DAAVI sak­kutuut sakat­taal­lutik qaangiagaan­ni sapiiser­niarsarivoq. Sak­kutuut an­nilaanganermik ueruloorlutik sorsuf­fiusumit qimaarsuataar­put. Sooruna taama an­nilaangatigisut? An­nilaarsimaarlutik oqaaseq ataaseq oqaatigisaqat­taaraat Daavip tusaasimas­savaa. Oqaaseq tas­saavoq angutip aq­qa. Aajin­ngalu angut taan­na qooq­qup naq­qani makitar­pasil­luni qeqar­poq, im­maqa Daavip inun­nit takusimasaanit an­nerungaar­toq.

Goliati! Daavip takusin­naavaa sooq sak­kutuut angut taan­na siooragigaat. Angisoorujus­suuvormi inupiluunersuaq. Sak­kutuus­sutini atun­ngik­kaluarunigil­luun­niit angutinit angisuunit marlun­nit oqimaan­nerus­sagunar­poq. Sorsut­tar­torli nakuarsuaq taan­na misilit­tagaqarluar­torlu peq­qaan­nagu sak­kulersorsimavoq. Taas­suma Israelik­kut unam­mil­ler­pai. Israelik­kut sak­kutuui kun­ngial­lu Sauli mitaatigalugit Goliatip nipersua qatitooq qaq­qat sivingar­nan­ni akisuasoq takorlooruk. Unam­mil­lerluni angum­mik im­minut sas­sarluni akiuut­tus­samik toq­qaaq­quai sak­kuaan­neq taman­na aalajangiisuutil­lugu sorsun­nermi kik­kut ajugaasutut naatsorsuun­neqar­nias­sam­mata. – 1 Samueli 17:4-10.

Israelik­kut sioorap­put. Kun­ngi Sauli siooravoq. Daavip paasivaa qaam­mat sin­nerlugu pis­sutsit taamaas­simasut! Goliati akeq­qaminik ul­lut tamaasa mitaatigin­neqat­taar­til­lugu filisterit Israelik­kul­lu im­min­nut saal­lutik siul­liusus­saaruteq­qap­put. Daavi isumatsaq­qavoq. Israelik­kut kun­ngiat sak­kutuuilu, ilaatigut Daavip angajuisa ilaat pingasut, siooranermik soriarsin­naan­ngitsut takul­lugit pakatsinas­susia! Daavimi isumaqar­poq Goliatip guutimik nalusup Israelik­kut sak­kutuui mitaatigiin­nar­nagit Israelik­kut Guutiat, Jehova, nikanarsaraa! Daavili inuusut­tun­nguaq susin­naava? Uagul­lu Daavip up­per­nera qanoq ilin­niarfigisin­naavar­put? – 1 Samueli 17:11-14.

Qaam­mater­pas­suit tamatuma sior­na pisimasut sam­milaar­tigit. Un­nulersoq Daavi angum­mi savaataanik Betlehemip eq­qaani qaq­qat sivingar­nan­ni paarsivoq. Daavi angutaavoq inuusut­toq im­maqa 20-t pal­lil­lugit ukiulik. Kusanar­tunik iseqar­poq, sin­ngor­tuuvoq, inugis­suuvoq silas­soris­soor­pasil­lunilu. Al­lanik suliaqan­ngik­kaangami Guutip pin­ngor­titarsua qimerluujutigalugu kuk­kilat­tariarsor­tar­poq. Nalunaaqut­tap-akun­ner­pas­suini sungiusar­tarami nipilersul­laq­qis­sisimavoq. Un­num­mili tamatumani angum­minit aggerasuaq­quneqar­poq. – 1 Samueli 16:12.

Angun­ni, Isaji, angum­mik utoq­qarsuarmik oqaloqateqar­toq tikip­paa. Oqaloqatigisaa tas­saavoq pruf­fiiti aalajaatsoq Samueli. Jehovap Samueli Isajip er­nerisa ilaan­nik Israelimi tul­liul­luni kun­ngin­ngor­tus­samik taniiar­tor­tip­paa! Samuelip Daavip angajui arfineq-marluk takoreer­pai, Jehoval­li Samuelimut erseq­qis­sar­paa taak­kua ilaan­nik toq­qaasimanani. Daavi tikium­mat Jehovap Samueli ima oqarfigaa: “Tanin­niaruk – tas­sa taan­na!” Daavip angajui tamaasa isigitil­lugit Samuelip nas­sum­mik uuliaasiviliaq uuliamik im­mik­kut it­tumik imalik am­mar­paa Daavil­lu niaqua taas­sumin­nga tanil­lugu. Daavip inuunera al­lan­ngorluin­nar­poq. “Ul­lorlu taan­na aal­lar­nerfigalugu Naalak­kap anersaavata Daavi tikit­taler­paa,” Biibilimi al­las­simavoq. – 1 Samueli 16:1, 5-11, 13.

 Daavi kun­ngitut ataq­qinaateqarusus­suseqaler­pa? Naagga, qaqugu akisus­saaf­feqaler­nerus­sanerluni Jehovap anersaavata ilisimatitsinis­saa utaq­qerusup­paa. Utaq­qinermini maniguul­luni angum­mi savaatai paariuar­pai. Paarsisuunini pimoorup­paa sapiis­suseqangaarlunilu. Marloriarluni, ataatsimik løvimit ul­lorlu al­la nan­numit, savat navianar­torsior­tin­neqar­put. Daavip uumasut qaasut­tut taak­ku ungasianiit qimaatin­niarsariin­nan­ngilai. Savat im­min­nut il­lersoriarsin­naan­ngitsut an­naan­niarlugit uumasut taak­ku nam­mineq toqup­pai. – 1 Samueli 17:34-36; Esaja 31:4.

Ilaan­ni Daavi aggeq­quneqaq­qip­poq. Tusaamasaanerami kun­ngip Saulip tusarsimavaa. Suli sorsut­tar­torsuugaluarluni Guutip peq­qus­sutai naalak­kun­naaramigit Sauli Jehovamit iluarisaajun­naarsimavoq. Jehovap anersaaminit arsaarmani kun­ngi Sauli anersaamit ajor­tumit, tas­sa nam­mineq ajor­tulioq­qajaanerminit, sun­ner­neqar­talerluni kamaq­qajaasaler­poq, pasil­lerajut­tuusaler­poq peq­qar­niit­talerlunilu. Taamaaligaangami nipilersuutit eq­qis­sial­laatigisar­pai. Saulip angutitaasa ilaasa Daavi nipilersul­laq­qis­sutut akiuutil­laq­qis­sutul­lu tusaamalersimavaat. Taamaat­tumik Daavi qaaq­qutip­poq, erininarsin­ngitsorlu Saulimut nipilersor­tar­tun­ngorlunilu sak­kuanik tigumius­sisun­ngor­poq. – 1 Samueli 15:26-29; 16:14-23.

Daavip up­per­nera ingam­mik inuusut­tut ilin­niarfigil­luarsin­naavaat. Malugiuk sun­ngif­fim­mini Jehovamut qanin­nerulis­sutigisin­naasaminik sam­misaqar­tar­toq. Aam­ma nikal­lujuil­luni sulif­fit­taar­nis­saminut iluaqutigisin­naasaminik pigin­naan­ngorsar­tar­poq. Pingaar­ner­paamil­li, Jehovap anersaavanit siulersor­tit­tar­poq. Taman­nalu tamat­ta ilin­niarfigil­luarsin­naavar­put. – Oqaluus­sisar­tup oqaasii 12:1.

Daavi Saulimut kif­far­tor­til­luni angum­mi savaataanik paarsiar­torluni akut­tun­ngitsumik angerlar­tar­poq, ilaan­nik­kut sivisunerusumik. Taamatut angerlarsimatil­lugu Isajip er­nini angajul­liit pingasut, Saulimut sak­kutuujusut, qanoq in­nersut paasiumal­lugu Daavi paasiniaajar­tor­tip­paa. Daavip angajuni taquas­saan­nik naam­mat­torsuar­nik nas­saal­lugit Terebintip Qooruanut naapigiar­pai. Tikik­kami, al­laaserisap matuma aal­laq­qaataani al­laatigineqar­tutut, sak­kutooqatigiit marluk akiuuteriar­nis­samut siul­liusus­saarut­tut takul­lugit qamuuna as­sut aalater­neqar­poq. Akerariit qoororsuaq sangujoraar­toq akun­nequtigalugu im­min­nut saal­lutik qaq­qat sivingar­nan­ni il­luatungeriip­put. – 1 Samueli 17:1-3, 15-19.

Daavip pis­sutsit mamiatsaatigai. Israelik­kut sak­kutuui Guutimut uumasumut Jehovamut kif­far­tor­tut inuk, guutiitsorsuaq, qunugalugu qimaap­put. Qanoq taamaat­toqarsin­naava? Goliatip mital­liinera Daavip Jehovamik nikas­saaner­tut isigaa. Taamaat­tumik Goliatip akior­nis­saa sukataarluni sak­kutuunut eq­qar­tuler­paa. Sivitsun­ngitsoq Daavip angajuata angajul­liup, Eliabip, taman­na tusar­paa. Nuk­kani sukan­nersumik naq­qip­paa toqoraat­tunil­lu isigin­naariaan­nar­nerarlugu. Daavil­li ima akivaa: “Suna ajorami? Aperiin­nar­tungaana!” Daavil­lu Goliatimik ajorsar­titsinis­saq isumal­luarluni eq­qar­toq­qiin­nar­paa. Daavip oqaasii Saulimut oqalut­tuarineqarmata taas­suma aatip­paa. – 1 Samueli 17:23-31.

Daavip kun­ngi qiim­mas­sarlugu Goliati pil­lugu ima oqarfigaa: “Filisteri taan­na qunugis­san­ngilat.” Saulip angutitaasalu Goliati qunugingaar­paat.  Im­maqa inup­pal­lal­lutik kuk­kul­lutik inorujus­suarmut im­minut naleq­qiup­put, takorloorsimagunar­paat taas­suma qitia sakiaaluun­niit tikiin­narlugu angitigalutik. Takorloor­paat inorujus­suup imaalial­laan­narsin­naagaatsik. Daavili al­latut eq­qarsar­poq. Soorlu sam­mis­sagip­put ajor­nar­torsiut al­latorluin­naq isigaa. Nam­mineq Goliati akiorumavaa. – 1 Samueli 17:32.

Sauli ima oqar­poq: “Il­lit taama inuusutsigigavit akiorsin­naan­ngilat; taan­na inuusun­nerminiil­li sorsut­tar­tuusimavoq.” Ilumoor­poq Daavi sak­kutuujunis­saminut inuusup­pal­laar­toq, im­maqalu inuusut­tuaraar­pasip­poq. Daavil­li taamani im­maqa 20-t pal­lil­lugit ukioqar­tup akiuus­sin­naal­luarluni takutereer­paa. – 1 Samueli 16:18; 17:33.

Daavip løvip nan­nul­lu qanoq pineqar­neran­nik Sauli oqalut­tuul­lugu isumal­luarsaar­paa. Oqarataar­pa? Naagga, Daavip nalun­ngilaa akiuun­ner­ni taak­kunani qanoq ajugaasimal­luni. Ima oqar­poq: “Naalak­kap løvinit nan­nunil­lu an­naat­taraminga Filisterimit taas­suman­ngat­taaq an­naatis­savaanga.” Sauli akuersaagin­nalerami ima oqar­poq: “Qaami, akioriar­tor­niaruk! Qanor­toq Naalak­kap ikior­niarilisit!” – 1 Samueli 17:37.

Daavitut up­persuseqarusup­pit? Taava malugiuk up­per­nera piviusorsiun­ngitsumik kis­saatigisaan­narmil­luun­niit tun­ngaveqan­ngitsoq. Up­per­nera ilisimasaqar­nermik misilit­tak­kanil­lu tun­ngaveqar­poq. Jehova Ser­nis­sor­titut asan­nit­tutut neriorsuutiminil­lu Eq­qor­titsisar­tutut ilisarisimavaa. Taamatut up­persuseqarusuk­kut­ta Jehova pil­lugu ilin­niar­tuar­tariaqar­pugut. Ilik­kak­kavut naaper­torlugit inuugut­ta kinguneqarluas­saaq, taman­nalu up­per­nik­kut nakus­satsis­sutigis­savar­put. – Hebræerit 11:1.

Siul­lermik Daavi Saulip sak­kutuus­sutaanik atisitin­neqar­poq. Goliatip atisaanut as­singul­lutik kan­ngus­sam­mik sanaajup­put, taak­kunun­ngalu ilaavoq saat­tuaasaq im­maqa savimineerar­pas­suar­nik qaleriit­tunik an­noraatut sanaaq. Daavili oqimaatsorsuit taak­ku atorlugit pisun­niaraluarami sapivip­poq. Sak­kutuujun­ngin­nami atisat taamaat­tut, ingam­mik Saulip Israelimi an­ner­paap atisai sak­kutuus­sutit, sungiusiman­ngilai. (1 Samueli 9:2) Tamaasa peeriarlugit atisat savanik paarsisutut sungiusimasani ativai. – 1 Samueli 17:38-40.

Daavip savanik paarsisutut ajaap­pis­sani, pooqat­tani il­lusaatinilu nas­sar­pai. Il­lusaat soqutaar­pasin­ngik­kaluarluni sak­kutsialaavoq. Amiminermik an­noraaminermil­luun­niit am­malor­tumik sanaajuvoq marlun­nik al­lunaasar­taqarluni, savanik paarsisumut naleq­qul­luni. Il­lusaam­mut ujarak ileriarlugu niaqoq qulaal­lugu suk­kasuumik kaavitin­neqar­tar­poq, al­lunaasal­lu aap­paa iperar­neqaraangat umik­kap tungerluin­naanut ujarak suk­kasoorujus­suarmik silaan­nak­koor­tar­poq. Il­lusaat sak­kutsialaam­mat sorsut­tar­tut il­lusariar­tar­tunik sak­kutooqatigeeqar­tar­put.

Taama it­tumik sak­koqarluni Daavip akeq­qani naapigiar­paa. Daavip kuup kuuf­fiani paq­qersimasumi ujaq­qanik manis­sunik tal­limanik tigusiitigaluni qaman­nga pisumik qinunera takorlooruk. Taava akiuuf­fis­saminukar­poq tuaviin­naq – ar­pal­luni!

Goliatip akeq­qani takugamiuk qanoq eq­qarsar­pa? Biibilimi ima al­las­simavoq: “Takuleramiuk inuusut­toq taan­na sin­ngor­tuusoq inugis­soq nikagium­meqaa.” Imalu suan­ngal­lugu: “Qim­miusorigam­ma ajaap­piaqarlutit or­nip­pinga?” Daavip il­lusaataa maluginagu ajaap­piaa kisiat malugisimagunar­paa. Filisterit guutiisa aq­qi taal­lugit Daavi perloq­qoriarlugu oqarfigaa timaa toqungasoq tim­mis­sanut uumasunul­lu nerliutis­sal­lugu. – 1 Samueli 17:41-44.

Daavip akis­sutaa up­per­nermik ersersitsineruvoq ul­lumik­kut suli maluginiar­nangaar­toq. Angutip inuusut­tup Goliatimut ima suaar­nera takorlooruk: “Il­lit or­nip­parma panaqarlutit qalugiusaqarlutil­lu panaqarlutil­lu qatiingasumik. Uangali or­nip­pak­kit Katersaarsuit Naalagaata Israelip sak­kutuuisa Guutiata mital­lerfigisavit aq­qani.” Daavip nalun­ngilaa inuit pis­saanerat sak­kul­luun­niit apeq­qutaan­ngitsut. Goliatip Jehova Guuti ataq­qin­nin­ngitsuliorfigaa, Jehovalu iliuuseqan­ngitsoor­navian­ngilaq. Daavip oqar­neratut Jehova ‘sorsun­nermi pisus­sanik aalajangiisuuvoq’. – 1 Samueli 17:45-47.

Daavip Goliatip angis­susia sak­kuilu isigin­ngitsuusaan­ngilai. Qunulis­sutigin­ngilaali. Saulip sak­kutuuisalu kuk­kunerat­tut kuk­kun­ngilaq. Daavi  Goliatimut im­minut naleq­qiun­nani Goliati Jehovamut naleq­qiup­paa. Goliati 2,9 meterit mis­saat­tut angitigaluni qeqar­toq angutinit al­lanit anginerungaar­poq, Qutsin­nerus­saar­tumul­li naleq­qiul­lugu qanoq angitigaa? Inut­tut al­latul­li Jehovamut sanil­liul­lugu sul­liner­tut ip­poq – taas­sumalu piuneerun­nis­saanut Jehova piareersimavoq!

Daavi akeq­qami tungaanut ar­paatigaluni pooqat­taminit ujaq­qamik tigusivoq. Ujarak il­lusaatiminut ileriarlugu niaq­qi qulaal­lugu kaavitiler­paa siorsuler­nis­saata tungaanut. Goliati Daavip tungaanukar­poq, im­maqa sak­kutooq eq­qor­tin­naveeq­qutiminik tigumius­sisuni qanil­livil­lugu. Tamatumani Goliatip angis­susersuani iluaqutigisimanavian­ngilaa, sak­kutuum­mi nalingin­naasumik angis­susil­lip eq­qor­tin­naveeq­qut inorujus­suup niaqua as­ser­niarlugu kivis­sin­naanavian­ngilaa. Daavil­lu inorujus­suaq tas­suunar­piaq umer­paa. – 1 Samueli 17:41.

Daavi il­lusariar­poq. Ujarak silaan­nak­koor­til­lugu nipaan­neq takorlooruk. Daavip il­lusariaq­qit­tariaqan­ngin­nera Jehovap isumagisimas­savaa. Daavip umik­kani eq­qorlugu Goliati qaaror­paa ujarak ilum­mut iser­til­lugu. Inorujus­suaq pusigarluni up­pip­poq. Eq­qor­tin­naveeq­qutaanik tigumius­sisua an­nilaangaarluni qimaasimas­sagunar­poq. Daavip Goliati qanil­livaa taas­sumalu panaanik niaquerlugu. – 1 Samueli 17:48-51.

Kiisami Sauli sak­kutuuilu sapiis­suseqaler­put. Saas­sus­seq­qus­sum­mik nil­liaatigalutik filisterit saas­suk­kiar­tor­paat. Filisteril­lu ajorsar­put Daavip Goliatimut ima oqarsimaneratorluin­naq: ‘Jehovap assatsinnut tunniutissavaasi.’ – 1 Samueli 17:47, 52, 53.

Ul­lumik­kut Guutip kif­fai uinik­kut sorsun­neq ajor­put. Taamaat­tarun­naar­put. (Mat­thæusi 26:52) Sulili Daavip up­per­nera ilaar­tariaqar­par­put. Taas­sumatul­li Jehova piviusutut isigisariaqar­par­put. Jehova kisiat Guutitut ataq­qisus­saavar­put kif­far­torfigalugulu. Ajor­nar­torsiutitsin­nut naleq­qiul­luta mikisuararsuar­tut misigisarsin­naavugut, ajor­nar­torsiutivul­li Jehovap pis­saaneranut kil­leqan­ngitsumut naleq­qiul­lugit mikisuararsuup­put. Daavitul­li Jehova Guutigigutsigu tatigigutsigulu qanorluun­niit unam­miniagaqaraluarut­ta ajor­nar­torsioraluarut­taluun­niit nikal­lujuis­sin­naavugut. Jehovamut ajor­nar­toqan­ngilaq!