Athu Avulu mu Ngongo Amudibhana ni Uhaxi wa Kikote ku Muxima
“Mu ithangana yoso ngitandanganya bhofele, né mwene kyoso kingikala ubheka wami.”
“Kyoso kingamudivwa kyambote, ngikala ni wôma mukonda o ima ku mwenyu wami yene mubhita kiki: se ngasanguluka kyavulu, mu kakithangana ni mbandu ngiluwala we kyavulu.”
Ngisota kudikwatenena mu ibhidi ya kizuwa kimoxi, maji sayi bhabha ibhidi yavulu imoneka mu kithangana kimoxi.”
O izwelu yiyi ya athu amudibhana ni uhaxi wa kikote ku muxima. O kwila eye, ndandu yé mba kamba dyé wamudibhana ni maka enyá?
Se kyene, ijiya kwila k’eye ngó. Lelu’idi athu avulu amudibhana ni uhaxi yú, mba ku miji yâ sayi muthu wala ni uhaxi yú.
Kuma twala ‘mu izuwa isukidilaku, o ithangana yabhonzo kudibhana nayu,’ kiki kyene mubhekela hadi yavulu ku athu. (2 Timote 3:1) O akwa kutokwesa ambe kwila mu ngongo mwala athu avulu ala ni uhaxi u abhangesa kufula o kilu ni kutandanganya kyavulu. Mukonda dya COVID-19, ku muvu wa 2020 nzungule dya athu akwata o uhaxi wa kuvula o hele ni wa kikote ku muxima, o ku muvu wa 2019 ndenge.
Twabhingi mwene kwijiya se athu akuxi amukwata o mauhaxi yá, maji kyabetakota o kwijiya kyebhi ene ni akwâ kyatena kudibhana nawu.
O Muthu Wala ni Kilunji Kyadisanze Ukala Kyebhi?
O muthu kala ni kikote ku muxima mba mauhaxi a mukwá a kilunji, udivwa kyambote mu mukutu, ubhanga o ikalakalu yamutokala ni kisangusangu kyoso. Udibhana kyambote ni hele ya kizuwa ni kizuwa, usanguluka we ku mwenyu.
O muthu wala ni uhaxi wa kikote ku muxima . . .
-
KI KIKUMA kyê mwene.
-
WAKATE, mukonda dya kiki katena kubanza mu ukexilu wambote, utandanganya kyavulu.
-
Utena kumubhonza kukala ni makamba ni kudibhana ni ibhidi ya kizuwa ni kizuwa.
-
Utena kukala munzangala mba mwadyakime, mundele mba mumbundu, ngadyama mba mvwama, mba muthu watokala mu ngeleja yosoyoso.
Kikwatekesu phala o athu ala ni uhaxi wa kikote ku muxima
Se eye mba muthu ku mwiji wé mba kamba dyé mukonda dya uhaxi yú o ukexilu wa mwenyu wé walunguluka, kiwamutena kuzeka, kiwala ni vondadi ya kudya, waluwala kyavulu mba wala ni hele yavulu, nange wabhingi kuya ku asaki phala kwijiya se mukonda dyahi wamukata phala ene abatule o maka mé. Maji kwebhi kututena kusanga o kikwatekesu?
Jezú Kidistu, o muthu mu ixi wabetakota mu kukala ni unjimu, wambe: “O athu adisanze ka bhindamena musaki, maji yó akate.” (Matesu 9:12) Mu kiki o athu yó akate atena kusanguluka ku mwenyu ni kusosolola o jindolo jâ sé a asaka mu ukexilu wambote ni kutambula o inwinu yatokala. Ene alondekesa unjimu mu kukamba kulaleka mu kusota o asaki kyoso kyamateka kudivwa kyayibha mba se amona kwila o jindolo jâ jamulaleka mu izuwa yavulu. a
Sumbala o Bibidya ki divulu dya usakelu, maji o ima yalamu itena kukwatekesa o muthu kudibhana ni uhaxi wa kikote ku muxima. O milongi yakayelaku yandalondekesa kyebhi o Bibidya itena kukwatekesa o muthu kudibhana ni uhaxi yú.
a O Mulangidi ki utanga se usakelu webhi watokala kutambula o muthu. Ande dya kusola o usakelu wandatambula, kala muthu mwéne watokala kuxinganeka kyambote ni kusola ni unjimu.
Eye Nange Wandawabhela we o Maka Yá
IBHWIDISU YA BIBIDYA YO TAMBWIJILE
O Kuila o Bibidia i Tena ku Ngi Kuatekesa se Nga Toloka o Muxima?
Kuene ima itatu i tu bhana Nzambi phala ku kuatekesa uoso ua toloka o muxima.
ESSENTIAL BIBLE TEACHINGS
Mukonda dyahi Nzambi wehela o hadi?
Athu avulu ene mu kwibhudisa se mukonda dyahi ngongo yezala ni ungama ni hadi. O Bibidya i bhana itambwijilu ya tokala i kwatekesa.
KALA KUMESU AZELE!
Minzangala yavulu amukala ni kikote ku muxima—Ihi Izwela o Bibidya?
Mu Bibidya mwala itendelesu itena ku o minzangala ni uhaxi wa kilunji.
IA LUNGU N’ETU
Bhinga Phala Kukukunda
Kuzwela yalungu ni kibhwidisu kya Bibidya mba kudilonga yalungu ni Jimbangi ja Jihova.
