Ibhuidisu ia Bibidia io Tambuijile
O kuila o Bibidia, Mak’â Nzambi muene?
Nange ua banze kiá kuila se-ku divulu dia tundu o Bibidia, o Mak’â Nzambi. Mazunda a ji Bibidia a ji bhange kiá mu hama ja madimi. O Bibidia iala ni kutena kua ku lungulula o ilunji ia athu phala o mbote iâ.—Tanga 1 Tesalonika 2:13; 2 Timote 3:16.
Tuejiia muene kuila o Bibidia ia tokala kua Nzambi, mukonda i tanga o ima ia-nda bhita ku pholo. Se-ku muthu u tena ku bhanga kiki mu nguzu iê. Mu kifika, xinganeka o phangu mu divulu dia Izaia. Mbandu imoxi ia divulu didi a i soneka hama ia mivu ande dia ku vuala Jezú, a i sange ku dibanda bhua zukamene ku Mar Morto. Ia tangele kuila o mbanza ia Babilonha ieji kala kiphulungunzu kia hatu. Athu avulu eji kuijiia o kidi kioso Jezú kieji zubha o ukunji uê mu ixi.—Tanga Izaia 13:19, 20; 2 Phetele 1:20, 21.
Kiebhi kia soneka o Bibidia?
O Bibidia a i soneka mu ithangana ia 1.600 ja mivu. Nange kua kexile 40 a asoneki a Bibidia, ene ka di tatesa mu ku soneka. Kiebhi ene kia tena ku bhanga kiki? Nzambi muéne ua kuatekesa o asoneki’ê.—Tanga 2 Samuuele 23:2.
Saí ithangana Nzambi ua kexile mu zuela ni asoneki a Bibidia bhu kaxi ka ji-anju, ka isuma, mba ka jinzoji. Nzambi muéne ua kexile mu tula o ibanzelu iê mu ilunji ia asoneki phala ene a tene ku soneka ni kuzuela kiambote o Mak’â Nzambi.—Tanga Dijingunuinu 1:1; 21:3-5.
Eye Nange Wandawabhela we o Maka Yá
ESSENTIAL BIBLE TEACHINGS
O Bibidya ya Tokala Kwa Nanyi?
Se o athu ene a soneka o Bibidya, o kwila tu tena kuzwela kwila o Bibidya Maka a Nzambi? O ixinganeku i tu sanga mu Bibidya ya tundu kwebhi?
