1. Guuti naalak­kersuisul­lu qanoq naalas­sin­naavavut?

BIIBILIMIT ilin­niar­tin­neqar­pugut naalak­kersuisut nunamiit­tut naalat­tas­sagivut, aam­mali al­las­simavoq Guuti inun­nit naalat­tariaqar­nerusoq. (ApS 5:29; Tit 3:1) Tas­sa qanoq? Jiisusip kimut naalat­tas­sanersugut nalun­ngin­nias­sagatsigu najoq­qutas­sip­paatigut. Oqar­poq ‘kaasari tunis­sagip­put kaasarip piinik Guutilu Guutip piinik’. ^[1] (Mat­t 22:21) ‘Kaasari tunisar­par­put kaasarip piinik’ naalak­kersuisut inatsisaat naalak­kaangatsigit, naalak­kersuisuni atorfil­lit ataq­qigaangatsigit akileraaraangat­talu. (Rom 13:7) Naalak­kersuisul­li Guutip piumasaanut akerliusumik iliuuseqaq­qugaangatigut naalak­kumaneq ajor­pavut, tamatigul­li ataq­qin­nit­tumik.

2. Silarsuarmi politik­kimut akuliun­naveersaar­tuuner­put qanoq ersersit­tar­par­put?

² ‘Guuti tunisar­par­put Guutip piinik’ silarsuarmi matumani politik­kimut tun­ngasunik sunil­luun­niit tapersersuin­ngin­nitsigut. (Es 2:4) Jehovap naalak­kersuisut nunamiit­tut naalak­kersuisin­naatim­magit taak­kunin­nga akerlilersuineq  ajor­pugut. Aam­ma nunagisamik inuiaas­sutsimil­luun­niit pingaar­titsival­laar­tunut akuliun­neq ajor­pugut. (Rom 13:1, 2) Naalak­kersuisunik al­lan­ngor­titsiniar­neq ajor­pugut politikeril­luun­niit sun­ner­niar­tar­nagit, naalak­kersuisunil­lu qinersisoqaraangat qinersineq ajor­pugut politikerin­ngor­tar­nataluun­niit.

3. Sooq kal­luun­naveersaar­tuusariaqar­pugut?

³ Guutip pis­sutis­sar­pas­suaqarluni un­nersuup­paatigut kal­luun­naveersaar­tooq­qul­luta. Pis­sutigisaasa ilagaat Jiisusi ‘silarsuarmut ilaan­ngitsoq’ ilaar­tus­saagatsigu. Taan­nalu politik­kimut sorsun­ner­nul­luun­niit akuliun­neq ajor­poq. (Joh 6:15; 17:16, NW) Pis­sutaasoq al­la tas­saavoq Guutip naalagaaf­fia tapersersoratsigu. Naalak­kersuisunik nunamiit­tunik tapersersugaqan­ngin­nat­ta ilerasuuteqar­nata Guutip naalagaaf­fia inuit ajor­nar­torsiutaasa aaq­qiis­sutis­satuaat­tut oqaluus­sis­sutigaar­put. Up­perisarsioqatigiit eq­qun­ngitsut politik­kik­kut tapersersugaqar­tar­put, taman­nalu inun­nik avis­saar­tuutsitsisar­poq. Kal­luun­naveersaar­tuugat­tali silarsuarmi tamarmi qatan­ngutivul­lu ataasius­suseqar­pugut. – 1 Petr 2:17.

4. (a) Kal­luun­naveersaar­tuunerup ajor­nakusoor­neruler­nis­saa qanoq nalun­ngilar­put? (b) Sooq kal­luun­naveersaar­tuujuarumal­luta maan­na piareersar­tariaqar­pugut?

⁴ Im­maqa politik­kimut akuliut­tan­ngin­ner­put nunagisatsin­ni ajorineqan­ngilaq. Saatanil­li silarsuaata naggatis­saata qanil­liar­tor­nerani kal­luun­naveersaar­tuunis­sar­put ajor­nar­nerulis­saaq. Ul­lumik­kut inuit ‘saam­mar­titas­saan­ngitsooreerlutil­lu makitaniar­tooreer­put’, avis­saar­tuun­nerulis­sap­pul­lu. (2 Tim 3:3, 4) Qatan­ngutit­ta ilaat nunagisamin­ni politik­kik­kut al­lan­ngor­toqariataar­nera pis­sutigalugu ilimagin­ngisamik misilin­neqariataar­put. Taamaat­tumik atuk­kavut imaan­naan­ngik­kaluar­pataluun­niit kal­luun­naveersaar­tuarsin­naaq­qul­luta maan­nak­kut piareersar­tariaqar­pugut. Piareersaatitut iliuuserisin­naasavut sisamat sam­meriar­tigit.

5. Jehovap naalak­kersuisut nunamiit­tut qanoq isigai?

⁵ Siul­ler­tut, kal­luun­naveersaar­tuujuar­nis­samut maan­na piareersarsin­naavugut naalak­kersuisut nunamiit­tut Jehovap isigin­nit­taasiatut isigalugit. Jehovap inuit pin­ngor­tik­kamigit inoqatimin­nut naalagaasus­satut pin­ngor­tin­ngilai. (Jer 10:23) Inuit tamaasa ilaqutariit­tut ataatsitut isigai. Naalak­kersuisul­li nunamiit­tut inun­nik avis­saar­tuutsitsip­put inuiaas­sutsimik pingaar­titsival­laar­nermik siuarsaanermik­kut. Naalak­kersuisuul­luar­toor­pasik­kaluaraangamil­luun­niit ajor­nar­torsiutinik tamanik aaq­qiisin­naaneq ajor­put. Aam­mami Guutip naalagaaf­fianut, 1914-imi aqutsilersumut, akeran­ngor­put. Ungasin­ngitsuk­kut Naalagaaf­fiup tamatuma naalagaaf­fiit nunamiit­tut tamaasa atorun­naarsis­savai. – Tussiaat 2:2, 7-9 atuakkit.

6. Naalak­kersuisuni oqar­tus­saas­susil­lit qanoq pis­suseqarfigis­savavut?

⁶ Guutip naalak­kersuisut nunamiit­tut piunis­saat akueraa eq­qis­sineq aaq­qis­suul­luagaanerlu atuutsis­sin­naam­matigit. Pis­sutsit atoruminar­tuugaangata Guutip naalagaaf­fia pil­lugu nutaarsias­saq nuan­nersoq oqaluus­sis­sutigisin­naasar­par­put. (Rom 13:3, 4) Eq­qis­sil­luta pal­lorfigin­nis­sin­naaq­qul­luta Guutip peq­quaatigut  oqar­tus­saas­susil­lit qin­nut­tas­sagivut. (1 Tim 2:1, 2) Naaper­tuil­luan­ngitsumik pineqaraangat­ta naalak­kersuisuni oqar­tus­saasunut ikioq­qusarsin­naavugut. Paulusi taamaalior­poq. (ApS 25:11) Biibilimi al­las­simagaluar­toq Saatanip naalak­kersuisut nunamiit­tut aquk­kai, al­las­siman­ngilaq naalak­kersuisuni oqar­tus­saasut ataasiak­kaat aquk­kai. (Luk 4:5, 6) Taamaat­tumik isumaqalersitsinian­ngisaan­nas­saagut naalak­kersuisuni atorfilik Diaavulumit aqun­neqar­toq. Biibilimi al­las­simavoq inuit al­lat mitaatigis­san­ngik­kivut. – Tit 3:1, 2.

7. Qanoq eq­qarsar­naveersaas­saagut?

⁷ Guuti naalat­tar­par­put politikerimik kimil­luun­niit par­tiil­luun­niit arlaan­nik, taak­kua isumaat iluaqutigisin­naar­pasik­kaluarutsiguluun­niit, il­lersuin­ngin­nik­kut. Im­maqa ilaan­nik­kut il­lersuilin­ngin­nis­saq ajor­naatsuin­naaneq ajor­poq. As­sersuutigalugu takorlooruk naalak­kersuisut naqisiman­nit­tut, aam­ma Jehovap Nalunaajaasuinik naaper­tuil­luan­ngitsulior­tar­tut, pikitsitsif­figineqar­tut. Soorunami pikitsitseqataanavian­ngilatit, eq­qarsas­savil­li pikitsitsisut isumaat ilumoor­tuusoq iluatsitsis­sasul­lu neriuutigalugu? (Ef 2:2) Akuliun­naveersaas­sagut­ta isumaqar­naveersaar­tariaqar­pugut taak­kua arlaat ilumoor­tuusoq pitsaanerusorluun­niit. Taman­nalu oqaatsitsin­nit iliuutsitsin­nil­lu erseq­qit­tariaqar­poq.

8. Kal­luun­naveersaar­tuunis­saq ajor­nakusooraangat qanoq ‘silatusaarsin­naal­lutalu peq­qusersuitsuusin­naavugut’?

⁸ Aap­pas­saat­tut, kal­luun­naveersaarsin­naavugut ‘silatusaarluta pulateriaarsut­tut peq­qusersuitsuul­lutalu tuisut’. (Matthæusi 10:16, 17 atuakkit). Ajor­nar­torsiutaalersin­naasut siumut eq­qarsaatigigaangatsigit ‘silatusaar­tar­pugut’. Unam­miniar­nar­toqar­til­lugu akuliun­naveersaaraangat­ta ‘peq­qusersuitsuusar­pugut’. Unam­miniar­nar­tuusin­naasut ilaat qanorlu kal­luun­naveersaarsin­naasugut sam­meriar­tigit.

9. Oqaloqateqar­nitsin­ni qanoq mianersor­tas­saagut?

⁹ Oqaloqatigiinnerit. Politik­kimut tun­ngasut eq­qar­tor­neqaleraangata mianersoq­qis­saar­tariaqar­pugut. As­sersuutigalugu Guutip naalagaaf­fia pil­lugu oqaloqateqaraangat­ta politik­kik­kut siut­tup par­tiil­luun­niit ataatsip isumaat nersualaar­niar­nagil­lu isor­nar­torsior­niar­tan­ngilagut. Inuit ajor­nar­torsiutinik qanoq aaq­qiiniar­nersut eq­qar­tor­nagu Guutip naalagaaf­fiata ataavar­tumik aaq­qiinis­saa Biibilimit takutiguk. Aalajangersimasut pil­lugit, soorlu anguteqatigiit ar­naqatigiil­lu katit­tar­nerat naar­tuersit­tar­nerluun­niit pil­lugu, oqal­lis­saarisoqaraangat, tamak­ku pil­lugit Biibilimi al­las­simasut il­lil­lu inuunin­ni taak­kunin­nga qanoq maleruaanersutit oqalut­tuarik­kit. Oqar­toqaraangat inatsit aalajangersimasoq atorun­naarsin­neqar­tariaqar­toq al­lan­ngor­tin­neqar­tariaqar­torluun­niit arlaan­naan­nil­luun­niit tapersersuineq ajor­pugut, isigin­nit­taaser­pul­lu al­lanut pin­ngitsaaliis­sutiginiar­neq ajor­par­put.

10. Tusagas­siuutinut tun­ngatil­lugu qanoq kal­luun­naveersaarsin­naavugut?

¹⁰ Tusagassiuutit. Ilaan­nik­kut pisimasut nutaarsias­sani il­luin­naasior­tumik oqalut­tuarineqar­tar­put. Ingam­mik taamaat­toqar­tar­poq tusagas­siuutit naalak­kersuisunit aqun­neqaraangata. Tusagas­siorfiit tusagas­sior­tul­luun­niit arlaan­nik  tapersersuisar­pata taak­kunatut eq­qarsalin­ngin­nis­sar­put eq­qumaf­figisariaqar­par­put. As­sersuutigalugu im­minut ima aperigit: ‘Tusagas­sior­toq aalajangersimasoq tusar­naarusut­tar­para politik­kimut tun­ngatil­lugu isumaqatigigak­ku?’ Kal­luun­naveersaar­tuujuaq­qul­lutit tusagas­sior­tut politik­kimut tun­ngasunik il­lersugaqar­tar­tut tusar­naar­naveersaar­tarlugil­lu al­lataan­nik atuagaqar­naveersaar­tarit. Arlaan­naan­nil­luun­niit tapersersuin­ngitsumik tusar­naagas­sarsior­tarit. Tusak­katil­lu ‘nalunaajaam­mut peq­qis­sinar­tumut’ Biibilimeersumut naleq­qiut­tuaan­nak­kit. – 2 Tim 1:13.

11. Pigisanik pingaar­titsival­laarut­ta kal­luun­naveersaar­nis­saq qanoq ar­tor­nar­tis­sin­naavar­put?

¹¹ Pigisanik pingaar­titsival­laarneq. Aningaasat pigisavul­lu pingaar­tip­pal­laarutsigit kal­luun­naveersaar­tuar­neq ajor­nakusoor­tis­sin­naavar­put. 1970-ip kingor­na Malawimi Nalunaajaasor­pas­suit politik­kik­kut par­tiinik tapersersuinian­ngin­ner­tik pis­sutigalugu pigisatik tamaasa qimal­lugit qimaasariaqar­put. Ajoraluar­tumik ilaasa ilorrisimaar­nar­tumik inooriaaser­tik an­naarusun­ngilaat. Qatan­ngut Ruthimik atilik ima eq­qaamasaqar­poq: “Qimaaqatigisat­ta ilaasa qimaasunut inis­siani ilorrisimaar­nan­ngitsuni inoorusun­ngin­namik kingusin­nerusuk­kut politik­kik­kut par­tiit tapersersuler­paat angerlarsimaf­fim­min­nul­lu uterlutik.” Guutil­li in­nut­taasa amerlanersaat taamaaliun­ngil­lat. Politik­kik­kut tapersersugaqan­ngil­lat al­laat tamatuma kingunerisaanik aningaasaatikin­neruleraluarlutik pigisatil­luun­niit tamaasa an­naagaluarlugit. – Hebr 10:34.

12, 13. (a) Jehovap inuit qanoq isumaqarfigai? (b) Nunagisatsin­nik tul­luusimaarutigin­nip­pal­laar­nerluta qanoq nalun­ngis­sin­naavar­put?

¹² Pingaarniartuuneq. Inuit naggueqatigiis­suser­tik, inuiaas­suser­tik, kulturer­tik, il­loqarfitsik nunar­til­luun­niit tul­luusimaarutigalugulu pingaakujuutigisar­paat. Jehovali isumaqan­ngilaq inuit arlaat al­lanit pitsaanerusut. Taas­sumun­nga tamat­ta naligiip­pugut. Soorunami Jehovap tamat­ta as­sigiin­ngitsuutil­luta pin­ngor­tip­paatigut, as­sigiin­ngitsuuner­pul­lu nuan­naarutigisin­naal­lugulu alutorisin­naavar­put. Jehovap kis­saatigin­ngilaa kulturer­put sumigin­nas­sagip­put. Aam­mali isumaqaq­qun­ngilaatigut uagut al­lanit pitsaanerusugut. – Rom 10:12.

¹³ Nunagisar­put inuiaas­suser­pul­luun­niit tul­luusimaarutigival­laalerlugu al­lanit pitsaanerusorilis­san­ngilagut. Taamatut misigilerut­ta kal­luun­naveersaar­tuar­nis­saq ajor­nakusoor­torujus­suan­ngorsin­naavoq. Kristumiut siul­liit nalaan­ni taama pisoqar­poq. Qatan­ngutit hebræeriusut ilaasa uil­lar­nerit grækeriusut naaper­tuil­luan­ngitsumik pisalersimavaat. (ApS 6:1) Taamatut isigin­nit­taaseqalersimanerluta qanoq paasisin­naavar­put? Qatan­ngutip al­lamiup arlaan­nik siun­nersor­patit ingerlaan­naq ima eq­qarsas­savit: ‘Uagut ajun­ngin­nerusumik periaaseqar­pugut,’ siun­nersuutaalu itigar­til­lugu? Taamaap­pat siun­nersuut pitsaasoq una eq­qaamajuk:  ‘Makitajuitsuunis­sigut al­lat ilis­sin­nit an­nerutis­sigit.’ – Fil 2:3.

14. Qinuneq qanoq iluaqutigisin­naavar­put, Biibilimilu oqalut­tuamit taman­na qanoq up­per­narsar­neqar­pa?

¹⁴ Pingajus­saat­tut, kal­luun­naveersaar­tuarsin­naavutit Jehovamik tatigin­nin­nik­kut. Anersaaq il­ler­nar­toq, naam­magit­talersitsisin­naasoq im­minul­lu naalak­kersin­naan­ngor­titsisoq, qin­nutigisaruk. Naalak­kersuisunit un­neq­qaserluf­figineqaruit naaper­tuil­luan­ngitsumil­luun­niit pineqaruit pis­suserineqar­tus­sat taak­ku iluaqutigis­savatit. Kal­luun­naveersaar­tuujuar­nis­samik ajor­nar­titsisin­naasumik atugaqalis­sagaluaruit tamatuma paasinis­saanut ilisimas­susermik Jehova qin­nuigiuk. Pis­sutsil­lu taamaatsil­lugit eq­qor­tumik iliuuseqarsin­naaq­qul­lutit Jehovamut ikioq­qugit. (Jaak 1:5) Jehovamik ilumoorfigin­nin­nerit pis­sutigalugu par­naarus­saasin­naavutit al­latul­luun­niit pil­lar­neqarlutit. Taamaat­toqar­pat kal­luun­naveersaar­tuuner­pit erseq­qis­sumik al­lanut nas­suiar­nis­saanut sapiis­suseqar­nis­saq qin­nutigiuk. Piner­tusaarsin­naaq­qul­lutit Jehovap ikiorumaaraatit up­peril­luin­narsin­naavat. – Apustilit Suliaat 4:27-31 atuakkit.

15. Kal­luun­naveersaar­tuujuarsin­naaq­qul­luta Biibili qanoq iluaqutigisin­naavar­put? (Aam­ma ungalusaq “ Guutip oqaasianik up­per­nerat nakus­satsin­neqar­poq” takuuk).

¹⁵ Jehovap nakus­satsin­niarluta Biibili uagutsin­nut tun­niup­paa. Al­las­simaf­fiit kal­luun­naveersaar­tuujuar­nis­san­nut iluaqutaasut eq­qarsaatigeq­qis­saak­kit. Taak­kulu alan­ngaarsin­naalik­kit Biibileerutis­sagaluaruit iluaqutigis­sagak­kit. Aam­ma siunis­saq pil­lugu neriuutit Biibilimit nakus­satsin­neqarsin­naavoq. Malersor­neqar­nermi piner­tusaas­sagut­ta Biibilimeersumik neriuuteqar­tariaqar­pugut. (Rom 8:25) Al­las­simaf­fiit silarsuar­taas­sami iliuusererusutan­nut tun­ngasut toq­qak­kit tas­sanilu inuunis­sat takorloorlugu.

16, 17. Guutip kif­fai kal­luun­naveersaar­tuarsimasut qanoq ilin­niarfigisin­naavavut? (Al­laaserisap aal­laq­qaataani as­siliaq takuuk).

¹⁶ Sisamas­saat­tut, kal­luun­naveersaar­tuujuarsin­naavugut Jehovap kif­faasa aalajaatsut maligas­saanerat eq­qarsaatigalugu. Biibilip nalaani sapiitsor­pas­suaqar­poq,  taak­kulu kal­luun­naveersaar­tuujuar­nis­samin­nut iluaqutigisamin­nik silatusaar­tumik aalajangiisar­put. Shadraki, Meshaki Abed-Negolu, inuusaliarsuarmik Babylonip naalagaaf­fianut as­sersuutaasumik pal­lorfigin­nik­kuman­ngitsut, eq­qarsaatigik­kit. (Danieli 3:16-18 atuakkit). Oqalut­tuaq Biibilimeersoq iluaqutigalugu ul­lumik­kut Nalunaajaasor­pas­suit sapiil­lutik erfalasoq ilas­siuman­ngis­simavaat. Jiisusi politik­kimut al­latigul­luun­niit inun­nik avis­saar­tuutsitsisunut akuliun­neq ajor­poq. Nalun­ngilaa maligas­siuil­luar­nini ajoqersuk­kami iluaqutigis­sagaat. Ima oqar­poq: ‘Nikal­loqinasi, silarsuarmut ajugaareer­punga.’ – Joh 16:33.

¹⁷ Nalitsin­ni Nalunaajaasor­pas­suit kal­luun­naveersaar­tuusimap­put. Taak­kua ilaat Jehovamut aalajaat­tuar­ner­tik pis­sutigalugu naal­liutsitaasimap­put, par­naarus­saasimap­put al­laal­lu ilaat toqutaasimal­lutik. Taak­kua maligas­saanerat sapiis­suseqar­nis­satsin­nut iluaqutigisin­naavar­put. Qatan­ngut Tyrkiamiu ima oqarsimavoq: “Franz Reiter qatan­ngutaavoq inuusut­toq Hitlerimut sak­kutuujujuman­ngin­nami toqutaasoq. Toqutaanis­sani aqagut­toq un­nuk­kut anaanaminut al­lagaanit erser­poq up­perluar­tuul­lunilu Jehovamik tatigin­nil­luin­nar­tuusoq, uangalu taamatut misilin­neqas­sagaluaruma taas­sumatut iliorusup­punga.” ^[2]

18, 19. (a) Ilagiis­sin­niit­tut kal­luun­naveersaar­tuaq­qul­lutit qanoq ikiorsin­naavaatsit? (b) Suna aalajangiusimaviuk?

¹⁸ Qatan­ngutit angutit ar­nal­lu ilagiis­sin­niit­tut kal­luun­naveersaar­tuar­nis­san­nut ikiorsin­naavaatsit. Ar­torsaateqaruit utoq­qaaner­tat tamatumin­nga ilisimatik­kit. Biibilimeersunik siun­nersuil­luarsin­naap­put. Aam­ma ilagiin­niit­tut il­lit atuk­kan­nik ilisiman­nik­kunik qiim­mas­sarsin­naavaatsit. Taak­kunun­nga qin­nuteq­qugit. Aam­mali uagut qatan­ngutivut an­ner­toq­qusersorlugil­lu qin­nut­tariaqar­pavut. (Mat­t 7:12) Qatan­ngutit par­naarus­saaq­qasut aq­qi takujumal­lugit jw.org alak­karuk al­laaserisarlu una atuarlugu: “Jehovas Vidner fængslet på grund af deres tro – Efter område.” (Tooruk NYHEDSRUM > DEN JURIDISKE UDVIKLING) Atit ikit­tun­nguit toq­qariarlugit qatan­ngutit taak­ku sapiitsooq­qul­lugit Jehovamil­lu ilumoorfigin­nit­tuaq­qul­lugit qin­nutik­kit. – Ef 6:19, 20.

¹⁹ Naggatis­sap qanil­liar­tor­nerani ilimagisin­naavar­put naalak­kersuisut im­min­nik tapersersueq­qul­luta tatinerujar­tuin­nas­sagaatigut. Taamaat­tumik silarsuarmi avis­saar­tuuf­fiusumi matumani kal­luun­naveersaar­tuarsin­naajumal­luta maan­na piareersar­nis­sar­put pingaaruteqar­poq!