ПРИНСИПА КʹЬТЕБА ПИРОЗ: «Бәдәна т′ӧ кәси бәр ч′ә′ве ԝи нә р′әш ә, ле ԝе т′ер дькә у хԝәй дькә» (Әфәси 5:29).

ӘВ ЧЬ ТЕ ҺʹӘСАБЕ: Әв принсипа Кʹьтеба Пироз мә һелан дькә бона сьһʹәт-ԛәԝата хԝә хәм бькьн. Ль гора леколинәке һатә кʹьфше, ԝәки гәләк проблемед сьһʹәт-ԛәԝатева гьредайи пешда тен жь бо ве йәке, кӧ мәрьв бь жийинәкә нәрʹаст дьжин. Һәрге әм бьжартьнед рʹаст бькьн, сьһʹәт-ԛәԝата мә жи ԝе һе баш бә.

ЧЬ ГӘРӘКЕ БЬКИ:

• Хԝарьна Керһати Бьхԝә. Хԝарьна баш бьжберә у епʹещә аве вәхԝә.

• Спортева Мьжул бә. Фьрԛи тʹӧнә тӧ чәнд сали йи, спорт дькарә тәрʹа кʹаре бинә, һәла һьнге жи һәрге тӧ сәԛәт и йан бь нәхԝәшийа кʹроники нәхԝәш и. Һәмьки һәвалед тә у дохдьр дькарьн аликʹарийа керһати бьдьнә тә, ле дәԝса тә әве йәке тʹӧ кәс ԝе нәкә.

• Хәва Хԝә Бьстинә. Мәрьвед кӧ хәва хԝә настиньн, ԝәʹдә шунда нәхԝәш дькʹәвьн. Дәԝса кӧ рʹазен у һеса бьн, әԝана сафи дькьн тьштед дьнва мьжул бьн. Демәк һәрге һун хәԝа хԝә бьстиньн, һуне һе баш хԝә тʹәхмин кьн.

ПРИНСИПА КʹЬТЕБА ПИРОЗ: «Әм хԝә жь һ′әму к′ьретийа ԛальб у р′ӧһ′е хԝә паԛьж кьн» (2 Корьнтʹи 7:1).

ӘВ ЧЬ ТЕ ҺʹӘСАБЕ: Әме һе сьһʹәт-ԛәԝат бьн һәрге тʹәрка хәйсәтед хьраб бьдьн. Мәсәлә хәбьтандьна һʹәму тьштед кӧ тʹьтʹунева гьредайи  нә, чь кӧ дькарьн бьбьнә мәʹнийа нәхԝәшийе у мьрьне.

ЧЬ ГӘРӘКЕ БЬКИ: Салнәмеда хԝәрʹа кʹьфш кә, кӧ чь чах ту дьхԝази тʹәрка хәйсәтед хԝәйә хьраб бьди. Ле һʹәта ве рʹоже һʹәму тьштед кӧ ве йәкева гьредайи нә, бавежә. Әв дькарә бьбә щьхарә, һʹащәте кӧ щьхарә пе ведьхьн у кодька кʹозийе. Хԝә дур бьгьрә жь ԝан щийа, кʹидәре кӧ щьхаре дькʹьшиньн. Ӧса жи дәрһәԛа сафикьрьна хԝә бежә һәвалед хԝә, кʹижан кӧ ԝе пьштгьрийа тә бькьн.

ԚӘЙДЕД БЕХОФИЙЕ ХԜӘЙ КӘ.

«Гава тӧ мала ну чеки, сәр бани дора ԝе сурәкә ньмьз чекә, ԝәки тӧ хуне нәйни ль сәр мала хԝә, гава йәк жь сәр бан бьк′әвә» (ԚАНУНА ДӦЩАРИ 22:8).

ҺЕРСА ХԜӘ ЗӘФТ КӘ.

«Мәрьве хԝәйисәбьр, йәки гәләки билан ә, ле йе зу ԛӧлоз дьбә, беһшийа хԝә дьдә кʹьфше» (МӘТʹӘЛОК 14:29).

ЧАПА ХԜАРЬНА ХԜӘ БЬЗАНЬБӘ.

«Нәчә . . . нава пʹьрʹхӧред гошт» (МӘТʹӘЛОК 23:20).