Delina, al­laaserisap matuma siuliani eq­qaaneqar­toq, misigivoq isumakuluk­kami imer­pal­laaq­qajaal­luni. Biibilimi ingasan­ngitsumik aalakoor­nar­tutor­neq as­suarineqan­ngilaq, imali al­las­simavoq: “Ilaginiaqinagit viin­nisor­pal­laar­tut.” (Ussatit 23:20) Imigas­samik ator­nerluineq peq­qiil­liutinut, ilaqutariin­ni at­taveqarun­naar­nermut ukiul­lu tamaasa inuit mil­lionil­lit toqujaar­pal­laar­neran­nut at­tuumas­suteqar­tin­neqar­poq. Ajor­nar­torsiutit tamak­ku ilar­pas­sui ingalan­neqarsin­naap­put Biibilimi siun­nersuutit maleruar­nerisigut.

Delina taamaalior­poq. Ima oqar­poq: “Paasiler­para isumakuluutin­nut imigas­saq aaq­qiis­sutaan­ngitsoq. Ilisimas­sut Filippimiut 4:6, 7-imi al­las­simasoq una maleruar­para: ‘Sumil­luun­niit isumakuluuteqar­naveeritsi, kis­saatigisasili qanoq it­tuk­kul­luun­niit Guutimut saq­qum­miut­tarsigit.’ Un­nuk­kut eq­qarsaatit isumakuluutil­lu qaf­fakaaleraangata Jehovamut qinusar­punga. Misigis­sutsik­ka, ilaatigut kaman­neq, an­niar­neq neriuuteqan­ngin­nerlu, oqalut­tuarisar­pak­ka, isumal­luar­nerulerumal­lunga ikioq­qul­lunga kimigiiserfigisar­para. Ul­laak­kut misigis­sutsit isumal­luar­nan­ngitsut iperar­niar­tar­pak­ka. Qinuneq ileq­quliuk­kak­ku annaasimasakka eq­qarsaatigival­laarun­naarlugit periarfissakka eq­qarsaatiginerusin­naaler­pak­ka. Imigas­sar­toq­qin­ngisaan­nas­sal­lunga aalajanger­punga. Toq­qis­sisimaler­nera erlin­nangaarmat an­naarusun­ngilara.”

Kinguaas­siuutitigut inuunerlun­nerup kingunerisa ilagaat aliasungaar­neq. Biibilimili najoq­qutas­siat iluaqutigalugit ajor­nar­torsiutit taamaat­tut ingalan­neqarsin­naap­put ajor­nar­torsiutaaler­neranut pis­sutaasut – soorlu naleq­qutin­ngitsumik qanin­niarujoor­nerup aam­ma por­nografiimik isigin­naar­nerup – akior­nerisigut. “Qanin­niarujoor­neq ajor­nan­ngeqaaq,” Samuel inuusut­toq oqar­poq. “Ilaan­nik­kut malugisar­para ar­nap soqutigin­ngisama nuan­narigaanga – taava qanin­niarujoor­neq aliik­kutariler­tar­para.” Samuelip qanin­niarujoor­neq ileq­quliup­paa. Ileq­qunili nuan­narin­ngilaa. Maan­na ima oqar­poq: “Taman­na ajoqutaavoq nam­minis­sarsior­nermik siuarsaagami.”

Samuelip jw.org-mi inuusut­tunut al­laaserisaq atuareerlugu Ussatit 20:11-mi ima al­las­simasoq eq­qarsaatigaa: “Nukap­piaraq suliamigut ilisarineqar­tar­poq, tas­sa minguitsumik peq­qusersuitsumil­lu iliuuseqar­nersoq.” Qanoq iluaqutigaa? Paasivaa qanin­niarujoor­tar­nini mingut­tuul­lunilu peq­qusersusaar­nerusoq. Maan­na ima oqar­poq: “Aam­ma paasivara inuusut­tut qanin­niarujoor­tar­tut aap­paanerlutsitsisar­tunik pis­suseqaler­tar­tut. Eq­qarsaatigisaler­para nuliar­taariumaagara qanoq misigis­sanersoq takuguninga ar­naq al­la qanin­niarujoorfigigiga. Ileq­qup tamatuma ajoqutaanera paasiler­para. Ajor­nan­ngitsuugami imaan­ngilaq eq­qor­tuusoq.” Samuel al­lan­ngor­poq. Qanin­niarujoor­neq ingalak­kamiuk aam­ma kinguaas­siuutitigut inuunerlun­neq ingalap­paa.

Antonio kinguaas­siuutitigut inuunerloriaan­naaneruvoq: Por­nografii uerif­figisimavaa asasaminik nuliaqaraluarluni. Oqar­poq Petrusip allagai siulliit 5:8-mi al­las­simasup uuma eq­qarsaatiginera iluaqutigalugu: “Eqiingagitsi silatusaarlusilu! Akerar­tor­tersi Diaavulu løvitut uian­nisaar­tutut angalasar­poq iisas­sarsiorluni.” Ima oqar­poq: “As­sit por­nografiimut tun­ngasut sumi tamaniip­put puioruminaat­tarlutil­lu. Al­las­simaf­fik taman­na us­ser­nar­tup tamatuma pilerfiata paasinis­saanut iluaqutigaara. As­sit kan­ngunar­tut taamaat­tut kimit pilersitaanerata eq­qarsaatigipal­lan­nis­saa ilik­kar­tariaqar­para. Maan­na nalun­ngilara eq­qarsaatin­nik, uum­matin­nik aap­pariin­nitsin­nil­lu saas­sus­sisunik akiuisin­naaq­qul­lunga ‘eq­qumanis­san­nut silatusaar­nis­san­nul­lu’ Jehovap ikiorsin­naagaanga.” Antonio ikior­neqar­poq kiisamilu ileq­qupalaani iperarlugu. Taamaaliorami ajor­nerusumik ajor­nar­torsiulin­ngilaq.

Erseq­qip­poq ajor­nar­torsiutit ingalan­nis­saan­nut iluaqutaasunik Biibilimi siun­nersuuteqar­toq. Ajor­nar­torsiutim­mi sorlanereersut? Ajor­nar­torsiutit taamaat­tut aaq­qin­nis­saan­nut Guutip oqaasia qanoq iluaqutigisin­naagip­put sam­meriar­tigu.