Nikal­lunganikuuit al­laat qial­lutit? —  * Tamat­ta taamatut misiginikuugunar­pugut. Im­maqa arlaata eq­qun­ngitsumik oqaluuserisimavaatigut. Alianar­poq, ilaa? — Arlaata Guuti eq­qun­ngitsumik oqaluuserigaangagu aam­ma aliatsat­tar­poq. Guuti aliasutsin­nagu qanoq ilil­luta nuan­naar­tis­sin­naagip­put misis­soriar­tigu.

Biibilimi al­laaserineqar­poq inuit Guutimut ajor­tulioraangata taas­sumalu oqaasiinik naalan­ngik­kaangata taan­na ‘aliasut­tar­toq’. Sooq taama misigisar­toq misis­soriar­tigu.

Inuit siul­liit marluk Jehovap pin­ngor­titai tas­sunga aliasutsitserujus­suar­put. Nunamut paratiisimut, ‘naatsiivim­mik Edenimik’ atilim­mut, inis­sin­neqar­put. Inuit taak­ku marluk kik­kuup­pat? — Tas­sa Adami Evalu. Maan­na tusarias­sagit Jehova qanoq aliasutsik­kaat.

Jehovap taak­ku naatsiivim­mut inis­sereeramigit oqarfigai taan­na paaril­luas­sagaat. Aam­ma oqarfigai meerar­taarsin­naasut taak­kulu ilagalugit naatsiivim­mi najugaqas­sasut qaqugumul­luun­niit toqunatik. Kisian­ni Adami Evalu suli meeq­qiun­ngitsut alianar­torujus­suarmik pisoqar­poq. Susoqar­toq nalun­ngiliuk? — In­ngilip Eva kingor­nalu Adami Jehovamut pikitsitsilersip­pai. Qanoq pisoqarsimanersoq misis­soriar­tigu.

In­ngilip pulateriaarsuk oqalutsit­tuusaar­paa. Evap tusak­kani nuan­naraa — pulateriaarsum­mi oqarmat ‘Guutisut ilis­sasoq’. Taamaat­tumik pulateriaarsuup kajumis­saarineratut ilior­poq. Sunersoq nalun­ngiliuk? —

 Naak Jehova Adamimut oqareeraluar­toq or­pik nerif­figis­san­ngik­kaat Evap taan­na nerif­figaa. Guutip suli Eva pin­ngor­tin­nagu Adamimut ima oqar­poq: “Naatsiiviup or­pii tamaasa nerif­figisin­naavatit, kisian­ni or­pik ajun­ngitsumil­lu ajor­tumil­lu ilisimalersitsisoq nerif­figis­san­ngilat, nerif­figigaluaruk­kumi toqus­saatit.”

Evap inatsit taan­na nalun­ngil­luin­nar­paa. Kisian­ni or­pik isigiuar­paa, or­pil­lu “qiviarlugu paasigamiuk nerif­figiuminarlunilu isigiuminarlunilu ... paar­naanik tigusivoq neril­lunilu”. Kingunin­ngua Adamimut naatitaq tun­niup­paa, “taan­nalu aam­ma nerivoq”. Nalun­ngiliuk Adami sooq taamaalior­toq? — Jehovamit Eva asaneruleramiuk. Jehova pin­nagu nuliani nuan­naar­tik­kusun­neruaa. Kisian­ni kik­kun­nit tamanit Jehova naalan­nis­saa pingaar­ner­paavoq!

Pulateriaarsuk Evamut oqalut­toq eq­qaamaviuk? Soorlu inuup inuusaq oqalutsit­tuusaarsin­naagaa, taamatul­li aam­ma pulateriaarsuk oqalutsit­tuusaar­tin­neqar­poq. Kiap pulateriaarsuk oqalutsit­tuusaar­paa? — Tas­saavoq “pulateriaarsutoqaq Diaavulumik Saatanimil­lu taaneqar­toq”.

Jehova qanoq nuan­naar­tis­sin­naal­lugu nalun­ngiliuk? — Taan­na naalan­niar­tuar­neratigut taamaaliorsin­naavutit. Saatani oqar­poq kinaluun­niit nam­mineq ilioq­qusinermisut ilior­tis­sin­naal­lugu. Taamaat­tumik Jehovap ima kajumis­saar­paatigut: “Er­nera [imaluun­niit paniga], ilisimasuuniarit taamalu uum­matiga nuan­naar­til­lugu, mital­lersik­ka akisin­naanias­savak­ka.” Saatanip Jehova mitaatigaa imaluun­niit kan­ngunarsar­paa. Saatani oqar­poq kik­kut tamaasa Guutimut kif­far­torun­naar­tis­sin­naal­lugit. Il­lit Jehova nuan­naar­tis­sin­naavat sutigut tamatigut naalal­lugu kif­far­tuul­lugulu! Taamaa­liorusup­pit? —