ەلشىلەردىڭ ىستەرى 1:1—26
1 قۇرمەتتى تەوفيل، ٴبىرىنشى كىتاپتا يسانىڭ و باستان نە ىستەپ، نە ۇيرەتكەندەرىنىڭ بارلىعىن تۇگەل بايانداعان بولاتىنمىن+.
2 ٶزى تاڭداعان ەلشىلەرگە+ كيەلى رۋح ارقىلى نۇسقاۋلار بەرگەننەن كەيىن، ول كوككە الىندى+.
3 ازاپتالىپ ولگەننەن كەيىن، يسا ەلشىلەرىنە كوپتەگەن سەنىمدى دالەلدەر ارقىلى ٶزىنىڭ ٴتىرى ەكەنىن كورسەتتى+. ولارعا 40 كۇن بويى كورىنىپ، قۇداي پاتشالىعى جايلى ايتىپ ٴجۇردى+.
4 ولارمەن كەزدەسىپ جۇرگەن كەزدەرى مىناداي بۇيرىق بەردى: «يەرۋساليمنەن ەشقايدا كەتپەي+، اكەمنىڭ ۋادەسى ورىندالاتىن ۋاقىتتى كۇتىڭدەر+. سەندەرگە بۇل جايلى ايتقانمىن.
5 جاقيا سۋعا شومىلدىرعان* ەدى، ال سەندەر بىرەر كۇننەن كەيىن كيەلى رۋحپەن شومىلدىرىلاسىڭدار+».
6 تاعى ٴبىر جينالعاندا ولار يسادان: «يەم، يسرايلگە پاتشالىقتى قازىر قايتا ورناتاسىز با؟»— دەپ سۇرادى+.
7 سوندا ول بىلاي دەپ جاۋاپ بەردى: «اكەنىڭ قۇزىرىنداعى ۋاقىتتار مەن مەرزىمدەردى سەندەرگە ٴبىلۋدىڭ قاجەتى جوق+.
8 الايدا وزدەرىڭە كيەلى رۋح قونعاندا كۇش-قۋاتقا يە بولىپ+، يەرۋساليمدە+، بۇكىل ياھۋدەيا مەن ساماريادا+ جانە جەردىڭ قيىر شەتىنە دەيىن+ مەن جايلى كۋالىك ەتەسىڭدەر+».
9 وسىنى ايتىپ بولعان سوڭ، يسا ەلشىلەرىنىڭ كوزىنشە كوككە كوتەرىلدى. ونى بۇلت جاۋىپ قالىپ، ولاردىڭ كوزىنەن تاسا بولدى+.
10 ەلشىلەرى يسانىڭ كوككە كوتەرىلىپ بارا جاتقانىنا كوز الماي قاراپ تۇرعاندا، كەنەتتەن اق جامىلعى+ كيگەن ەكى كىسى قاستارىندا تۇرا قالىپ،
11 بىلاي دەدى: «عاليلەيالىقتار، نەمەنەگە كوككە كوز الماي قاراپ تۇرسىڭدار؟ كوككە الىنعان يسا سەندەردىڭ كوزدەرىڭشە قالاي كوتەرىلسە، ٴدال سولاي قايتىپ كەلەدى».
12 سودان كەيىن ولار ٴزايتۇن تاۋىنان يەرۋساليمگە قايتتى+. بۇل تاۋ يەرۋساليمنەن شامامەن ٴبىر شاقىرىمداي* جەردە بولاتىن.
13 ولار كەلگەن سوڭ، وزدەرى توقتاعان ٷيدىڭ ەكىنشى قاباتىنا كوتەرىلدى. بۇلار پەتىر، جوحان، جاقىپ، ٵندىر، ٴفىلىپ، توما، بارتالاماي، ماتاي، الپەي ۇلى جاقىپ، قۇلشىنعان شيمون جانە جاقىپ ۇلى ياھۋدا ەدى+.
14 بارلىعى نيەتتەس كوڭىلمەن دۇعا ەتىپ ٴجۇردى. ولارمەن بىرگە يسانىڭ باۋىرلارى+، اناسى ٴماريام مەن وزگە دە ايەلدەر بولدى+.
15 سول كۇندەرى پەتىر جينالعان 120 شاقتى باۋىرلاستىڭ اراسىندا تۇرىپ، بىلاي دەدى:
16 «باۋىرلاستار، كيەلى رۋحتىڭ ٴداۋىت پايعامبار ارقىلى الدىن الا ايتقان سوزدەرى ورىندالۋ كەرەك بولدى. بۇل — يسانى تۇتقىنداعاندارعا جول كورسەتكەن ياھۋداعا+ قاتىستى سوزدەر+.
17 ول ارامىزدا بولىپ+، بىزبەن بىرگە قىزمەت ەتتى.
18 (وسى كىسى ادىلەتسىزدىكپەن تاپقان اقشاسىنا جەر ساتىپ الدى+. كەيىن باسىمەن قۇلاپ، ىشەك-قارنى اقتارىلىپ ٶلدى+.
19 يەرۋساليم تۇرعىندارى مۇنى ەستىپ، تاناپتى ٶز تىلدەرىندە حاكەلداما، ياعني قاندى تاناپ، دەپ اتاپ كەتتى.)
20 ٴزابۇر كىتابىندا «ونىڭ تۇراعى بوس قالسىن، ول جەر قاڭىراپ جاتسىن»+ دەپ جازىلعان عوي. سونداي-اق «ونىڭ باقىلاۋشى مىندەتىن باسقا بىرەۋ السىن»+ دەپ تە ايتىلعان.
21 سوندىقتان ونى يەمىز يسا ارامىزدا جۇرگەن كەزدىڭ بارىندە بىزبەن بىرگە بولعان ادامداردىڭ ٴبىرى الماستىرۋ كەرەك.
22 ول يسانىڭ جاقياعا بارىپ، شومىلدىرۋ راسىمىنەن وتكەن كەزىنەن باستاپ+ كوككە الىنعانىنا+ دەيىن بىزبەن بىرگە جۇرگەن ٵرى ونىڭ قايتا تىرىلگەنىن كورگەن ادام بولۋى ٴتيىس+».
23 سودان ولار ەكى كىسىنى: ٴجۇسىپتى (ول بارسابا دەپ تە، يۋست دەپ تە اتالاتىن) جانە ماتيانى ۇسىندى.
24 سوسىن بىلاي دەپ دۇعا ەتتى: «ۋا، ەحوبا*، سەن اركىمنىڭ جۇرەگىندە نە بارىن بىلەسىڭ+. وسى ەكى ادامنىڭ قايسىسىن تاڭداعانىڭدى بىزگە بىلدىرە كور.
25 ەلشىلىك قىزمەتى مەن مىندەتىنەن باس تارتىپ، ٶز جولىمەن كەتكەن ياھۋدانىڭ ورنىن قايسىسى باسۋ كەرەك+؟»
26 وسىدان كەيىن ولار جەرەبە تاستادى+. جەرەبە ماتياعا ٴتۇسىپ، ول 11 ەلشىنىڭ قاتارىنا قوسىلدى.
سىلتەمەلەر
^ تۇسىندىرمەدەگى «شومىلدىرۋ ٴراسىمىن» قاراڭىز.
^ سوزبە-ٴسوز «ٴبىر دەمالىس كۇندىك جول». ياھۋديلەرگە دەمالىس كۇنى وسىنشا عانا جول جۇرۋگە بولاتىن.
^ بۇل — قۇدايدىڭ ەسىمى. تۇسىندىرمەنى قاراڭىز.
