SOOQ QULAR­TOQAR­TOQ: Inuit ajor­nar­torsiutil­lit ilaat tup­pal­lersar­neqar­tariaqaraluarlutik isumaqar­put Guutimut ikioq­qunis­saq nam­minis­sarsior­nerusoq. Raquelimik atilik ima oqar­poq: “Nunarsuarmi inup­par­pas­suit taak­kualu ajor­nar­torsiutaat ilungersunar­tut eq­qarsaatigigaangak­kit uan­nut tun­ngasut soqutaajun­naar­tutut it­tarmata Guutimut ikioq­qunis­sara tunuarsimaarutigisar­para.”

GUUTIP OQAASIANI AJOQERSUU­TIGINEQAR­TOQ: Guuti inun­nik ikiuiumal­luni tupin­nangaar­tumik iliuuseqareer­poq. Tamat­ta inun­nguuseralugu ajor­tiliuvugut, tas­sa Guutip piumasaqaataanik eq­qor­titseq­qis­saarsin­naan­ngilagut. Guutil­li ‘asagamisigut er­nini [Jiisusi Kristusi] aal­lar­tip­paa ajor­tivut pil­lugit pil­liutitut saam­maan­nar­titsis­sutitut’. (1 Johan­nesi 4:10) Jiisusip inuunerminik pil­liuteqar­neratigut Guutip ajor­tuliatsin­nik isumak­keerfigineqarsin­naan­ngor­tip­paatigut, ilerasuk­kun­naarsin­naan­ngor­tip­paatigut silarsuas­samilu nutaami eq­qis­sisimaf­fiusumi naas­saan­ngitsumik inuunis­samik neriuuteqalersil­luta. * Pil­liutaa taman­na inuit tamaasa pil­lugit pil­liutigineqar­poq, aam­mali Guutip ilin­nik inut­tut soqutigin­nin­neranut ersiutaava?

Jiisusip uter­titsis­sutitut pil­liutaa kil­litsis­sutigingaarlugu apustili Paulusi ima al­lap­poq: “Inuuseraara up­perfigalugu Guutip er­nera uan­nik asan­nit­toq uangalu pil­lunga im­minut tun­niut­toq.” (Galatiamiut 2:20) Paulusi kristumiun­ngor­poq Jiisusip inuunini pil­liutigereeraa, pil­liul­li taman­na im­minut tunis­sutitut isigaa.

Jiisusip pil­liutaa aam­ma ilin­nut tunis­sutaavoq Guutimit pingaar­tin­neqar­nin­nut ersiutaal­luni. Guutim­mi “tup­pal­lersaatis­samik soraajuitsumik neriun­nermil­lu ajun­ngitsumik” tunil­lutit nakus­satsis­sin­naavaatit ‘suliatit oqaatsitil­lu tamarmik ajun­ngitsooq­qul­lugit’. — 2 Thes­salonikamiut 2:16, 17.

Jiisusil­li inuunini pil­liutigaa ukiut 2000-t mis­saasa matuma sior­na. Guutip ul­lumik­kut ilin­nik ikin­nguteqarusun­neranut takus­sutis­saqar­pa?