Зәбүр 91:1—16
91 Алла Тағаланың құпия жерінде мекендейтін әркім+
Құдіреті шексіз Құдайдың саясын паналайды+.
2 Мен Ехобаға: “Сен менің панам әрі қорғанымсың+,Арқа сүйейтін Құдайымсың+”,— деймін.
3 Өйткені ол сені құс аулаушының тұзағынан,Ажалды індеттен құтқарады.
4 Қауырсындарымен қалқалайды,Сен оның қанатының астын паналайсың+.
Оның адалдығы+ саған үлкен қалқан+, қорғайтын қабырға болады.
5 Түнгі үрейден шошынбайсың+,Күндіз атылған жебеден де қорықпайсың+,
6 Қара түнекте жайлайтын індеттен,Тал түсте қыратын апаттан үрейленбейсің.
7 Қасыңда мыңы құлайды,Оң жағыңда он мыңы сұлайды,Бірақ саған еш жамандық болмайды+.
8 Осылардың бәріне қарап қана тұрасың,Зұлымдардың жазаланғанының куәсі боласың.
9 Себебі сен: “Ехоба — менің панам”,— дедің,Алла Тағаланы мекендейтін тұрағың* еттің+.
10 Басыңа еш жамандық түспейді+,Шатырыңа да апат төнбейді.
11 Себебі ол сен туралы періштелеріне+ бұйрық береді,Олар сені қайда барсаң да қорғап жүреді+.
12 Аяғыңды тасқа соғып алмауың үшін,Сені қолдарына алып жүреді+.
13 Жас арыстан мен кобраны аяғыңмен таптайсың,Абдан арыстан мен абжыланды жаншып тастайсың+.
14 Құдай былай деді: “Ол мені жақсы көргендіктен, мен оны құтқарамын+.
Есімімді білгендіктен, оны қорғайтын боламын+.
15 Ол мені шақырады, ал мен жауап қатамын+.
Қиын шақтарда қасынан табыламын+.
Мен оны құтқарып, мерейін асырамын.
16 Оған ұзақ ғұмыр сыйлаймын+,Құтқаратын күшімді паш етемін+”.
Сілтемелер
^ Мүмкін: “қамалың; панаң”.
