Jehovap Nalunaajaasuisa ilaat peqatigalugit Biibilimik atuaq­qis­saartaruit atuaq­qis­saan­ngin­nis­sin­ni sammisas­sasi imaas­sin­naavoq atuareersima­saritit. Ilagiit ataat­simiin­nerinut taamatut­taaq piareersar­taruit ataat­simiin­nerit pis­sarsif­figil­luarnerus­savatit. Piareersartarneq iluaqutiginer­paas­savat ileq­quliuk­kuk­ku.

Qaquguk­kut sumilu piareer­sar­tas­saner­lutit aala­jange­rit. Qaquguk­kut eq­qarsar­luarsin­naanerusar­pit? Ul­laaralaak­kut suliartun­ngin­nin­ni, imaluun­niit un­nuk­kut meeq­qat in­nareeraangata? Pif­fis­saqar­pal­laan­ngik­kaluaruil­luun­niit aalajangerit pif­fis­saq qanoq at­sigisoq piareersarnermut atortas­saner­lugu aalajangius­sal­lu aalajangiu­sima­niar­saralugu. Eq­qissil­lutit atuarfigisin­naasan­nut inissigit akornutaasin­naasul­lu tamaasa, radio, fjernsyni mobililu qamil­lugit. Atuaq­qis­saartin­nak qinuguit, taman­na ul­lormut isumakuluutitit akornutiginagit Guutip oqaasianik eq­qarsaatigin­neq­qis­saarnis­samut iluaqutigis­savat. – Filippimiut 4:6, 7.

Titartui­sarit, peqataa­jumal­lutil­lu piareer­sar­tarit. Siul­lermik suna sammineqas­sanersoq misis­soruk. Al­laaserisap kapitalil­luun­niit qulequtaata qulequtaaq­qanut qanoq atas­suteqarnera eq­qarsaatigiuk, maluginiarul­lu as­siliartat uteq­qiinermul­lu apeq­qutit sammineqartumi pingaarnersanut qanoq erseq­qis­saataanersut. Taava immik­koortut tamaasa immik­kut atuak­kit, apeq­qutinul­lu quppernerup naq­qaniit­tunut akis­sutit naniniarsarik­kit. Al­las­simaf­fiit in­nersuus­sutigineqartut quppertak­kit, eq­qarsaatigiul­lu taak­kua sammineqartunut qanoq tapersiis­sutaanersut. (Apustilit Suliaat 17:11) Apeq­qummut akissut naniguk­ku oqaasialun­nik oqaaseqatigiin­nil­luun­niit ataasiak­kaanik titarsisin­naavutit akissut eq­qaamajuminartin­nerunias­sagak­ku. Taamaaliortaruit, piumaguit ataat­simiin­nerni nappaariar­lutit akisarsin­naavutit – naat­sumik namminer­lu oqaat­sitit ator­lugit.

Sapaatit-akun­neri tamaasa ataat­simiin­nerni sammineqartunik as­sigiin­ngit­sunik misis­suisarnik­kut paasisatit nutaat Biibili pil­lugu ilisimasan­nik peq­qumaasivin­niit­tul­lusooq amer­liartuin­nas­sapput. – Matthæusi 13:51, 52.

• Ataatsimiinnernut piareersarnissamut suut iluaqutigisinnaavigit?

• Ataatsimiinnerni akinissannut qanoq piareersarsinnaavit?