62-ӘН
Жаңа ән
(Зәбүр 98)
-
1. Ән айт Құдайға, шырқа жаңа мадақ әнін,
Әуелгі, алдағы айт ұлы істерін.
Қолы қуатты, Ехоба жеңімпаз Құдай,
Сот ісінде тұрмақ әділдіктен танбай.
ҚАЙЫРМАСЫ:
Жаңа ән!
Шырқайық баршамыз!
Жар салып:
“Ехоба Патшамыз!”
-
2. Ән сал дауыстап, қуаныш үні жаңғырсын!
Жар салып мадақта Құдайдың есімін.
Көп жұртпен бірге Патшаның алдында шырқа,
Саз сырнай үні де толсыншы мадаққа.
ҚАЙЫРМАСЫ:
Жаңа ән!
Шырқайық баршамыз!
Жар салып:
“Ехоба Патшамыз!”
-
3. Көл, теңіз суы мадақ айтып дауыстасын,
Бар тіршілік бірге үндесіп даңқтасын.
Жер де қуанып, қол соқсын өзен сулары,
Тау-тасы, кең дала, ән айтсын Жер шары.
ҚАЙЫРМАСЫ:
Жаңа ән!
Шырқайық баршамыз!
Жар салып:
“Ехоба Патшамыз!”
(Зәб. 96:1; 149:1; Ишая 42:10 қараңыз.)
