Inuppas­suit isumaqar­put taaguut “Jehovap Nalunaajaasui” tas­saasoq upperisarsiortut nutaat taaguutaat. Ukiul­li 2.700-t matuma siorna Guutip ilumoortutuap kif­fai taas­sumin­nga ‘ilisiman­nit­tutut’, imaluun­niit taas­suma nalunaajaasuisut, taaneqar­put. (Esaja 43:10-12) 1931-p tungaanut Biibilimik Atuaq­qis­saartartutut ilisimaneqar­pugut. Sooq “Jehovap Nalunaajaasui” taaguutigiler­par­put?

Guutitta kinaas­susia paasinar­sisin­niar­lugu. Al­lagatoq­qat as­sammik al­latat naapertor­lugit Guutip aq­qa, Jehova, tuusintileriar­luni Biibilimi atorneqar­poq. Nut­sik­kani amer­lasuuni ateq taan­na taaguutinik, soor­lu Naalak­kamik imaluun­niit Guutimik, taarserneqarsimavoq. Guutili ilumoortoq nammineq atini, Jehova, ator­lugu Mosesimut saq­qummer­poq, ima oqar­luni: “Tassa atera naas­saan­ngit­sumik.” (2 Mosesi 3:15) Taamaalil­luni nammineq guutipilun­nit immik­koortippoq. Guutip aq­qa il­lernartoq taaguutigigat­sigu tul­luusimaa­rutigaar­put.

Suleri­ner­put paasitin­niar­lugu. Abeli siul­lersaralugu inuppas­suit itsaq inuusut uppernik­kut Jehova nalunaajaatigisar­paat. Ukiut hundredilik­kuutaat inger­laneran­ni ‘nalunaajaasunut’ amer­laqisunut taak­kunun­nga ilaaler­put Noa, Aaperaat, Sara, Mosesi, Daavi al­lal­lu. (Hebræerit 11:4–12:1) Soor­lu eq­qartuus­sivimmi pisuus­suteqan­ngit­sup iluaqu­tigisaanik nalunaajaa­soqartartoq, taamatul­li Guuter­put pil­lugu ilumoortup nalunaajaatiginis­saa aalajangiusimavar­put.

Jiisusi ilaarat­sigu. Taan­na Biibilimi ‘nalunaajaasumik ilumoortumik sal­lusuit­sumil­lu’ taaneqar­poq. (Saqqummersitat 3:14) Jiisusi nammineq oqarpoq ‘Guutip aqqa ilisimaneqalersil­lugu’ Guutilu pil­lugu ‘sal­lusuis­sut nalunaajaas­sutigisar­lugu’. (Johannesi 17:26; 18:37) Taamaat­tumik Kristusip ajoqersugai ilumoortut Jehovap aqqanik taaguu­teqartus­saal­lutil­lu ilisimaneqa­lersit­sisus­saapput. Jehovap Nalunaajaasui sapin­ngisamin­nik taamaaliorniar­saripput.

• Sooq Biibilimik Atuaq­qis­saartartut Jehovap Nalunaajaasuinik taaguuteqalerpat?

• Qanga Jehova nunarsuarmi nalunaajaasoqalerpa?

• Jehovap Nalunaajaasuisa kina pingaarnerpaartaraat?