Бь милйона мәрьва принсипед ве журналеда данә хәбате у карьбунә ньһерʹандьна хԝә бьгӧһезьн у нәфрʹәтийе жь дьле хԝә кʹокева дәрхьн. Һәмьки әм нькарьн пе ԛәԝата хԝә нәфрʹәтийе бь тʹәмами жь дьле хԝә дәрхьн. Гәло әв те һʹәсабе кӧ чʹарә тʹӧнә?

Жь ԛәԝата сәрԝертийа мәрьва дәр ә, кӧ бь тʹәмами нәфрʹәтийе жь дьле мәрийа дәрхьн. Ле гәло әв те һʹәсабе, ԝәки сәрԝертийа ӧса тʹӧнә, кӧ бькарьбә чʹарәке бькә?

Сәва кӧ сәрԝерти бькарьбә нәфрʹәтийе бьдә һьлдане, әԝ гәрәке

1. 1. Мәрийа һелан кә, ԝәки бьхԝазьн фькьр у һәстед хԝә һьндава мәрьвед дьн бьгӧһезьн.

2. 2. Бьринед дьла ԛәнщ кә, жь бо чь жи нәфрʹәти пешда те.

3. 3. Мәрьвед ӧса бькә сәрԝер, йед кӧ хԝәха фьрԛийе накьнә ортʹа мәрьва у һәр бьнәлики ԛимәт дькьн.

4. 4. Йәктийе бькә нав һʹәму мьләта.

Кʹьтеба Пироз дьбежә, ԝәки Хԝәде сәрԝертийа ӧса ида саз кьрийә. У әв һәйә «Пʹадшатийа Хԝәде» (Луԛа 4:43).

Дина хԝә бьдьне, ԝәки әв сәрԝерти ԝе чь бькә.

«Йед кӧ ль дьне рʹудьньн фери [һини]  рʹастийе дьбьн» (ИШАЙА 26:9).

«У ԝе кʹаре рʹастийе бьбә сәламәт у ԝе бәра рʹастийе һʹьшбуна абадин у әʹԝләбун бә» (ИШАЙА 32:17).

Әв гьли чь тенә һʹәсабе? Пʹадшатийа Хԝәде ԝе мәрийа һин кә, кӧ бьзаньбьн чь рʹаст ә у чь нәрʹаст ә. Чахе мәрьв бькарьбьн ԛәнщийе жь хьрабийе, у рʹастийе жь нәһәԛийе һәв дәрхьн, ньһерʹандьна ԝан жи һьндава һәвда ԝе бе гӧһастьне. Һәр кәс ԝе фәʹм бькә, ԝәки ԛәнщи у рʹасти әԝ ә, кӧ һʹәму щурʹә мәрьва һʹьз бькьн.

Хԝәде ԝе «жь чʹәʹвед ԝан һʹәму һесьред ԝан паԛьж кә у иди мьрьне тʹӧнәбә, нә шин, нә гьри, нә еш-ешук, чьмки тьштед бәре дәрбаз бун» (ӘʹЙАНТИ 21:4).

Әв гьли чь тенә һʹәсабе? Пʹадшатийа Хԝәде ԝе һʹәму еш у дәрда бьдә һьлдане, кʹижан кӧ жь бо нәһәԛийе пешда тен. Әԝед кӧ зьраре кʹәтьнә жь бо нәфрʹәткьрьне, ԝе ида жь бо еша дьл нәчәрчьрьн.

«Әԝ ԝе тʹәне ль гора дитьна чʹәʹвед хԝә диԝане нәкә, у тʹәне ль гора бьһистьна гӧһед хԝә ширәт нәкә. Әԝ ԝе бь һәԛийе диԝана бәләнгаза бькә, у пе рʹастийе ширәт кә бона кʹара мьлукед сәр әʹрде» (ИШАЙА 11:3, 4, ДТʹ).

Әв гьли чь тенә һʹәсабе? Иса Мәсиһ, Пʹадше Пʹадшатийа Хԝәдейә әʹзмана, ԝе рʹаст у бь һәԛийе сәр әʹрдерʹа сәрԝертийе бькә. Иса ԝе мьләтәки сәр мьләтәки дьнрʹа нагьрә, у тʹәмамийа инсанәте ԝе ль гора ԛанунед ԝийи рʹаст бьжин.

Пʹадшатийа Хԝәде мәрийа һин дькә, ԝәки һʹьзкьрьн нав ԝанда һәбә «у сәр нет у фькьрәке бьн» (ФИЛИПИ 2:2).

Әв гьли чь тенә һʹәсабе? Бьнәлийед Пʹадшатийа Хԝәде ԝе бь рʹасти жи йәктийеда бьн. Әв йәкти ԝе нав ԝанда ӧнда нәбә, чьмки ԝе бь тʹәмамийа дьле хԝә һәв һʹьз бькьн.