OQALUUSSINERPUT pingaaruteqangaar­poq. Oqaluus­sif­figisar­tak­kat­tali ilaan­naasa taman­na paasivaat. Al­laat Biibilimi ajoqersuutigineqar­tunik soqutigin­nit­tut ilaasa Guutip oqaasianik atuaq­qis­saaqateqar­nis­sar­tik pisariaqarsorin­ngilaat.

Gavin as­sersuutigeriar­tigu. Naalagaaf­filersaarfim­mut ataatsimiigiaqataasaraluarluni Biibilimik atuaq­qis­saaqateqarusun­ngilaq. Gavin oqalut­tuar­poq Biibili pil­lugu ilisimasakis­simal­luni taman­nalu al­lanut paasitik­kusun­nagu. Up­perisarsior­nermut ilaasor­tan­ngoq­quneqarusun­ngilaq uukapaatitaarusun­nanilu. Qanoq eq­qarsar­pit? Gavin ikior­neqarsin­naava? Biibilimi ilin­niar­titsis­sutigineqar­tut inum­mut sun­niutigisin­naasai ajun­ngitsut eq­qarsaatigik­kit. Jehovap Israelik­kut ima oqarfigai: “Oqaatsik­ka siam­maal­lit kaner­tut, ... sialuit kuseriar­nerisut ivik­kani.” (5 Mos 31:19, 30; 32:2) Kaner­nerup, imaluun­niit isugutaap, iluaqutaanera sam­milaariar­tigu, oqaluus­sinitsin­nul­lu sanil­liun­neratigut paasis­savar­put ‘inuit tamaasa’ sun­niuteqarluar­tumik qanoq ikiorsin­naanerlugit. – 1 Tim 2:3, 4.

Isugutak sakkortuneq ajorpoq. Isugutak silaan­narmiit­toq kuseriar­nin­ngoriar­tuaar­tar­poq. Jehovap oqaasii qanoq ilil­lutik ‘kaner­tut siam­maak­kamik’? In­nut­taminut inus­siar­nersumik, saamasumik isumas­suisumil­lu oqalup­poq. Al­lat up­perisaan­nik ataq­qin­nik­kaangat­ta Jehova ilaar­tar­par­put. Eq­qarsalersin­niarlugit nam­min­nerlu aalajangeeq­qul­lugit kajumis­saar­tar­pavut. Taamatut soqutigin­nif­figisat­ta oqaatsivut akueriuminar­tin­nerus­savaat oqaluus­siner­pul­lu sun­niuteqarluar­nerus­sal­luni.

Isugutak inuummarissinarpoq. Inuit sal­lusuis­sum­mik paasin­nin­nerusin­naaq­qul­lugit as­sigiin­ngitsutigut qanoq ikiorsin­naanerlutigit eq­qarsaatigigutsigu oqaluus­siner­put taak­kunun­nga inuum­maris­sinas­saaq. Qatan­ngutip Chrisimik atil­lip Gavinimut Biibilimik atuaq­qis­saar­nis­samik neqeroor­tup taan­na pin­ngitsaalil­lugu akuersitin­niarsarin­ngilaa. Biibilili pil­lugu oqaloqateqar­nermi Gavin qasuk­kar­tin­niarlugu as­sigiin­ngitsunik misiliivoq. Chrisip Gavin oqalut­tuup­paa Biibilimi pingaarutilim­mik oqariar­tuuteqar­toq taman­nalu ilisimaleruniuk ataatsimiin­nerit pis­sarsiaqarfiginerus­sagai. Chrisilu oqalut­tuar­poq Biibilip ilumoor­neranik qularun­naar­nis­saminut siulit­tuutit nam­mineq iluaqutigisimal­lugit. Siulit­tuutil­lu qanoq eq­quus­simaneri oqaloqatigiis­sutigisaler­paat. Gavinip taman­na anersaak­kut inuum­maris­saatigaa kiisamilu atuaq­qis­saaqateqar­nis­samik akuersil­luni.

Isugutak inuunermut pingaaruteqarpoq. Israelimi kian­ner­paaf­fiup paner­ner­paaf­fiul­lu nalaani ilaan­nik­kut qaam­matini arlalin­ni sial­ler­neq ajor­poq. Un­nuak­kut isugutser­tan­ngitsuup­pat naasut panerlutil­lu toqulior­tas­sagaluar­put. Nalitsin­ni paner­nersuaqar­tutul­lusooq ik­kumaar­nera Jehovap siulit­tuutigaa, tas­sa inuit “Naalak­kap oqaasia tusarusul­lugu” imerusuk­kumaar­tut. (Am 8:11) Tanitat ‘savat al­lat’ tapersersor­tigalugit oqaluus­sinermik­kut ‘kaner­ner­tut Jehovamit pisutut’ ik­kumaar­tut Jehovap neriorsuutigaa. (Mika 5:6; Joh 10:16) Tusarlius­saq oqariar­tuutigisar­put Jehovap sal­lusuis­sutip er­nganik inuus­sutaasumik imerusut­tunut pilersitaanut ilaavoq. Tusarlius­saq taman­na pingaar­tip­par­put?

Isugutak Jehovamit pilluaqqussutaavoq. (5 Mos 33:13) Oqaluus­siner­put tusarumasunut pil­luaq­qus­sutaasin­naavoq. Biibilimik atuaq­qis­saar­neq Gavinip apeq­qutiminik tamanik akis­sutis­sarsior­nerminut iluaqutigigamiuk pil­luaq­qus­sutisiaraa. Siumukapal­lap­poq kuisil­lunilu, maan­na nulianilu Joyce Guutip naalagaaf­fia pil­lugu nutaarsias­sap nuan­nersup oqaluus­sis­sutiginera nuan­naarutigaat.

Oqaluus­sinit­ta isugutam­mut sanil­liun­nera tamat­ta im­mik­kut oqaluus­sinermi ilungersor­nit­ta naleqar­neran­nik paasin­nin­nis­satsin­nut aam­ma iluaqutigisin­naavar­put. Qanoq? Kuseriar­nerit ataasiak­kaat sun­niuteqar­pal­laar­neq ajor­put, kuseriar­neril­li mil­lionilin­ngoraangata nuna isugutserluar­tar­poq. Taamatut­taaq inut­tut ataasiak­kaatut oqaluus­sinermi iliuutsivut an­nikip­pasis­sin­naap­put. Jehoval­li kif­fai mil­lionil­lit ataatsimut ilungersormata tusarlius­saq “inuiannut tamanut” an­ngup­poq. (Mat­t 24:14) Oqaluus­siner­put tas­saas­sava al­lanut pil­luaq­qus­sut Jehovameersoq? Aap, pil­luaq­qus­sutaal­luni oqaluus­siner­put isugutat­tut is­saaq – sak­kor­tunani, inuum­maris­sinarluni inuunermul­lu pingaaruteqarluni!