Apeq­qut taman­na piler­poq Jiisusip pinerlut­toq kikiat­tugaaqatini neriorsormagu siunis­sami paratiisimeeqatigiumaarlugu. Jiisusi ima oqar­poq: “Ilumut oqarfigaak­kit: Ul­lumi Paratiisimeeqatigiumaar­parma.” (Lukasi 23:43) Maluginiaruk Jiisusi oqan­ngim­mat paratiisi sumiis­sanersoq. Jiisusip pinerlut­tup qilaliaqatigiumaaraani pivaa?

Sam­meq­qaariar­tigu pinerlut­tup qilaliar­nis­samut piumasaqaatit eq­qor­tin­nerai. Inuit qilaliar­nis­samik neriugisal­lit imermut morsutsin­neqarsimap­put (kuisis­simap­put) anersaamil­lu tanin­neqarsimal­lutik, taamaalil­lutik Jiisusimut ajoqersugan­ngorlutil­lu Guutimit qitor­navis­siar­taarineqar­put. (Johan­nesi 3:3, 5) Aam­ma Guutip ileq­qus­satigut najoq­qutas­siai naaper­torlugit inuunis­saq pis­sutsil­lu — as­sersuutigalugu un­neq­qaris­sutsip, as­suar­naas­sutsip misigeqatigin­nin­nerul­lu — pis­suserinis­saat piumasaqaatigineqar­poq. (1 Korinthimiut 6:9-11) Aam­ma toqunis­sar­tik tikil­lugu Guutimut Kristusimul­lu ilumoorfigin­nit­tuar­tariaqar­put. (Lukasi 22:28-30; 2 Timotheusi 2:12) Aatsaat piumasaqaatit taak­ku eq­qor­tik­kunik­kit qilaliar­nis­samin­nut qin­ngaq­qun­nas­san­ngil­lat, aam­ma aatsaat qilam­mi Jiisusi peqatigalugu palasitut kun­ngitul­lu kif­far­tor­nis­samik ukiuni 1000-ini inuian­nut iluaqutaasus­samik akisus­saaf­ferujus­suaqaler­nis­samin­nut piuk­kun­naateqarsin­naap­put. — Saq­qum­mersitat 20:6.

Angut Jiisusip kikiat­tugaaqataa al­laal­luin­nar­poq toqus­si tikil­lugu pinerlut­tuugami. (Lukasi 23:32, 39-41) Ilumoor­porli ataq­qin­nil­luni Jiisusimut ima oqar­toq: “Jiisusi, naalagaaf­fin­nut piguit eq­qaaginga.” (Lukasi 23:42) Taama oqaraluarluni Jiisusimut ajoqersugan­ngorsiman­ngilaq kuisimasoq anersaamit tanitaasoq. Aam­ma as­suar­naatsumik inooriaaseqarsiman­ngilaq. Ilimanarsoraajuk Jiisusip pinerlut­toq taan­na ajoqersuk­kaminik aalajaat­tuar­tunik qilam­mi kun­ngioqataanis­saanik neriorsus­sagaa? — Romamiut 2:6, 7.

As­sersuuteqariar­ta: Aningaasaatin­nik til­lis­simasoq isumak­keerfigin­neq­qul­luni qin­nuigip­patit im­maqa aalajangis­saatit un­nerluutigiumanagu. Sulif­feqarfiutil­li imaluun­niit ilaqut­tatit taas­sumun­nga isumagitis­savigit? Tatigil­luin­nak­kat kisiat taamatut akisus­saaf­filis­savat, ilaa? Taamatut­taaq qilaliar­nis­samik neriugisal­lit inooriaatsimik­kut Guutimut ersersit­tariaqar­paat taas­suma najoq­qutas­siai naaper­tuil­luar­tut inuian­nut naalak­kersuilerunik maleruaq­qis­saarumal­lugit. (Saq­qum­mersitat 2:10) Pinerlut­tul­li toqungajalerluni Jiisusi isumak­keerfigeq­qul­luni qin­nuigigaluarlugu inooriaatsimigut ersersis­siman­ngilaa tatiginar­tuunerluni.

Jiisusil­li pinerlut­toq ul­loq taan­nar­piaq qilam­meeqatigiuman­ngin­ner­paa? Naamik, taamaas­sin­naan­ngilaq, Jiisusimi ul­loq taan­nar­piaq qilalian­ngilaq. Ul­luni pingasuni ‘nunap iluaniip­poq’ — tas­sa ilivermiip­poq. (Mat­thæusi 12:40; Markusi 10:34) Makititaanermilu kingor­na ul­luni 40-ni nunarsuarmeereerluni aatsaat qilaliar­poq. (Apustilit Suliaat 1:3, 9) Taamaat­tumik pinerlut­tup ul­loq taan­na toqugami Jiisusi qilaliaqatigisimanavian­ngilaa.

Paratiisi pinerlut­tup iserfigisas­saa sumiik­kami? Toqusunit makitin­neqaruni paratiisimi nunarsuarmiit­tus­sami Jiisusip naalak­kersuif­figisas­saani inuus­saaq. (Apustilit Suliaat 24:15; Saq­qum­mersitat 21:3, 4) Paratiisi taman­na pil­lugu Guutil­lu tas­sani inuusus­sanut piumasaqaatai pil­lugit ilik­kagaqar­nerorusuk­kuit Jehovap Nalunaajaasuisa ilaat aperisin­naavat.