ចំណុចហាត់រៀនទី៦
ការពន្យល់បទគម្ពីរយ៉ាងច្បាស់លាស់
យ៉ូហាន ១០:៣៣-៣៦
សេចក្ដីសង្ខេប: ក្រោយអានបទគម្ពីរមួយ កុំនិយាយអំពីចំណុចផ្សេងទៀតភ្លាមៗ។ អ្នកត្រូវប្រាកដថាអ្នកស្ដាប់យល់ច្បាស់ថាបទគម្ពីរដែលអ្នកអានជាប់ទាក់ទងយ៉ាងណានឹងចំណុចដែលអ្នកលើកឡើងនោះ។
របៀបអនុវត្ត:
-
ធ្វើឲ្យអ្នកស្ដាប់កត់សម្គាល់ពាក្យគន្លឹះ។ ក្រោយពីអ្នកអានបទគម្ពីរ សូមបញ្ជាក់ពាក្យដែលទាក់ទងនឹងចំណុចសំខាន់របស់អ្នក។ អ្នកអាចធ្វើដូច្នេះដោយនិយាយពាក្យនោះម្ដងទៀត ឬសួរសំណួរដែលនាំឲ្យអ្នកស្ដាប់កត់សម្គាល់ពាក្យគន្លឹះនោះ។
-
បញ្ជាក់ចំណុចដែលអ្នកស្ដាប់គួរចាំ។ បើអ្នកបានប្រាប់ច្បាស់លាស់អំពីមូលហេតុដែលអ្នកនឹងអានបទគម្ពីរ នោះក្រោយអានរួច សូមពន្យល់នូវរបៀបដែលពាក្យគន្លឹះក្នុងបទគម្ពីរគាំទ្រមូលហេតុនោះ។
-
ធ្វើឲ្យការពន្យល់របស់អ្នកស្រួលយល់។ កុំនិយាយអំពីព័ត៌មានល្អិតល្អន់ដែលមិនជួយពន្យល់ចំណុចសំខាន់របស់អ្នក។ ដោយផ្អែកទៅលើអ្វីដែលអ្នកស្ដាប់ដឹងរួចហើយអំពីរឿងនោះ សូមសម្រេចចិត្តថាអ្នកត្រូវប្រាប់ព័ត៌មានអ្វីខ្លះដែលចាំបាច់ដើម្បីធ្វើឲ្យអ្នកស្ដាប់យល់ច្បាស់នូវចំណុចសំខាន់។
