ماتاي 14:1—36
14 سول كەزدە ايماق اكىمى يرود* يسا تۋرالى ەستىپ+،
2 قىزمەتشىلەرىنە: «بۇل — شومىلدىرۋ ٴراسىمىن جاساۋشى جاقيا. ول قايتا ٴتىرىلىپتى. يسانىڭ وسىنداي قۇدىرەتتى ىستەر جاساپ جۇرگەنى دە سودان»+،— دەدى.
3 يرود ٶز باۋىرى ٴفىلىپتىڭ ايەلى يرودياعا بولا جاقيانى بايلاتىپ، تۇرمەگە جاپتىرعان ەدى+.
4 سەبەبى جاقيا يرودقا: «بۇل ايەلدى العانىڭىز زاڭعا قايشى+»،— دەيتىن.
5 يرود ونى ولتىرگىسى كەلدى، ٴبىراق حالىقتان قورىقتى. ويتكەنى حالىق ونى پايعامبار سانايتىن+.
6 بىردە يرود تۋىلعان كۇنىن+ تويلاپ جاتقاندا، يروديانىڭ قىزى قوناقتاردىڭ الدىندا بي بيلەدى. بي يرودقا قاتتى ۇناپ+،
7 قىزعا سۇراعانىنىڭ ٴبارىن بەرۋدى انت ەتتى.
8 ال قىز شەشەسىنىڭ ۇيرەتۋىمەن: «ماعان شومىلدىرۋ ٴراسىمىن جاساۋشى جاقيانىڭ باسىن تاباققا سالىپ بەرىڭىز»،— دەپ سۇرادى+.
9 بۇعان پاتشانىڭ ەڭسەسى ٴتۇسىپ كەتتى، ٴبىراق بەرگەن انتىنا جانە وزىمەن بىرگە جانتايعان قوناقتارىنا بولا قىزدىڭ ٶتىنىشىن ورىنداۋدى بۇيىردى.
10 ول تۇرمەگە كىسى جىبەرىپ، جاقيانىڭ باسىن الدىردى.
11 باس تاباققا سالىنىپ، قىزعا اكەلىندى. قىز بولسا ونى شەشەسىنە اپارىپ بەردى.
12 كەيىنىرەك جاقيانىڭ شاكىرتتەرى كەلىپ، ونىڭ دەنەسىن اكەتىپ، قابىرگە قويدى. سوسىن يساعا بارىپ، بولعان جايتتى جەتكىزدى.
13 بۇنى ەستىگەندە، يسا وڭاشا بولۋ ٷشىن ٴبىر ەلسىز جەرگە قايىقپەن ٴجۇزىپ كەتتى. ٴبىراق مۇنى بىلگەن جۇرت قالالاردان شىعىپ، جاياۋ سوڭىنان ىلەستى+.
14 يسا قايىقتان تۇسكەندە، قالىڭ جۇرتتى كوردى. ولاردى اياپ كەتىپ+، ارالارىنداعى اۋرۋلاردى ساۋىقتىردى+.
15 كەش تۇسە شاكىرتتەرى كەلىپ، وعان: «بۇل — ەلسىز جەر، كەش تە ٴتۇسىپ قالدى. حالىقتى تاراتىپ جىبەرىڭىز. اۋىلدارعا بارىپ، وزدەرىنە تاماق ساتىپ السىن+»،— دەدى.
16 ٴبىراق يسا: «ولارعا ەشقايدا كەتۋدىڭ قاجەتى جوق. تاماقتى سەندەر بەرىڭدەر»،— دەپ جاۋاپ قاتتى.
17 شاكىرتتەرى: «بىزدە بەس نان مەن ەكى بالىقتان باسقا ەشتەڭە جوق»،— دەگەندە،
18 يسا: «سولاردى ماعان اكەلىڭدەر»،— دەدى.
19 ٴسۇيتىپ، حالىققا كوگالعا جايعاسۋدى ايتتى دا، بەس نان مەن ەكى بالىقتى الىپ، كوككە قاراپ دۇعا ەتتى+. سوسىن ناندى سىندىرىپ شاكىرتتەرىنە بەرە باستادى، ال ولار حالىققا ۇلەستىردى.
20 سودان ٴبارى تاماقتانىپ، تويىپ الدى. ارتىلعانىن جيناپ العاندا، 12 سەبەت تولدى+.
21 ايەلدەر مەن بالالاردى قوسپاعاندا، تاماقتانعان ەر كىسىلەردىڭ سانى 5000 داي ەدى+.
22 بۇدان كەيىن يسا دەرەۋ شاكىرتتەرىنە قايىقپەن ارعى جاعاعا وتە بەرۋدى تاپسىرىپ، ٶزى حالىقتى تاراتۋ ٷشىن سوندا قالدى+.
23 جۇرتتى تاراتىپ بولعان سوڭ، ول دۇعا ەتۋ ٷشىن تاۋعا كوتەرىلدى+. ىمىرت تۇسكەندە دە، سول جەردە جالعىز قالا بەردى.
24 بۇل كەزدە قايىق جاعادان ٴبىرتالاي* الىستاپ كەتكەن بولاتىن. جەل قارسى سوعىپ تۇرعاندىقتان، تولقىندار ونى سوققىلاپ جاتتى.
25 ال ٴتۇننىڭ ٴتورتىنشى كۇزەتىندە* يسا تەڭىز بەتىمەن شاكىرتتەرىنە قاراي ٴجۇردى.
26 بىرەۋدىڭ تەڭىز بەتىمەن ٴجۇرىپ كەلە جاتقانىن كورگەندە، شاكىرتتەرى ابىرجىپ: «مىناۋ ەلەس قوي!»— دەپ، قورىققاندارىنان ايقايلاپ جىبەردى.
27 ٴبىراق يسا ولارعا دەرەۋ ٴتىل قاتىپ: «باتىل بولىڭدار، بۇل مەنمىن! قورىقپاڭدار+!»— دەدى.
28 پەتىر وعان: «يەم، ەگەر بۇل ٴسىز بولساڭىز، وزىڭىزگە سۋ بەتىمەن كەلۋگە بۇيىرا كورىڭىز»،— دەگەندە،
29 يسا: «كەل!»— دەدى. سوندا ول قايىقتان شىعىپ، سۋ بەتىمەن وعان قاراي ٴجۇردى.
30 ٴبىراق داۋىلدى كورگەندە، پەتىر قورقىپ كەتتى. ول سۋعا باتا باستادى دا: «يەم، قۇتقارا كورىڭىز!»— دەپ ايقايلاپ جىبەردى.
31 يسا دەرەۋ قولىن سوزىپ، ونى ۇستاي الدى دا: «سەنىمى از-اۋ، نەگە كۇمانداندىڭ+؟»— دەدى.
32 ولار قايىققا مىنگەندە، داۋىل باسىلدى.
33 سوندا قايىقتاعى شاكىرتتەرى: «ٴسىز شىنىمەن دە قۇدايدىڭ ۇلىسىز!»— دەپ، وعان تاعزىم ەتتى.
34 ولار تەڭىزدەن ٶتىپ، گەنەسارەت+ جەرىنە كەلدى.
35 سول جەردىڭ تۇرعىندارى يسانى تانىپ، بۇكىل توڭىرەككە حابار جىبەردى. جۇرت وعان بارلىق اۋرۋ-سىرقاۋلارىن الىپ كەلدى.
36 ولار ودان، ەڭ بولماعاندا، جامىلعىسىنىڭ شاشاعىنا قول تيگىزۋگە رۇقسات ەتۋىن ٶتىندى+. قول تيگىزگەندەردىڭ ٴبارى قۇلانتازا جازىلىپ كەتىپ جاتتى.
سىلتەمەلەر
^ ياعني يرود انتيپاس. تۇسىندىرمەنى قاراڭىز.
^ سوزبە-ٴسوز «ٴبىرتالاي ستاديي». 1 ستاديي 185 مەترگە تەڭ. B14 قوسىمشاسىن قاراڭىز.
^ شامامەن تۇنگى 00:3 مەن تاڭعى 00:6 ارالىعى. تۇسىندىرمەنى قاراڭىز.
