1-3. Ul­lormi pisoqarfiungaar­tumi Petrusip suut misigai, un­nuak­kul­lu susoqar­pa?

PETRUSI un­nuak­kut taar­tumi tamaviaarluni ipun­nermini qilaap tungaanut isigivoq. Kangiani qaamaneq takusaa sunaava? Kiisami ul­laan­nguler­pa? Nalunaaqut­tap-akun­nerini arlalin­ni ipun­nikuugami qitini tuinilu ip­pigai. Anorersuarmat Galilæap Tasersua mal­lersorsuuvoq. Aalisar­tut umiatsiaat siumigut mal­linit qaararfigineqarmat Petrusi angivis­simavoq. Iput­tuar­porli.

² Petrusi angalaqataalu Jiisusi qimal­lugu aal­larsimap­put. Ul­loq taan­na Jiisusip timiusat aalisak­kal­lu amerlan­ngitsut atorlugit inuit tuusintil­lit kaat­tut nerisik­kai takuaat. Tamatuma kingor­na inuit Jiisusi kun­ngin­ngor­tin­nialeraluar­paat, Jiisusili politik­kimut akuliuk­kuman­ngilaq. Aam­ma ajoqersuk­kani politik­kimut akuliutin­ngin­nis­saan­nik ajoqersor­pai. Inup­pas­suar­nit qimagun­niarluni ajoqersuk­kani umiatsiamut ikeq­qoriarlugit tasersuup akianut aal­lar­tip­pai nam­minerlu kisimiil­luni qaq­qamut qinujar­torluni. – Mark 6:35-45; Johannesi 6:14-17 atuakkit.

³ Ajoqersuk­kat aal­larmata qaam­mat imis­singajalerluni qutsis­sumiip­poq, maan­nalu kitaatungaani tarrik­kiar­tor­poq. Taamaat­torli kilometerer­paalun­nguit taamaal­laat angalasimap­put. Tamaviaar­ner­tik, anorip siorsun­nera mal­ler­neralu pis­sutigalugit oqaloqatigiip­piarsin­naan­ngil­lat. Petrusi oqaaseqar­nani eq­qarsarujoorsimas­saaq.

4. Sooq Petrusi maligas­saal­luar­pa?

⁴ Eq­qarsaatigisin­naasai amerlaqaat! Ukiut marluk matuma sior­na Petrusip Jiisusi Nazaretimiu naapeq­qaaramiul­li pisoqarsimaqaaq. Ilik­kagaqangaaraluarluni suli ilin­niagas­sar­pas­suaqar­poq.  Ilin­niar­nis­saminut – anigor­niagas­sanik, soorlu qular­nermik siooranermil­lu, akiuinis­saminut – piumas­suseqarami maligas­saal­luar­poq. Qanoq? Taman­na sam­minerus­savar­put.

5, 6. Petrusi sulerisuua?

⁵ Petrusip ul­loq Jiisusimik naapitseq­qaarfini puiun­ngisaan­nar­paa. Qatan­ngutaata, Andreasip, nuan­nerluin­nar­tumik ima tusarleq­qaar­paa: “Mis­siarsi naapip­par­put.” Taama oqarfigineqareerluni Petrusip inuunera al­lan­ngorluin­nar­poq. – Joh 1:41.

⁶ Petrusi Kaper­naumimi, il­loqarfim­mi Galilæap Tasersuata avan­nar­pasis­suata sinaaniit­tumi, najugaqar­poq. Andreasilu Zebedæusip er­neri Jaaku Johan­nesilu aalisaqatigisar­pai. Petrusip nuliani najugaqatigiin­nar­nagu aam­ma sakini qatan­ngun­nilu, Andreasi, najugaqatigai. Aalisar­tutut ilaqut­tani pilersor­niarlugit tamaviaar­tariaqarlunilu sul­laris­suusariaqar­poq. Takorloorsin­naavar­put angutit un­nuit tamangajaasa qas­sutitik umiatsiat marluk akor­nan­nut ningeriarlugit pisatik amoor­taraat. Aam­ma takorloorsin­naavar­put ul­luk­kut aalisak­kanik im­mik­koor­titeril­lutik, tuniniaal­lutik qas­sutinil­lu ilaar­tuil­lutil­lu saliil­lutik sulerulut­tar­tut.

7. Jiisusi pil­lugu Petrusip suna tusar­paa, aam­ma sooq nutaarsias­saq nuan­nersuua?

⁷ Biibilimi al­las­simavoq Andreasi Johan­nesimut Kuisisumut ajoqersugaasoq. Petrusip qatan­ngun­ni Johan­nesip tusarlius­saa pil­lugu oqalut­tuar­toq qular­nan­ngitsumik tusar­naaq­qis­saar­tar­paa. Taamaal­luni Johan­nesip Jiisusi Nazaretimiu tik­kuariarlugu ‘Guutip savaaraanik’ taam­magu Andreasi najuup­poq. Andreasi ingerlaan­naq Jiisusimut ajoqersugan­ngor­poq Petrusilu Mis­siarsip tikius­simanera pil­lugu nutaarsias­samik pis­sanganar­tumik tusarlerlugu. (Joh 1:35-40) Ukiut 4.000-t sin­nerlugit tamatuma sior­nagut Edenimi pikitsitsisoqar­nerata kingor­na inuiaat tutsuiginar­tumik neriuutis­sik­kumal­lugit inuup im­mik­kuul­laris­sup tikiuk­kumaar­nera Jehovap Guutip neriorsuutigaa. (1 Mos 3:15) Andreasip An­naas­sisoq taan­na, Mis­siarsi, naapip­paa! Petrusip Jiisusi alak­kariar­tupal­lap­paa.

8. Jiisusip Petrusi qanoq isumalim­mik atser­paa, aam­ma sooq inuit ilaasa atia inut­taanut naleq­qutin­ngin­nerar­tar­paat?

⁸ Ul­loq taan­na tikil­lugu Petrusi Siimuutut, imaluun­niit Sim­miuutut, ilisimaneqar­poq. Jiisusil­li qiviarlugu ima oqarfigaa: “‘Siimuujuvutit Johan­nesip er­nera; Kefasimik taaneqar­talis­saatit.’ – Kefasi isumaqar­poq: Petrusi.” (Joh 1:42) “Kefasi” taggisaavoq nalingin­naasoq ‘ujaq­qamik’ imaluun­niit ‘qaarsumik’ isumaqar­toq. Jiisusip oqaasiisa siulit­tuutaanerat kingusin­nerusuk­kut  paasinarsivoq. Petrusip qaarsutut – Kristusip ajoqersugaasa akor­nan­ni patajaatsutut, aalajaatsutut tutsuiginar­tutul­lu ilerumaar­nera – Jiisusip siulit­tuutigaa. Petrusi im­minut taamatut isigiva? Ilimanan­ngilaq. Al­laat nalitsin­ni iivangkiiliunik atuar­tar­tut Petrusi qaarsuusutut isigineq ajor­paat. Inuit ilaat oqar­tar­put Biibilimi aalajaatsuun­ngitsutut isum­maminil­lu al­lan­ngor­titsiasutut al­laatigineqar­tar­toq.

9. Jehovap er­neratalu suut isiginiar­nerusar­paat, aam­ma sooq nalileeriaasiat tatigisariaqar­par­put?

⁹ Petrusi san­ngiif­feqar­poq. Taman­na Jiisusip nalun­ngilaa. Ataatanili, Jehova, as­sigalugu Jiisusip inuit pis­susii ajun­ngitsut isiginiar­nerusar­pai. Jiisusip Petrusi amerlasuunik nuan­nersunik pis­suseqar­toq nalunagulu pis­susiminik nuan­nersunik ineriar­tor­titseq­qul­lugu ikiorusup­paa. Ul­lumik­kut aam­ma Jehovap er­neratalu pis­susivut nuan­nersut isiginiar­nerusar­paat. Im­maqa uagutsin­ni ajun­ngitsunik nas­saar­nis­saat up­periuminaatsit­tar­par­put. Nalileeriaasial­li tatigisariaqarlugulu Petrusip pisimaneratut ilin­niar­tin­neqar­nis­satsin­nut ilusilersor­neqar­nis­satsin­nul­lu piumas­suseqar­tariaqar­pugut. – 1 Johannesi 3:19, 20 atuakkit.

10. Petrusip suna takusimas­savaa, taamaat­torli sua?

¹⁰ Tamatuma kingor­na Petrusip Jiisusi oqaluus­siar­toqatigigunar­paa. Taamaat­tumik Jiisusip Kanami katit­torsior­nermi imeq viin­nin­ngor­til­lugu siul­lermeerluni tupin­nar­tulior­nera Petrusip takusimas­savaa. Pingaar­ner­tut, Guutip naalagaaf­fia pil­lugu Jiisusip tusarlius­saa nuan­nersoq neriuuteqalersitsisorlu tusar­paa. Taamaat­torli angerlar­poq aalisar­tun­ngoq­qil­lunilu. Qaam­matil­li arlalialuit qaangium­mata Jiisusi naapeq­qik­kamiuk pif­fis­saq tamaat oqaluus­sisar­tun­ngor­nis­samut kajumis­saar­neqar­poq.

11, 12. (a) Petrusip un­nuak­kut aalisar­nera oqalut­tuariuk. (b) Jiisusi ajoqersuisoq tusar­naar­til­lugu Petrusi im­maqa qanoq eq­qarsar­pa?

¹¹ Petrusi un­nuaq naal­lugu pisaqar­nani aalisarsimagaluar­poq. Aalisar­tut qas­sutitik ningeqat­taar­paat, pisaqaratil­li. Misilit­tak­kani ilisimasanilu tamaasa atorlugit tasersuarmi aalisak­kat nerisut nas­saariniarlugit sumiif­fin­ni as­sigiin­ngitsuni Petrusi qas­suser­tarsimas­saaq. Aalisar­tut al­lat as­sigalugit im­mami taar­tuin­naasumi aalisak­kat ataatsimoor­tut takusin­naanis­saat arlaatigul­luun­niit qas­sutiminut napitin­nis­saat ilaan­neeriarluni kis­saatigisarsimas­savaa. Aalisak­kat qas­sutiminut napitin­niarlugit iliuuseqarsin­naan­ngin­nami isumatsat­tarsimas­saaq. Aalisar­neq Petrusimut sukisaarsaarutaan­ngilaq, ilaqutaasa pisaqar­nis­saa isumal­luutigaat. Naggataatigut susaarluni tulak­kiar­tor­poq. Qas­sutinik error­tuil­luni ulapilerut­tor­toq Jiisusi agger­poq.

 ¹² Inup­pas­suit Jiisusi tusar­naarusul­lugu unguaat. Inun­nit nin­nior­tin­neqalerami Petrusip umiatsiaanut ikeriarluni Jiisusip inua qin­nuigaa avalaal­latsiaq­qul­lugu. Tasersuup tungaaniit oqaatsini tusaaneqarluarsin­naam­mata Jiisusi ajoqersuiler­poq. Petrusi inup­pas­suil­lu tusar­naaq­qis­saar­put. Jiisusip pingaar­ner­tut oqaluus­sis­sutigisaa, Guutip naalagaaf­fia, pil­lugu tusar­naar­nis­sani Petrusip qatsutin­ngisaan­nar­paa. Nuna tamak­kerlugu tusarlius­samik tamatumin­nga siaruar­terinermi Kristusimik ikiuineq nuan­nerunarluin­nar­poq! Taman­nali piviusorsior­nerua? Petrusip ilaqut­tani qanoq pilersus­sagamigit? Im­maqa Petrusip un­nuaq naal­lugu pisaqarsiman­ngin­ner­tik eq­qarsaatigaa. – Luk 5:1-3.

13, 14. Petrusip iluaqutigisaanik Jiisusi qanoq tupin­nar­tulior­pa, Petrusilu sua?

¹³ Jiisusi ajoqersuereerluni Petrusimut ima oqar­poq: “Itisuumut avalal­lusi qas­suseritsi!” Petrusi qularluni ima oqar­poq: “Ajoqersuisoq, un­nuaq tamaat ilungersoraluar­pugut susaarlutali; il­lil­li oqaatsitit tatigalugit qas­susis­saanga.” Petrusip qas­sutit erroq­qam­mer­pai. Tamatuma nalaani aalisak­kat nerineq ajormata qas­suseq­qin­nis­sani kajungerer­pasin­ngil­luin­nar­paa. Akuersivorli im­maqalu ilani umiatsiap aap­paaniit­tut malin­naaq­qul­lugit us­sersorfigalugit. – Luk 5:4, 5.

¹⁴ Petrusip qas­sutit amuuk­kani oqimaat­torujus­suunerat tupaal­laatigaa. Up­perer­piar­nagu tamaviaar­nerul­luni amualerami takulerial­lar­paa qas­sutit aalisak­kanik ulik­kaar­tut! Ulap­puserluni angutit umiatsiap aap­paaniit­tut ikioq­qul­luni us­sersorfigai. Paasinarsivoq aalisak­kat umiatsiami ataatsimi inis­saqan­ngitsut. Umiatsiat im­meramik­kit ulik­kaangaaramik kivingajap­put. Petrusi tupigusut­torujus­suuvoq. Kristusi tupin­nar­tulior­toq sior­natigut takoreer­paa, matumanili iliuusaa Petrusip nam­mineq iluaqutigaa. Angutip taas­suma al­laat aalisak­kat qas­sutiminut napititis­sin­naavai! Petrusi an­nilaangaler­poq. Seeq­qum­meriarluni oqar­poq: “Naalagaq, qiman­nga inuugama ajor­tilik.” Guutim­mi pis­saaneranik taamatut atuisin­naasumik suleqateqar­nis­samut qin­ngaq­qun­nan­ngin­nini qanoq ersersis­sin­naagamiuk? – Lukasi 5:6-9 atuakkit.

15. Jiisusip Petrusi qularun­naarsin­niarlugu sioorajun­naarsin­niarlugulu qanoq oqarfigaa?

¹⁵ Jiisusi inus­siar­nersumik oqar­poq: “Erseqinak! Maan­namiit  inun­nik pisaqar­talerumaar­putit.” (Luk 5:10, 11) Qular­nis­samut siooranis­samul­luun­niit pif­fis­saan­ngilaq. Petrusip sulias­sanut – soorlu aalisar­nermut – tun­ngatil­lugu qular­nera, san­ngiis­sutini pil­lugit siooranera sapiun­neralu tun­ngavis­saqan­ngil­lat. Jiisusi oqalut­tuarisaanermut sun­niuteqangaar­tus­samik sulias­saqar­poq. Guuti ‘isumak­keerfigin­nit­tuar­toq’ kif­far­tuup­paa. (Es 55:7) Petrusip timik­kut anersaak­kul­lu pisariaqar­titai Jehovap isumagis­savai. – Mat­t 6:33.

16. Jiisusi naalal­lugu Petrusi, Jaaku Johan­nesilu sup­pat, aam­ma sooq taman­na aalajangigaan­nit tamanit pitsaaner­paava?

¹⁶ Jiisusi naalal­lugu Petrusi, Jaaku Johan­nesilu iliuuseqapal­lap­put. “Umiatsiatik tulatsip­paat, tamaasalu qimal­lugit malip­paat.” (Luk 5:11) Petrusip taamaalil­luni Jiisusimut aal­lar­titsisaanul­lu  up­per­nini ersersip­paa. Aalajangigaanit tamanit taman­na pitsaaner­paavoq. Ul­lumik­kut kristumiut Guutimut kif­far­torumal­lutik qularun­naarlutil­lu sioorajun­naar­tut aam­ma up­per­nermin­nik ersersitsisar­put. Jehovap tatigin­nitsini isumas­sor­tuaan­nar­pai. – Tus­s 22:5, 6.

17. Jiisusimik naapitseq­qaar­nerminiit ukiut marluk ingerlareersut Petrusip suut misigisimavai?

¹⁷ Kapitalip aal­laq­qaataani al­laatigineqar­tutut Jiisusimik naapitseq­qaar­nerminiit ukiut marluk mis­siliorlugit qaangiut­tut Petrusi un­nuak­kut Galilæap Tasersuani anorersuar­toq ipup­poq. Soorunami suut eq­qarsaatigisimanerai naluar­put. Eq­qarsaatigisimasin­naasaami amerlaqaat! Sakia Jiisusimit ajorun­naarsin­neqar­poq. Jiisusip qaq­qami oqaluusaa tusar­naar­paa. Jiisusip ajoqersuutimigut tupin­nangaar­tulior­nermigul­lu Jehovamit qinigaanini, Mis­siarsiunini, arlaleriarluni up­per­narsar­tarsimavaa. Qaam­matit ingerlaneran­ni Petrusip san­ngiis­sutini, soorlu tas­san­ngaan­naq siooraler­tar­nini qulaler­tar­ninilu, aqus­sin­naalersimavai. Al­laat Jiisusip Petrusi apustiliminut aq­qaneq-marluusunut ilan­ngul­lugu toq­qar­paa! Qanit­tuk­kul­li Petrusip suli sioorasarlunilu qular­tarluni paasis­savaa.

18, 19. (a) Petrusip Galilæap Tasersuani takusai oqalut­tuarik­kit. (b) Petrusip or­nik­kumam­mani Jiisusi qanoq oqar­pa?

¹⁸ Pigaarfiit sisamaan­ni – imaluun­niit un­nuak­kut nalunaaqut­tap pingasut kingor­na sulilu seqineq nuin­ngitsoq – Petrusi arlaan­nik takusaqariasaarami ipuk­kun­naar­poq. Mal­lit akor­nan­niit­toqar­pasip­poq! Qaam­matimuna qin­ngor­nera mal­lit qaarar­tut akor­nan­ni takusin­naagaa? Naamik, akisun­nerun­ngilaq. Angut nikorfasoq takusin­naavaa! Aap, angut tasersuup qaavatigut pisut­toq takusin­naavaa! Aal­laq­qaam­mut angutip qaangiin­nar­pasin­niar­pai. Ajoqersuk­kat alior­tuk­kamik takusoralutik ersiler­put. Angut ima oqar­poq: “Nikal­loqinasi, uangaavunga; erseqinasi!” Sunaaf­fa Jiisusi! – Matt 14:25-28.

¹⁹ Petrusi ima oqar­poq: “Naalagaq, il­liuguit uan­nut or­neq­qugit tasersuup qaavatigut.” Siul­leq iliuuseriniagaa sapiis­susianik ersersitsivoq. Tupin­nar­tuliaq as­seqan­ngitsoq alutoringaarlugu Petrusip up­per­nini nakus­satsik­kusup­paa. Pisumut akoorusup­poq. Or­nik­kumam­mani Jiisusi akuersivoq. Umiatsiamit aq­qarami Petrusip tasersuaq mal­lersorsuaq tum­mar­paa. Takorlooruk tasersuup qaavani man­ngaaris­sumi nikorfagami qanoq misigisimas­sasoq. Jiisusi qanil­liar­toramiuk tupigusungaarsimas­saaq. Eq­qarsaataali al­lamut saariasaar­put. – Matthæusi 14:29 atuaruk.

20. (a) Petrusip suut isiginiar­neruler­pai, qanorlu kinguneqar­tumik? (b) Jiisusip Petrusi sumik pingaarutilim­mik ilin­niar­tip­paa?

 ²⁰ Petrusip Jiisusi isiginiar­nerusariaqar­paa. Petrusip up­perfigim­mani Jehovap pis­saanera atorlugu Jiisusip mal­lit qaavatigut pisus­sin­naatip­paa. Petrusil­li eq­qarsaatai al­lamut saap­put. Qanoq “anorler­tigisoq takuleramiuk nangialer­poq”. Mal­lit umiatsiamut qaarar­tut isiginiar­neruleramigit Petrusi uip­pal­ler­poq. Im­maqa kiviar­tor­nini ipisin­naaninilu takorluuler­pai. Siooraneruleriar­tor­til­luni up­persuseeruk­kiar­tor­poq. Aalajaatsuunini pis­sutigalugu angut qaarsumik taaneqar­toq up­persuseeruk­kami ujaq­qatut kiviar­tuler­poq. Petrusi nal­loris­suuvoq, pigin­naaninili taman­na tatiginagu ima nil­ler­poq: “Naalagaq, an­naan­nga!” Jiisusip as­sani isaap­paa tigul­lugulu. Suli tasersuarmiitil­lutik Jiisusip Petrusi pingaarutilim­mik ilin­niar­tip­paa: “Up­per­nikitsutit, sooq qulaler­pit?” – Matt 14:30, 31.

21. Sooq qular­neq ulorianar­pa, qanorlu akiorsin­naavar­put?

²¹ Qulaler­neq ajoqutaangaarsin­naavoq! Qular­tuarut­ta up­per­ner­put san­ngiil­liar­tulersin­naal­lunilu naggataatigut an­naasin­naavar­put. Qular­ner­put akior­tuar­tariaqar­par­put! Qanoq? Eq­qor­tut isiginiar­nerunerisigut. Merserisavut, nikal­lor­nar­tut aam­ma Jehovamut er­neranul­lu at­taveqar­nitsin­nut ajoqutaasin­naasut eq­qarsaatigiuarutsigit qular­ner­put an­ner­tusiar­tus­saaq. Jehova er­neralu – asasamin­nut qanoq iliorsimasut, qanoq maan­na ilior­tut qanorlu iliorumaar­tut – eq­qarsaatigiuarutsigit up­perluar­tuarsin­naas­saagut.

22. Sooq Petrusi up­per­nik­kut maligas­saal­luar­pa?

²² Petrusi Jiisusilu umiatsiamut ikereermata anorersuarun­naar­poq. Galilæap Tasersua qatsor­poq. Petrusi ajoqersuk­kal­lu ima oqar­put: “Ilumut Guutip er­neraatit.” (Matt 14:33) Qaam­mariar­tor­nerani Petrusi nuan­naarlunilu qujamasus­simas­saaq. Qular­neq siooranerlu qanoq akiorsin­naal­lugit ilik­kar­paa. Jiisusip siulit­tuineratut kristumiunut qaarsutut ilerumal­luni amerlasuunik al­lan­nguisariaqar­nera ilumoor­poq. Ilin­niar­tuar­nis­sanili, siumukar­tuar­nis­sani, aalajangiusimavaa. Aam­ma il­lit taamaalior­nis­sat aalajangiusimaviuk? Taamaap­pat Petrusimik up­per­nik­kut ilaarsinerit iluaqutigingaas­savat.