Uppernerit ersersiguk – Silatusaartumik aalajangiigit!
‘Upperluni qinussaaq, qularnani.’ – JAAK 1:6.
1. Sooq Kaini silatusaanngitsumik aalajangiiva, qanorlu kinguneqartumik?
KAINI pingaarutilimmik aalajangigassaqarpoq. Misigissusipalaani aqunniarlugit aalajangersinnaavoq ajunngitsumik kinguneqartillugu. Iliuutsiniluunniit misigissutsiminit aqunneqartissinnaavai ajortumik kinguneqartillugu. Biibilimi ersersinneqarpoq Kaini silatusaanngitsumik aalajangiisoq. Aalajangigaa nukaata Abelip toqutaaneranik Kainillu Pinngortitsisuminut ikinngutaajunnaarneranik kinguneqarpoq. – 1 Mos 4:3-16.
2. Sooq silatusaartumik aalajangiisarneq pingaaruteqarpa?
2 Tamatta aalajangigassaqartarpugut. Aalajangikkatta ilaat pingaaruteqangaarput, allalli pingaannginnerullutik. Aalajangikkattali ilarpassui inuunitsinnut sunniuteqangaartarput. Silatusaartumik aalajangiisarutta ajornartorsiutikinnerullutalu inuunerput toqqissisimanarnerusinnaavoq. Aalajangiinerluttaruttali ajornartorsiuterpassuaqalerlutalu pakatsisarsinnaavugut. – Uss 14:8.
3. (a) Silatusaartumik aalajangiinissamut suna iluaqutigisinnaavarput? (b) Apeqqutit suut sammissavavut?
Jaaku 1:5-8 atuakkit). Jehovamut qaninnerujartortilluta oqaasialu nuannarinerujartortillugu upperinerujartussavarput taassuma uagutsinnut suna pitsaanerpaajunersoq nalunngikkaa. Taava aalajangiitinnata oqaasiani siunnersuutissarsiussaagut. Aalajangiisinnaassuserput qanoq pitsaanerulersissinnaavarput? Aalajangeriikkattalu ilaat allanngortinneqartariaqarsinnaappat?
3 Silatusaartumik aalajangiinissamut suna iluaqutigisinnaavarput? Guutimut uppertuusariaqarpugut. Upperisariaqarparput Guutip ikiorusukkaatigut silatusaartumillu aalajangiinissamut ilisimassuseqartissagaatigut. Aamma Guutip oqaasia tassanilu siunnersuutai upperisariaqarpavut. (TAMATTA AALAJANGIISARIAQARTARPUGUT
4. Adami qanoq aalajangigassaqarpa, aalajangigaalu qanoq kinguneqarpa?
4 Inuit oqaluttuarisaanerata aallartinneraniilli inuit pingaarutilinnik aalajangiisariaqartarput. Inuk siulleq Adami Pinngortitsisuminut Jehovamut imaluunniit nuliaminut Evamut naalassanerluni aalajangertariaqarpoq. Nuliaminit tammartinneqarsimasumit sunnerneqarluni aalajangiinerluppoq. Tamatuma kingunerisaanik Jehovap naatsiivimmiit Edenimiit anisippaa, kingusinnerusukkullu toquvoq. Ullumikkut Adamip aalajangiinerlunnera pissutigalugu aamma uagut naalliuppugut.
Jehovap oqaatsini uagutsinnut tunniuppaa silatusaartumik aalajangiisarnissamut ilinniarfigeqqullugu
5. Aalajangiisariaqartarneq qanoq isigissavarput?
5 Isumaqartoqarsinnaavoq aalajangigassaqanngivikkaanni inuuneq oqinnerussasoq. Immaqa illit taama misigivutit. Pitsaassaarli eqqaamagaanni Jehovap inuit pinngortikkamigit robotitut eqqarsarsinnaanngitsutut aalajangiisinnaanngitsutullu pinngortinngikkai. Oqaatsini uagutsinnut tunniuppaa silatusaartumik aalajangiisarnissamut ilinniarfigeqqullugu. Aalajangiisassasugut Jehovap kissaatigaa, akisussaaffillu tamanna nammineq iluaqutigissavarput. Oqaluttuat tulliuttut eqqarsaatigikkit.
6, 7. Israelikkut qanoq aalajangertariaqarpat, aalajangigassartillu sooq aalajangeruminaatsippaat? (Allaaserisap aallaqqaataani assiliaq takuuk).
6 Israelikkut nunami neriorsuutigisami nunasigamik aalajangertariaqarput Jehova kiffartorfigissanerlugu guutilluunniit allat pallorfigissanerlugit. (Josva 24:15 atuaruk). Aalajangeruminarpasikkaluarpoq. Aalajangiinerammi inuunermik toqumilluunniit kinguneqartussaavoq. Eqqartuussisulli nalaanni Israelikkut aalajangiinerluttuarput. Jehova pallorfigiunnaarlugu guutipilussiortalerput. (Eqq 2:3, 11-23) Kingusinnerusukkut pruffiitip Eliap nalaani Guutip innuttaasa aalajangertussaavaat Jehova guutipilulluunniit Ba’ali kiffartorfigissanerlugu. (1 Kng 18:21) Aalajangigassaat nalorninanngikkaluarpoq, Jehovamummi kiffartorneq pitsaanerujuaannarpoq. Inuup silatuup guuti uumassuseqanngitsoq kiffartorfigiumanavianngilaa. Biibilimili allassimavoq Israelikkut ‘kina malissanerlugu aalajangerniarusaartuartut’. Eliap silatusaarluni kajumissaarpai Guuti ilumoortoq Jehova pallorfigiumallugu aalajangeqqullugit.
7 Sooq Israelikkut silatusaartumik aalajangiinissaq sapernartippaat? Siullermik, Jehova upperfiginngilaat tusaarusunnagulu. Jehova tatiginagulu taanna taassumalu ilisimassusia pillugit ilinniarneq ajorput. Taamaaliortarsimasuugunik ilikkakkatik silatusaartumik aalajangiinissaminnut iluaqutigisimassagaluarpaat. (Tuss 25:12) Aappassaanik, Israelikkut inuiannit allamiunit sunnerneqarput. Allamiut taakkua Israelikkut eqqarsartaasiat sunnerpaat allaallu aalajangiissuttarlugit. Tamatuma kingunerisaanik Israelikkut allamiut taakku ilaartalerlugillu guutipilui pallorfigisalerpaat. Taamaattoqaqqunagu ukiorpassuit tamatuma siorna Jehovap Israelikkut mianersoqqusimavai. – 2 Mos 23:2.
ALLAT AALAJANGIISSUTTASSAVAATIGUT?
8. Israelikkut pingaarutilimmik sumik ilinniarfigaavut?
8 Israelikkut maligassiuinerlunnerannit ilikkarparput silatusaartumik aalajangiissagutta Guutip oqaasia tunngavigisariaqaripput. Galatiamiut 6:5-imi eqqaasinneqarpugut inuit tamarmik aalajangikkatik namminneq akisussaaffigigaat. Erseqqippoq inuk alla uagut sinnerluta aalajangiisussanngortissinnaanngikkipput. Immikkulli tamatta ilinniartariaqarparput Guutip isaani suna eqqortuunersoq eqqortuliorniarlutalu aalajangerluta.
Allanit aalajangiissutitikkutta taakku malinniarlugit aalajangersimassaagut
9. Sooq allanit aalajangiissutitinneq navianarpa?
9 Allanit qanoq aalajangiissutitissinnaavugut? Aalajangiinerlunnissamut tatineqarneq akiunngikkutsigu. (Uss 1:10, 15) Tamanna navianarpoq. Nalunngeqatiginnissutitta Biibilimit ilinniartinneqartup malinnissaa nammineq akisussaaffigaarput. Allanit aalajangiissutitikkutta taakku malinniarlugit aalajangersimassaagut. Tamanna kingunerlorujussuarsinnaavoq.
10. Paulusip Galatiamiut qanoq mianersoqquai?
10 Apustilip Paulusip Galatiamiut allaffigai inuttut namminneq aalajangigassatik sinnerlutik allanut aalajangertikkunikkit qanoq navianartigisoq. (Galatiamiut 4:17 atuaruk). Qatanngutit Galatiamiut ilaat uppeqatitik sinnerlugit aalajangiiniarsimapput. Sooq? Angutit namminissarsiortut taakkua kissaatigaat ilagiinniittut apustilit malinnagit namminneq malissagaatsik. Maniguuttuunngillat, qatanngutillu namminneq aalajangiisinnaanerat ataqqinngilaat.
11. Allat aalajangiineranni qanoq ikiortarsinnaavavut?
2 Korinthimiut 1:24 atuaruk). Ullumikkut utoqqaanertat maligassaalluartoq taanna ilaarsinnaavaat inuttut nammineq aalajangigassanut tunngasunik siunnersuigaangamik. Guutip oqaasianik tunngavilinnik kajumillutik qatanngutitik siunnersortarpaat. Utoqqaanertalli ataqqivaat kristumiut immikkut tamarmik nammineq aalajangiisinnaatitaanerat, aalajangiisummi aalajangikkami kinguneri nammineq atortussaavai. Ilinniagassaq pingaarutilik imaappoq: Allat Biibilimi siunnersuutit pissutsini atukkaminni atorsinnaasaat paasisinnaaqqullugit ikiorsinnaavavut. Qatanngutittali nammineq aalajangiinissaq pisinnaatitaaffigalugulu akisussaaffigaat. Silatusaartumik aalajangiigaangamik iluaqutigisarpaat. Qatanngutivut sinnerlugit aalajangiisinnaatitaalluta eqqarsanngisaannassasugut erseqqippoq.
11 Apustilip Paulusip maligassiuinera tamatta ilinniarfigisinnaavarput. Nalunngilaa qatanngutini namminneq aalajangiisinnaatitaasut, tamannalu ataqqivaa. (AALAJANGIIGAANGAVIT MISIGISSUTSINNIT AQUNNEQARTITTAQINAK
12, 13. Sooq kamatsilluni nikallungatilluniluunniit aalajangiineq navianarpa?
12 Ullumikkut inuppassuit aalajangiigaangamik uummatertik malittarpaat. Tamannali navianarpoq. Biibilimi mianersoqquneqarpugut aalajangiigaangatta uummaterput naammalluinnanngitsuusoq misigissutsivullu tunngavigisassanngikkivut. (Uss 28:26) Uummaterput tatigisinnaanngilarput ‘tamanit annerusumik uummat tatigisassaanngitsuummat’. (Jer 17:9) Biibilimi oqaluttuarpassuaqarpoq uummatip naammalluinnanngitsuusup tatiginerata kingunerluttarneranik ersersitsisunik. (1 Kng 11:9; Jer 3:17; 13:10) Uummaterput malillugu aalajangiisarutta qanoq pisoqarsinnaava?
13 Jehovap peqquaatigut uummatikkut iluunngarluta asassagitsinni inoqativullu uagutsitut asassagivut. (Matt 22:37-39) Mianersortariaqarpugulli. Immikkoortup matuma siuliani allassimaffinnit erserpoq eqqarsaativut iliuutsivullu misigissutsitsinnit aqunneqartikkutsigit navianartuusoq. Assersuutigalugu inuup kamattup silatusaartumik aalajangiinissani sapernartissavaa. (Uss 14:17; 29:22) Aamma nikallungasoq aalajangiinerloriaannaavoq. (4 Mos 32:6-12; Uss 24:10) Eqqarsartaaserput Guutip inatsisaanit aqunneqartittariaqarparput. (Rom 7:25) Pingaarutilimmik aalajangigassaqaraangatta misigissutsitsinnit aqunneqartittassanngilagut.
AALAJANGERIIKKATIT ALLANNGORTITTARIAQARUKKIT
14. Aalajangeriikkanik allannguineq eqqortuusinnaasoq qanoq nalunngilarput?
14 Silatusaartumik aalajangiisariaqarpugut. Taamaakkaluartoq inuup silatuup aalajangeriikkani ilaannikkut eqqarsaatigeqqittariaqartarsinnaavai immaqalu allanngortillugit. Tamatumani Jehova Guuti maligassiuilluarpoq. Jonasip nalaani Ninevemiut qanoq pigai malugiuk: “[Guutip] takugamigit qanoq ileqqorisaminnit ajortunit saanniartut aalajangigarigaluani allanngortippaa perluk sioorasaarutigigaluani nalliutinngitsoortillugu.” (Jon 3:10) Jehovap takugamiuk Ninevemiut ajortuliortarunnaartut aalajangikkani allanngortippaa. Tamatumannga erserpoq ingasaassinianngitsuullunilu maniguuttuullunilu misiginneqataasuusoq. Inuppassuit kamakkaangamik eqqarsaqqaaratik aalajangiisarput, Jehovali kamakkaluaruniluunniit taamaanneq ajorpoq.
Jehovap takugamiuk Ninevemiut allanngorlutik ajortuliortarunnaartut aalajangikkani allanngortippaa
15. Sooq aalajangeriikkatsinnik allannguisariaqarsinnaavugut?
15 Ilaannikkut aalajangikkatta eqqarsaatigeqqinnissaat silatusaarnerusinnaavoq, soorlu pissutsit allanngoraangata. Jehovap aalajangikkaminik ilaannikkut allannguisarnera eqqarsaatigiuk. (1 Kng 21:20, 21, 27-29; 2 Kng 20:1-5) Amerlanerusunik paasissutissinneqaraangatta aalajangeriikkatsinnik aamma allannguisariaqartarsinnaavugut. Daavi eqqarsaatigiuk. Saulip ernutaanut Mefiboshetimut tunngasumik aalajangiigami eqqunngitsumik paasissutissinneqarnini tunngavigaa. Kingusinnerusukkut eqqortunik paasitinneqarami aalajangikkani allanngortippaa. (2 Sam 19:25-30) Aamma uagut ilaannikkut allannguisariaqarsinnaavugut.
16. (a) Aalajangiiniarnermi siunnersuutit suut iluaqutaappat? (b) Sooq aalajangeriikkavut eqqarsaatigeqqittassavavut, qanorlu taamaaliorsinnaavugut?
16 Biibilimi siunnersorneqarpugut pingaarutilinnik aalajangiileraangatta aalajangiiniapallattassanngitsugut. (Uss 21:5) Silatusaartumik aalajangiisinnaaqqulluta pissutsit tamaasa eqqarsaatiginissaanut piffissaqartariaqarpugut. (1 Th 5:21) Aalajangiitinnani ilaqutariinni ittuusup Biibili Biibililersaarutivullu misissoqqissaartariaqarpai ilaquttanilu isumasiorlugit. Aaperaat nuliaminut tusarnaassasoq Guutimit kajumissaarneqartoq eqqaamajuk. (1 Mos 21:9-12) Aamma utoqqaanertat misissueqqissaartariaqarput. Paasissutissarsineroreerlutik aalajangeriikkatik allanngortittariaqalissagunikkit allanit ataqqineqarunnaarnissartik annilaangagineq ajorpaat. Utoqqaanertat ingasaassinianngitsuullutillu anneruniajuitsut eqqarsartaatsiminnik aalajangeriikkaminnillu allanngueriaannaasariaqarput. Taakkualu maligassiaat malikkutsigu pitsaassaaq. Tamanna ilagiit eqqisseqatigiillutillu ataasiussuseqartuarnissaannut iluaqutaasinnaavoq. – ApS 6:1-4.
AALAJANGIUSSATTUT ILIUUSEQARIT
17. Silatusaartumik aalajangiisarnissatsinnut suna iluaqutigissavarput?
17 Aalajangigassat ilaat allanit pimoorussassaanerupput. Assersuutigalugu aappartaassanerluni kinalu aappartaarissanerlugu aalajangiineq pingaaruteqangaarpoq. Piffissaq tamaat kiffartortutut qaqugu aallartissanerluni aalajangiineq aamma pimoorussassaavoq. Pingarutilinnik taamaattunik aalajangiitinnata pissutsit atukkat eqqarsaatigeqqissaartariaqarpavut Jehovamullu ikioqqusariaqarluta. Silatusaartumik aalajangiiniarneq sivisusinnaagaluartoq Jehova tatigisariaqarparput, siunnersuutai naalattariaqarpavut siulersuineralu malittariaqarlugu. (Uss 1:5) Jehovap oqaatsimini pitsaanerpaanik siunnersorpaatigut. Taamaattumik misissueqqissaartariaqarpugut siulersoqqullutalu Jehova qinnuigalugu. Piumasaminut naapertuuttumik silatusaartumik aalajangiisinnaanngortissinnaavaatigut. Pingaarutilimmik aalajangiitinnata imminut ima aperisariaqarpugut: ‘Taamatut aalajangiiguma Jehova asallugu ersersissavara? Ilaquttannut pilluaataallunilu eqqissisimanartuussava? Utaqqisinnaassuseqarlungalu inussiarnersuullunga ersersissavara?’
18. Sooq Jehovap piumasaraa nammineq aalajangiisassasugut?
18 Jehovap imminik asanneqqulluta kiffartorfigeqqullunilu pinngitsaalinata nammineq aalajangiinissamut kiffaanngissuseqartippaatigut. Kiffartorfigissanerlugu nammineq aalajangiisinnaatitaanerput ataqqivaa. (Jos 24:15; Oqal 5:3) Oqaatsinili tunngavigalugu aalajangikkatsitut iliuuseqarnissarput piumasaraa. Jehovap siulersuinera upperigutsigu najoqqutassiissutaalu maleruarutsigit silatusaartumik aalajangiisinnaavugut. Aamma ersersissavarput inooriaatsitsigut allanngorartuunata. – Jaak 1:5-8; 4:8.