KAPITALI 25

Imminut inertittarneq qanoq ileqqoriun­naarsin­naavara?

“Arfineq-pingasunilli ukioqarlunga imminut inertit­talerpunga. Kingornatigut Guutip tamatumunnga isiginnittaasia ilikkarpara. Ussernar­torsiorlunga nakkaan­naraangama tamatigut ajortaqaanga. Imminut aperisarpunga: ‘Qanoq ililluni Guutip uattut ittut asasinnaas­sagamigit?’” – Luiz.

INUUSUT­TUARANNGULERNINNI kinguaas­siuutitigut pilerissutsit sakkortusiar­torsinnaavoq. Tamanna pissutigalugu imminut inertit­tarnermut nakkaan­nartoorsin­naavutit. a Amerlasuut oqarumassapput tamanna ajoqutaan­ngitsoq. “Ajuallat­toqarnavianngilaq”, oqartarput. Taamaak­kaluarpal­luunniit taamaalior­tarunnaar­nissamut pissutis­saqarluarpoq. Apustili Paulusi allappoq ‘aqussin­naanngisamik atoqateqarusus­suseqarneq toqutis­sagipput’. (Kolossimiut 3:5) Imminut inertit­tarnerup aqussin­naanngisamik atoqateqarusussuseq ‘toqutin­navianngilaa’, pileris­suseqalersitsiin­nartarporli. Aamma tulliuttut eqqarsaatigikkit:

● Imminut inertittartoq imminuinnaq eqqarsaatigilernermik ineriar­tortitsisarpoq. Assersuutigalugu imminut inertittartup nammineq timimi iluatatsinnissaa kisiat eqqarsaatigisarpaa.

● Imminut inertittartup imminuinnaq inertin­nissaminut allat iluaqutis­saannarmisut isigisarpai.

● Imminut inertit­tarnerup malitsigisaanik imminuinnaq eqqarsaatigiler­tarnerup aappariittut atoqatigiittarneq akornusersinnaavaa.

Kinguaas­siuutitigut pileris­suseqarneq imminut inertit­tarnikkut matussusernagu imminut aqussinnaaneq ilinniar­tariaqarpat. (Tessaluunikamiunut 1. 4:4, 5) Taamaattumik Biibilimi kaammat­tuutigineqarpoq kinguaas­siuutitigut pileris­suseqalersitsisinnaasut suulluunniit ingalas­simanias­sagitit. (Ussatit 5:8, 9) Imminummi inertittarneq ileqqulius­simagukku? Immaqa iluatsin­ngitsumik unitsin­niartaraluarpat. Imminut iluatsis­sinnaan­ngitsutut, Guutip najoqqutas­siaanik maleruaasin­naanngitsutut, imminut nalilernissaq ajornan­ngitsuararsuuvoq. Nukappiaraq Pedromik atilik taamatorluinnaq imminut isiginikuuvoq. Oqarpoq: “Ussernartumut nakkaan­naraangama ajortaqaanga. Eqqarsar­tarpunga iliuutsikka pillugit isumakkeerfigineqarsin­naananga. Qinunissara sapernar­tittaqaara.”

Illit taamatut misigiguit nikalloqinak. Ajornar­torsiut qaanger­neqarsinnaavoq. Inuusut­torpassuit – aammalumi inersimasut – imminut inertittarneq ileqqoriun­naarnikuuaat. Illit aamma qaangersinnaavat!

Pisuusutut misigineq qaangersinnaavat

Oqaatigineqareersutut imminut inertit­tarnermut nakkaan­nartartut imminut pisuutinneq misigik­kajuttarpaat. Qularutis­saanngilaq ileqqup tamatuma qaanger­nissaanut ‘aliasulernerit eqqortulior­nissamut’ kajungilis­sutigisinnaagit. (Korintimiunut 2. 7:11) Imminulli pisuuterujus­suarneq nakkarsaataasarpoq. Nikallorsin­naavutit akiuunninnilu tunniutiin­narlutit. – Ussatit 24:10.

Taamaattumik tamatumunnga tunngatillugu eqqortumik isiginnit­taaseqalerit. Imminut inertittarneq mingunnartuuvoq. ‘Kissaatinut nuannaar­niutinullu assigiin­ngitsunut inussiaatin­ngortillutalu’ peqqinnan­ngitsumik isiginnit­taaseqalersis­sinnaavaatigut. (Tittusi 3:3) Imminulli inertittarneq ingasattumik ajortulior­nerunngilaq, soorlu atoqatigiinnikkut eqqunngitsuliorneq. (Juudarsi 7) Imminut inertit­tarnermik ajornar­torsiuteqaruit eqqarsas­sanngilatit isumakkeerfigineqarsin­naanngitsumik ajortuliorsimallutit. Pileris­suseqarnerit akiortuaruk tunniutiin­nanngisaan­narlutillu!

Nakkartoorsimatilluni nikalloq­qajaanartarpoq. Nakkartooruilli imaanngilaq ajortuusutit. Taamaattumik tunniutiin­naqinak. Nakkartoorninnut suna pissutaanersoq eqqarsaatigiuk pissutaasorlu iliuusereq­qinnaveersaarlugu.

Guutip asanninnera nallittuisuuneralu eqqarsaatigeq­qissaakkit. Tussiaasiortoq Daavi, nammineq sanngiif­feqarsimasoq ima allappoq: “Soorlu ataataasup qitornani nallittortarai, taamatut Naalakkap nallittortarpai mianerin­nitsini. Nalunngilaami pinngor­titaasugut, eqqaamavaa pujualaasugut.” (Tussiaat 103:13, 14) Aap, Jehovap naammal­luinnan­ngissuserput pissutigalugu qajassuut­tarpaatigut ‘isumakkeerfigin­nikkumasarlunilu’. (Tussiaat 86:5) Taamaattorlu sanngiis­sutitta qaanger­niarnissaanut ilungersor­nissarput kissaatigaa. Sanngiis­sutsivit qaanger­niarnissaanut qanoq iliorsinnaavit?

Aliikkutarisatit eqqarsaatigikkit. Fjernsynikkut imaluunniit nittartak­katigut kinguaas­siuutitigut pileris­suseqalersitsisinnaasut isiginnaar­tarpigit? Tussiaasiortoq silatusaarluni Guutimut ima qinuvoq: “Isikka alartikkit sallunermit [naleqan­ngitsunit, New World Translation], inuugin­nartinnga illit aqqutigeq­qusanni!” – Tussiaat 119:37.

Allanik eqqarsaateqar­niarsarigit. Kristumiu Williamimik atilik ima siunnersuuteqarpoq: “Innannginninni anersaakkut ittunik atuagaqarit. Ullormi eqqarsaatit kingulliit anersaakkut tunngasuunissaat pingaarutilerujussuuvoq.” – Filippimiut 4:8.

Ajornar­torsiutit pillugu oqaloqateqarit. Ajornar­torsiutit pillugu tatigisannut oqaluttuarnissat kanngusuutigis­sagunarpat. Taamaalioruilli ajornar­torsiutippit qaanger­nissaanut iluaqutigissavat! Kristumiup Daavimik atillip tamanna iluaqutigivaa. Oqaluttuarpoq: “Tamanna pillugu ataataga oqaluttuuppara. Oqaasii puigunngisaan­narpakka. Toqqissial­lannartumik qungujulluni ima oqarpoq, ‘Tulluusimaarutigeqaakkit’. Nalunngilaa tamanna pillugu oqaloqatiginissaanut qanoq sapiillisaar­tigisimas­sasunga. Tassa ajornar­torsiutima qaanger­nissaanut oqaatsit kajumis­sinartut pisariaqar­tilluin­narpakka.

Ataatama allassimaf­fialuit atorlugit paasitippaanga ikiorneqarsin­naasunga. Aamma ajortumut ingerlalernera paasisimaneriga qulakkeer­niarlugu allassimaffiit allat takutippai. Taava oqarfigaanga ullup aalajangersimasup tungaanut nakkarnaveersaaq­qullunga, taava eqqartoq­qissavarput. Aamma oqarfigaanga nakkaqqik­kaluaruma nikallus­sanngitsunga nakkartar­nikkali akuttusiar­tortiin­nassagikka.” David qanoq isumaqarpa? Oqarpoq: “Ajornar­torsiutiga pillugu ilisiman­nittoqarnera ikiuukkumasoqarneralu iluaqutigeqaara.”

[Quppernerup ataani ilanngussaq]

ALLASSIMAFFIK PINGAARUTILIK

“Inuusuttut pilerigisaat qimarratigis­savatit, minguitsumilli uummateqarlutik Naalakkamik tatiginnittut ilagalugit angunias­savatit naapertuil­luarneq, upperneq, asanninneq eqqissinerlu.” – Timuutiusimut 2. 2:22.

SIUNNERSUUT

Pilerissuseq sakkortual­laalersinnagu qinugit. Jehova qinnuigiuk ussernar­torsiornermut nakkaan­naqqunak ‘pissaanermik nalingin­naanngitsumik’ tuneqqullutit. – Korintimiunut 2. 4:7.

NALUNNGILIUK …?

Inuk sanngiitsoq kinguaas­siuutitigut pileris­sutsiminut nakkaan­nartarpoq. Angulli arnarluunniit nukittooq imminut naalakkerluarsinnaavoq, aamma kisimiitsilluni.

ILIUUSERISASSATIT!

Eqqarsaatikkut minguit­tuarniarlunga imaaliussaanga ․․․․․

Pileris­sutsinnut tunniutiin­narniarnanga imaaliussaanga ․․․․․

Tassunga tunngatillugu angajoq­qaannut apeqqutigisin­naasakka ․․․․․

QANOQ ISUMAQARPIT?

● Sooq pingaaruteqarpa eqqarsaatigiuas­sallugu Jehova ‘isumakkeerfigin­nikkumasartuusoq’? – Tussiaat 86:5.

● Guutip, kinguaas­siuutinik Pinngor­titsisuusup, imminut aqussin­naassasutit oqarami tatigingaarsimas­savaatit, ilaa?

[Issuagaq]

“Ajornar­torsiutiga qaangerakku Jehovamut ilerasuuteqarun­naarpunga, tamannalu allamik taarserusun­ngilluin­narpara!” – Sarah

[Assiliartaq]

Arpanninni orlugaluaruit isumaqanngilaq aatsaat aallaqqaataaniis­sasutit – taamatuttaaq nammineq inertit­tarnermut nakkaannaruit isumaqanngilaq asuli sorsussimasutit