Хwәде бәдәна мә öса чекьр, кö әw дькарә хwәха хwә qәнщ кә. Мәсәлә, чахе бәдәна мә бьриндар дьбә йан жи дьһʹәрʹьшә, «wи чахи бәдәнеда протсесәкә öса дьчә, кö бьрин qәнщ дьбә». (Johns Hopkins Mеdicinе) Бәле, бәдәна мә дәрберʹа дәстпедькә бьхәбьтә, wәки хунчуйине бьдә сәкьнандьне, у бьрина qәнщ кә.

ШЕWЬР КЬН: Һәрге Әʹфьрандар бәдәна мә öса чекьрийә кö әw бьринед мә qәнщ дькә, демәк әм дькарьн баwәр бьн кö Хwәде wе ль гора созед хwә әʹсәйи али мә бькә, wәки әм бьринед хwәйә емосиали qәнщ кьн. Зәбурбеж дәрһәqа Хwәде ньвиси: «Дьлшкәстийа qәнщ дькә у бьринед wан дьпʹечʹә» (Зәбур 147:3). Ле һәрге тö дьчәрчьри жь бо тьштед кö бәре йан ньһа qәwьминә, диса жи дькари баwәр би, wәки Йаһоwа wе бьринед тәйә дьл, ча ньһа öса жи ль ахьрийе qәнщ кә.

Хwәде соз дьдә: «Тö нәтьрсә, жь бәр кö әз бь тәрʹа мә; ль дора хwә нәньһерʹә, жь бәр кö Хwәдайе тә әз ьм; әзе тә зәхм бькьм; бәле, әзе али тә бькьм; бәле, әзе бь дәсте рʹасте дадийа хwә жь тәрʹа бьбьм аликʹар!» (Ишайа 41:10). Мәрьве кö занә, wәки Йаһоwа дәрһәqа wи хәм дькә, әw дьле хwәда р′ьһʹәт ә у qәwата wи һәйә һ′әму чәтьнайа тәйах кә. Паwлосе шанди сәр р′ьһʹәтийа wи щурʹәйи гот: «Ә′дьлайийа Хwәде . . . жь һәр һ′ьш-аqьли дәрбазтьр ә». Әw зедә дькә: «Әз һәр тьшти бь сайа wи дькарьм, йе кö qәwате дьдә мьн» (Филипи 4:4-7, 9, 13).

Рʹезед жере, али мә дькьн кö әм баwәрийа хwә һьндава созед Йаһоwа qәwи кьн. Мәсәлә Әʹйанти 21:4, 5 (йа кö ль сәр рʹуп′ела дьн те дайине) әʹйан дькә кö Хwәде wе чь бькә, у чьма әм дькарьн ит′барийа хwә wи биньн:

• «Әwе жь ч′ә′вед wан һ′әму һесьред wан паqьж кә». Йаһоwа wе һ′әму тә′ли-тәнгийа бьдә һьлдане, һәла һәрге әw нә жи öса фәрз тенә к′ьфше.

• «Ль сәр т′әхт р′уньшти» рʹумәта әʹзманида Пʹадше Һьмзор у Әʹфьрандаре һ′әму тьшти, wе qәwат у һʹöкöмдарийа хwә бьдә к′ьфше, демәк кöл-дәрда бьдә һьлдане у али мә бькә.

• Йаһоwа избат дькә, кö созед wи «амьн у р′аст ьн». Әw те һʹәсабе кö әwе ль гора наве хwә у рʹастийа хwә әwан созед хwә бинә сери.

«‹Әwе жь ч′ә′вед wан һ′әму һесьред wан паqьж кә у иди мьрьне т′öнәбә, нә шин, нә гьри, нә еш-ешук, чьмки тьштед бәре дәрбаз бун. Һьнге әwи ль сәр т′әхт р′уньшти гот: «Ва әз һәр тьшти ну чедькьм». У мьнр′а гот: «Бьньвисә, чьмки әв хәбәрнә амьн у р′аст ьн›»(Әʹйанти 21:4, 5).

Гәрдуна мә öса жи К′ьтеба Пироз рʹьнд әʹйан дькьн һʹöнуред Баве мәйи әʹзмана кö әw йәки чаwа нә. Чахе әм дина хwә дьдьнә тʹәбйәте у әʹфьринед дьн, әм һелан дьбьн бьбьнә достед Хwәде. Ле Кʹьтеба Пироз мә тʹәглиф дькә «Хwә ль Хwәде бьгьрьн, Хwәде жи wе хwә ль wә бьгьрә» (Аqуб 4:8). Кʹаред Шандийа 17:27 жи дьбежә: «Ле әw Хwәде жь мә һәр кәси нә дур ә жи».

Һәрге тö wәʹдә бьвини, сәва кö Хwәде һе рʹьнд нас бьки, öса те сәд сәләфи баwәр би кö Әw бона тә «хәм дькә» (1 Пәтрус 5:7). Гәло әме чь кʹаре бьстиньн, һәрге итʹбарийа хwә Йаһоwа биньн?

Wәрен әм шеwьр кьн мәсәла Тору жь Жапонйайе. Дийа wи кö Шәʹде Йаһоwа бу әw мәзьн дькьр, ле әw кʹәтьбу кʹома qачаха йане нава Мафийа Жапони йа йакудзайе. Әw дьбежә: «Әз баwәр бум кö әз бәр чʹәʹве Хwәде рʹәш бум, у чахе мәрьвед мьнә һʹьзкьри дьмьрьн мьн тʹьре, әw Хwәде öса мьн щәза дькә». Тору гьли дькә кö кʹома мәрийа тʹәви кʹижана кö әw бу у ньһерʹандьна wи, гәләк ль сәр wи һʹöкöм кьрьн, у әw бу йәки «берʹәм у бедьл». Әw öса жи зедә дькә: «Мьн дьхwәст щаһьлтийеда, йәки мьн зедәтьр бь нав у дәнг бькöшта, паше бьмьрама у öса наве хwә бьльнд кьра»

Ле чахе Тору тʹәви жьна хwә Һаннайе дәстпекьрьн Кʹьтеба Пироз һин бьн, әwи жийина хwә öса жи ньһерʹандьна хwә педа гöһаст. Һанна дьбежә: «Мьн дина хwә дьда мере хwә у бь чʹәʹве хwә дьдит, кö әw чаwа дьһатә гöһастьне». Ньһа Тору бь баwәрийе дьбежә: «Һәйә Хwәде кö бь рʹасти  бона һәркәси жь мә хәм дькә. Әw мьрьна тʹö кәси нахwазә, у әw һазьр ә бьбахшинә wан, йед кö бь рʹасти шашийед хwә тʹобә дькьн. Әw гöһ дьдә заринийа мәйә жь дьл, чахе әм нькарьн хенщи wи тʹö кәсирʹа бежьн, чьмки тʹәне әw мә фәʹм дькә. Ль ахьрийе, Йаһоwа wе һʹәму чәтьнайа, тәʹли-тәнгийа у кöл-дәрда бьдә һьлдане. Һәла һе ньһа жи әw али мә дькә. Әw бона мә хәм дькә, мә һʹьз дькә у али мә дькә гава әм бәләнгазийеда ньн» (Зәбур 136:23).

Чаwа жь сәрһатийа Тору те кʹьфше, чахе әм заньн кö Хwәде дькарә һʹәму кöл-дәрда зутьрәке бьдә һьлдане у һесьра жи паqьж кә, әв йәк нә кö тʹәне һевийа ахьрийе мәрʹа дьдә, ле öса жи али мә дькә ида ньһа бь жийинәкә баш бьжин. Бәле, һәла һе ве дьнйайеда жи, йа кö бь дәрд-кöла тʹьжә йә, әм дькарьн кʹарәкә мәзьн бьстиньн жь аликʹарийа Хwәдейә бь һʹьзкьрьн.