ចម្រៀងលេខ៣២
ចូរមកខាងព្រះយេហូវ៉ា!
-
១. មុនយើងធ្លាប់មានក្ដីសុញសាញក្នុងចិន្ដា
ដោយសារក្ដីបង្រៀនមិនពិតខាងសាសនា
តែចិត្តយើងបានត្រេកអរឥតឧបមា
ពេលដែលឮពីរាជ្យនៃព្រះ។
(បន្ទរ)
មកខាងព្រះយេហូវ៉ាហើយរីករាយចិន្ដា
លោកតែងតែការពារយើងរហូតមួយជីវ៉ា
ផ្សព្វផ្សាយឲ្យឮសារពីអនាគតសុខសាន្ត
រាជ្យព្រះក្រោមលោកយេស៊ូនឹងគ្មានអវសាន។
-
២. យើងព្រមចិត្តគ្នានៅខាងព្រះយេហូវ៉ា
ផ្សព្វផ្សាយអំពីរាជ្យលោកនៅគ្រប់ទិសា
ឥឡូវយើងគ្រប់ប្រាណត្រូវសម្រេចចិន្ដា
គឺពេលឲ្យយើងមកខាងព្រះ។
(បន្ទរ)
មកខាងព្រះយេហូវ៉ាហើយរីករាយចិន្ដា
លោកតែងតែការពារយើងរហូតមួយជីវ៉ា
ផ្សព្វផ្សាយឲ្យឮសារពីអនាគតសុខសាន្ត
រាជ្យព្រះក្រោមលោកយេស៊ូនឹងគ្មានអវសាន។
-
៣. យើងនឹងមិនខ្លបខ្លាចអំណាចនៃសាថាន
ព្រះយេហូវ៉ានឹងផ្ដល់កម្លាំងចិត្តប្រាណ
ទោះបីយើងតិចបើប្រៀបនឹងអ្នកប្រឆាំង
ព្រះជាកម្លាំងរបស់យើង។
(បន្ទរ)
មកខាងព្រះយេហូវ៉ាហើយរីករាយចិន្ដា
លោកតែងតែការពារយើងរហូតមួយជីវ៉ា
ផ្សព្វផ្សាយឲ្យឮសារពីអនាគតសុខសាន្ត
រាជ្យព្រះក្រោមលោកយេស៊ូនឹងគ្មានអវសាន៕
(សូមពិនិត្យបន្ថែម ចសព. ៩៤:១៤; សុភ. ៣:៥, ៦; ហេ. ១៣:៥)
