ចម្រៀងសរសើរព្រះ ៥១:១-១៩
ជូនចំពោះមេភ្លេង។ ទំនុករបស់ដាវីឌ ពេលដែលណាថាន់ជាអ្នកប្រកាសទំនាយមកជួបគាត់ ក្រោយពីគាត់បានរួមដំណេកជាមួយនឹងបាតសេបា។+
៥១ ឱព្រះអើយ សូមលោកមេត្តាដល់ខ្ញុំ ព្រោះលោកមានសេចក្ដីស្រឡាញ់ដ៏ស្មោះត្រង់+សូមលោកបំភ្លេចអំពើខុសឆ្គងទាំងប៉ុន្មានរបស់ខ្ញុំ ដោយសារលោកមានសេចក្ដីមេត្តាករុណាយ៉ាងជ្រាលជ្រៅ។+
២ សូមលោកសម្អាតខ្ញុំឲ្យជ្រះស្រឡះពីកំហុសរបស់ខ្ញុំ+ហើយជម្រះអំពើខុសឆ្គងរបស់ខ្ញុំផង។+
៣ ព្រោះខ្ញុំដឹងច្បាស់អំពីកំហុសរបស់ខ្ញុំអំពើរំលងរបស់ខ្ញុំដិតជាប់ក្នុងចិត្តខ្ញុំជានិច្ច។+
៤ ខ្ញុំបានធ្វើខុសចំពោះលោក*ធ្ងន់ជាងធ្វើខុសចំពោះអ្នកណាទាំងអស់+ខ្ញុំបានប្រព្រឹត្តអំពើដែលលោកមិនពេញចិត្ត+ដូច្នេះ លោកគឺសុចរិតពេលលោកមានប្រសាសន៍ហើយលោកគឺត្រឹមត្រូវពេលលោកវិនិច្ឆ័យ។+
៥ មើល! ខ្ញុំកើតមកទាំងមានកំហុសខ្ញុំមានភាពខុសឆ្គងតាំងពីនៅក្នុងផ្ទៃម្ដាយ។+
៦ មើល! លោកពេញចិត្តមនុស្សដែលមានចិត្តស្មោះត្រង់+សូមលោកជួយបង្រៀនចិត្តខ្ញុំឲ្យស្គាល់ប្រាជ្ញាពិត។
៧ សូមសម្អាតខ្ញុំពីអំពើខុសឆ្គងដោយហ៊ីសុប* ដើម្បីឲ្យខ្ញុំបានស្អាតបរិសុទ្ធ+សូមជម្រះខ្ញុំដើម្បីឲ្យខ្ញុំបានសជាងព្រិល។+
៨ សូមឲ្យខ្ញុំបានឮសំឡេងសប្បាយរីករាយដើម្បីខ្ញុំអាចត្រេកអរ ទោះជាលោកបំបាក់ឆ្អឹងខ្ញុំក៏ដោយ។+
៩ សូមអភ័យទោសចំពោះអំពើខុសឆ្គងរបស់ខ្ញុំ*+ហើយលុបចោលកំហុសទាំងអស់ដែលខ្ញុំបានធ្វើ។+
១០ ឱព្រះអើយ សូមលោកជួយខ្ញុំឲ្យមានចិត្តបរិសុទ្ធ+ហើយឲ្យខ្ញុំមានចិត្តគំនិតថ្មី+ដែលមិនប្រែប្រួលរហូតតទៅ។
១១ សូមកុំបណ្ដេញខ្ញុំចេញពីមុខលោកហើយសូមកុំដកឫទ្ធានុភាពបរិសុទ្ធរបស់លោកចេញពីខ្ញុំឡើយ។
១២ សូមឲ្យខ្ញុំមានអំណរឡើងវិញ ដែលមកពីការសង្គ្រោះរបស់លោក+សូមធ្វើឲ្យខ្ញុំមានចិត្តចង់ស្ដាប់បង្គាប់លោក។
១៣ ខ្ញុំនឹងបង្រៀនផ្លូវរបស់លោកដល់មនុស្សដែលប្រព្រឹត្តអំពើខុសឆ្គង+ដើម្បីឲ្យពួកគេត្រឡប់មកឯលោកវិញ។
១៤ ឱព្រះដែលសង្គ្រោះខ្ញុំអើយ+ សូមជួយខ្ញុំឲ្យរួចពីទោសសម្លាប់មនុស្ស+ដើម្បីឲ្យអណ្ដាតខ្ញុំអាចប្រកាសសេចក្ដីសុចរិតរបស់លោកដោយចិត្តត្រេកអរ។+
១៥ ឱព្រះយេហូវ៉ា សូមលោកបើកមាត់ខ្ញុំដើម្បីខ្ញុំអាចសរសើរតម្កើងលោក។+
១៦ ព្រោះលោកមិនចង់បានគ្រឿងបូជាទេ បើលោកចង់បានខ្ញុំច្បាស់ជាជូនលោកមិនខាន+ទោះជាជូនគ្រឿងបូជាដុតទាំងមូលក៏ដោយ ក៏មិនធ្វើឲ្យលោកពេញចិត្តដែរ។+
១៧ គ្រឿងបូជាដែលព្រះពេញចិត្ត គឺចិត្តសោកស្ដាយឱព្រះអើយ លោកមិនស្អប់ខ្ពើមចិត្តខ្ទេចខ្ទាំនិងចិត្តទន់ទាបឡើយ។+
១៨ សូមលោកធ្វើល្អចំពោះស៊ីយ៉ូនសូមលោកសង់កំពែងក្រុងយេរូសាឡិម*ឡើងវិញ។
១៩ រួចមក លោកនឹងពេញចិត្តគ្រឿងបូជារបស់មនុស្សសុចរិតគឺគ្រឿងបូជាដុតនិងគ្រឿងបូជាទាំងមូល។
ដូច្នេះ នឹងមានការជូនគោឈ្មោលនៅទីបូជារបស់លោក។+
កំណត់សម្គាល់
^ ន័យត្រង់«ចំពោះលោកតែមួយគត់»
^ មើលនិយមន័យពាក្យ«ហ៊ីសុប»
^ ន័យត្រង់«សូមបែរមុខចេញពីអំពើរំលងរបស់ខ្ញុំ»
^ សព្វថ្ងៃនេះហៅថាហ៊្សេរុយសាឡិម
