Jithembu Jambote Ji Tua Kingila!

“Bhu bhita ngó kathangana, mukua phulu-ó ubhua athu ku mesu . . . Oso-phe alenduka, ene a lundula o ixi; A kala ku ngalasa ni kutululuka kuavulu.” —JISÁLAMU 37:10, 11.

O KUILA ua mesena ku mona o ki kumbidilu kia kikanenu kiki? Sé phata, ua mesena. Saí ima iavulu i tu bhangesa ku xikina kuila o kikanenu kiki, kia-nda dikumbidila muene.

Mu milongi i tua di longo kiá, tua zuela ia lungu ni ikanenu ia Bibidia ilondekesa kuila tuala muene mu “izuua isukidila-ku.” (2 Timote 3:1-5) Nzambi ua tumina o asoneki a Bibidia ku soneka o izulukutu íii, phala ku tu bhana kidielelu. (Loma 15:4) O ki kumbidilu kia ikanenu íii, kilombolola kuila kua kambe ngó bhofele, o jiphaxi ji tuene mu bhita naju, ja-nda bhua kiá.

Ihi ia-nda bhita kioso kia-nda bhua o izuua isukidila-ku? O Utuminu ua Nzambi, ua-nda tumina o ngongo ioso. (Matesu 6:9) Di longe o ima ia tange o Bibidia kuila ki ia-nda kala dingi mu ixi:

● O nzala ia-nda bhua. “Mu ngongo mu kale nzungule ia masa katé ni ku thandu dia milundu.”—Jisálamu 72:16.

● O mabhebhu a-nda bhua. “Ki bhua kà kala mukua-bhata . . . uila: ‘Nga kata.’”—Izaia 33:24.

● O ixi ia-nda kituka ia ubhe. “Ni kikangalakata ni ididi ia kukuta ia kà sangulukila kienhiki; dinhana dia kà tana, anga ditulula kala diloza.”—Izaia 35:1.

O ikanenu íii, ia Bibidia i tu bhana kidielelu, iene ia-nda dikumbidila ku hádia. Mukonda diahi ku bhingi ku Jimbangi ja Jihova, phala ku kulondekesa se mukonda diahi ene a dielela kuila o jithembu jambote ja kingila, ji jiza muene?