Һʹьзкьрьн һьндава Хԝәде у мәрьва, Шәʹдед Йаһоԝа һелан дькә бь дьл у щан мьзгина хере бьгьһиньнә мәрьва у һәла һе ԝан мәрьва жи, кʹе кӧ пешда гӧһ нәдьданә ԝан (Мәтта 22:37-39). Һʹьзкьрьна һьндава Хԝәде мә һелан дькә гӧрʹа тʹәмийа Кӧрʹе ԝи бькьн, демәк һʹимгьрти «шәʹдәтийе бьдьн» (Кʹаред Шандийа 10:42; 1 Йуһʹәнна 5:3). Ләма әм жи мина пʹехәмбәре Хԝәде йед бәре, нә тʹәне щарәке мьзгина Хԝәде дьгьһинә мәрьва (Йерәмйа 25:4). Һʹьзкьрьна һьндава мәрьва мә һелан дькә кӧ «Мьзгинийа Пʹадшатийе» кʹижан кӧ дькарә ԝана хьлаз кә, бьгьһинә ԝан, у ӧса жи ԝан мәрьва кʹижанарʹа бәре әв мьзгини һʹәԝас нибу (Мәтта 24:14).

 Гәләк щар ӧса дьбә кӧ гава әм диса щарәке дьчьн ве мале кʹидәре кӧ бәре гӧһ нәданә мә, әм рʹасти мәрьве ӧса тен йед кӧ дьхԝазьн мьзгине бьбьһен. Гәло чьрʹа?

•   Мәрьв щигӧһәсти дьбьн.

•   Кәсед дьн жь ве мале мьзгине ԛәбул дькьн.

•   Мәрьв тенә гӧһастьне. Ԛәԝьмандьнед дьнйайе һьнәка һелан дькьн, ԝәки «һʹәԝщәтийа хԝәйә рʹӧһʹани» фәʹм бькьн у баԝәрийа хԝә Кʹьтеба Пироз биньн (Мәтта 5:3). Һәла һе ньһерʹандьна мәрьвед ӧса жи дькарә бе гӧһастьне йед кӧ мьԛабьли мә дәртен. Мәсәлә, ӧса һатә сәре Паԝлосе шанди (1 Тимотʹейо 1:13).

 Әм бь зоре ве мьзгине сәр кәсәкива накьн (1 Пәтрус 3:15). Әм һʹәсаб дькьн ԝәки һәр кәс хԝәха сафи дькә, кӧ чь баԝәр бькә (Ԛануна Дӧщари 30:19, 20).