناداعى سوعىستى الايىق.
ساربازدار. كەي دەرەكتەرگە سۇيەنسەك، ەكى جىل بۇرىن باستالعان سوعىستا 000 500 نان استام سارباز قازا تاپتى نە جاراقاتتاندى.
بەيبىت تۇرعىندار. بۇۇ-نىڭ مالىمدەۋىنشە، 000 28 نان اسا ادام كوز جۇمدى نەمەسە جاراقات الدى. الايدا بۇۇ-نىڭ جوعارى لاۋازىمدى ٴبىر شەنەۋنىگى: «بۇل سوعىس ناقتى قانشا ادامنىڭ ٶمىرىن جالماپ كەتكەنىن انىقتاۋ مۇمكىن ەمەس»،— دەدى a.
سوعىستار مەن قاقتىعىستار ادامزاتتى ازاپ استىندا قالدىردى. دەرەكتەر بىلاي دەيدى:
114 ميلليون. 2023-جىلدىڭ قىركۇيەگىندەگى مالىمەتكە ساي، وسىنشاما ادام سوعىستىڭ كەسىرىنەن بوسقىننىڭ كۇيىن كەشتى.
783 ميلليون. بۇل — سوزىلمالى اشتىققا ۇشىراعان ادامداردىڭ سانى. «اشتىقتىڭ باستى سەبەبى ٵلى دە قاقتىعىستار بولىپ وتىر. سەبەبى دۇنيەدەگى اش جۇرگەن ادامداردىڭ 70 پايىزى سوعىس پەن قاتىگەزدىك جايلاعان جەرلەردە تۇرادى»،— دەپ مالىمدەيدى دۇنيەجۇزىلىك ازىق-تۇلىك باعدارلاماسى.
سوعىستىڭ بىتەتىن ٴتۇرى بار ما؟ ٴبىر كۇنى دۇنيەدە بەيبىتشىلىك ورناي ما؟ قاشان دۇنيەنىڭ بار بايلىعى سوعىسقا ەمەس، اشتىق پەن كەدەيشىلىكتى جويۋعا جۇمسالاتىن بولادى؟ بۇعان قاتىستى كيەلى جازبالار نە دەيتىنىن بىلەيىك.
سوعىستىڭ زامانى
كيەلى كىتاپتا ادامداردى قىرعىنعا ۇشىراتاتىن قارۋلى جانجالدار جەر شارى بويىنشا بولاتىنى بۇرىندا ايتىلىپ كەتكەن. وندا سوعىس اتقا مىنگەن سالت اتتى رەتىندە سيپاتتالادى.
«سوندا وتتاي قىزىل باسقا ات شىقتى. ادامدار ٴبىر-ٴبىرىن ٶلتىرۋ ٷشىن، اتتا وتىرعانعا جەر بەتىنەن تىنىشتىقتى جويۋ بيلىگى بەرىلىپ، ۇلكەن سەمسەر تابىس ەتىلدى» (ايان 6:4).
وسى سالت اتتىنىڭ ارتىنان اشتىق پەن ٶلىمدى بەينەلەيتىن باسقا ەكى سالت اتتى ەرەدى (ايان 6:5—8). كيەلى كىتاپتاعى وسى اياننىڭ ٴمانى قانداي ەكەنىن جانە سول اياننىڭ ٴبىزدىڭ كۇندەرىمىزگە قانداي قاتىسى بار ەكەنىن ٴبىلۋ ٷشىن «اتقا قونعان تورتەۋ: ول كىمدەر؟» دەگەن ماقالانى وقىپ كورىڭىز.
بەيبىت زامان
ىلگەرى بولاشاقتا دۇنيەنىڭ بايلىعى سوعىستارعا كەتپەيتىن بولادى. سونداي-اق ەشكىم دە جەر بەتىندەگى تىنىشتىقتى بۇزا المايدى. ويتكەنى كيەلى كىتاپتا بىلاي دەلىنگەن:
قۇداي «كۇللى جەرجۇزىندەگى سوعىستاردى توقتاتادى» (ٴزابۇر 46:9).
ول ادامزاتتى سوعىستىڭ تيگىزگەن كەسىرىنەن تولىق ازات ەتەدى. «قۇداي ولاردىڭ كوزىندەگى ٵربىر جاستى ٴسۇرتىپ تاستايدى، ەندى قايتىپ ٶلىم، جوقتاۋ، زار ەڭىرەۋ مەن اۋرۋ بولمايدى. بۇرىنعى جايتتار قۇرىپ جوق بولدى» (ايان 21:4).
قۇداي بىزگە ماڭگىگە سوزىلاتىن تىنىش زامان سيلايدى. «مەنىڭ حالقىم تىنىشتىق ورناعان جەرلەرگە قونىستانىپ، قاۋىپسىز مەكەندەردە جانە جايباراقاتتىق ورناعان تىنىعاتىن جەرلەردە تۇرادى» (يشايا 32:18).
كيەلى كىتاپتىڭ ايتۋىنشا، قازىر بولىپ جاتقان سوعىستار مەن باسقا دا وقيعالار وسى بەيبىت زاماننىڭ قول سوزىم جەردە ەكەنىن كورسەتەدى.
قۇداي قالاي جەر بەتىنە تىنىشتىق ورناتادى؟ بۇنى ول ٶزىنىڭ كوكتەگى ۇكىمەتى، ياعني پاتشالىعى ارقىلى جۇزەگە اسىرادى (ماتاي 6:10). بۇل قانداي پاتشالىق ەكەنىن جانە ونىڭ سىزگە قانداي قاتىسى بار ەكەنىن ٴبىلۋ ٷشىن «قۇداي پاتشالىعى دەگەن نە؟» دەپ اتالاتىن قىسقا ۆيدەونى كورىڭىز.
a بۇۇ-نىڭ باس حاتشىسىنىڭ ەۋروپا بويىنشا كومەكشىسى ميروسلاۆ ەنچا، 6-جەلتوقسان، 2023-جىل.
قىزىقتى بولار مالىمەتتەر
سان ٴتۇرلى تاقىرىپتار
جارقىن بولاشاققا جارىق ٷمىت
قۇدايدىڭ ۋادەلەرى مەن ادامداردىڭ ۋادە-بولجامدارىنىڭ اراسى نەگە جەر مەن كوكتەي؟
ESSENTIAL BIBLE TEACHINGS
قۇداي نەگە قايعى-قاسىرەتكە جول بەرەدى؟
كيەلى كىتاپتا بۇل سۇراققا قاتىستى جۇبانىش بەرەتىن تولىققاندى جاۋاپ بار.
ٴبىز جونىندە
ەحوبا كۋاگەرلەرىنىڭ كەلۋىن ٶتىنۋ
كيەلى كىتاپقا قاتىستى سۇراقتارىڭىزدىڭ جاۋابىن الىڭىز نەمەسە ەحوبا كۋاگەرلەرى جايلى كوبىرەك ٴبىلىڭىز.
