Мәрьве дәԝләти у Лазар әв мәрьвед жь сәрһатийа Иса бун (Луԛа 16:19-31). Ве сәрһатийеда әв дӧ мәрьв тенә һʹәсабе дӧ кʹомед мәрьва. Йа пешьн сәрԝеред религийайе бабах йед Щьһуйа, кӧ ԝәʹде Исада дьжитьн. У йа дӧда, мәрьве мьлук у дьлтʹәмьз, йед кӧ гӧһ дьданә әʹламәтийа Иса.

Ве готареда

•  Иса дәрһәԛа мәрьве дәԝләти у Лазар чь гот?

•  Гәло әв сәрһати реали йә?

•  Гәло әв сәрһати дәрһәԛа агьре щәʹньме һин дькә?

•  Сәрһатийа дәрһәԛа мәрьве дәԝләти у Лазар чь те һʹәсабе?

 Луԛа сәре 16-да те гьликьрьне дәрһәԛа дӧ мәрийа, дәрәща кʹижана гәләк һатә гӧһастьне.

 Сәрһатийа Иса ӧса нә: Жийина мәрьве дәԝләти пʹьрʹ хԝәш у бе хәм бу. Мәрьвәки фәԛир бь наве Лазар, бәр дәре йе дәԝләти кʹәтибу. У чʹәʹве ԝи бәрмайе сьфрʹа дәԝләтида дьма, кӧ дьхԝәст кӧрме хԝә пе бьшкенанда. Ԝәʹдә шунда Лазар мьр у мәләка әԝ бьрьнә щәм Бьраһим. Мәрьве дәԝләти жи мьр у һатә дәфьнкьрьне. Ве сәрһатийеда әв дӧ мер ча кәсед сах паши мьрьне тенә әʹйанкьрьне. Мәрьве дәԝләти дийаре мьрийада, пе агьре щәʹньме дьчәрчьри у жь Бьраһим хԝәст, ԝәки Лазар бьшинә, сәре тʹьлийа хԝә аведа кә, бинә заре ԝи шьл кә. Бьраһим хԝәстьна ԝи мере дәԝләти инкʹар кьр у гот, ԝәки һәр дӧ мер ньһа сәр хԝә тʹәхмин дькьн гӧһастьна дәрәщед хԝә.

 На. Иса әв сәрһати гьли кьр, сәва кӧ дәрсәк һин кә. Бь рʹасти леколинкʹар жи ԛәбул дькьн, ԝәки әв сәрһати чʹирок ә. Мәсәлә, бьнсәрийа Кʹьтеба Пирозә ԝәлгәрʹандьна Лутер йа сала 1912-да те готьне дәрһәԛа ве сәрһатийе, ча дәрһәԛа чʹироке. У Кʹьтеба Пирозә Оршәлиме, йа Католикида жи, спартьнеда те готьне, ԝәки әв «чʹирок бь щурʹе сәрһатийе те гьликьрьне, кʹидәре кӧ тʹӧ мәрьвәк реали нинә».

 Гәло сәрһатийа Иса избат дькә, ԝәки паши мьрьне жийин һәйә? Гәло әԝи дьхԝәст бьгота, ԝәки һьнә мәрьв паши мьрьне агьре щәʹньмеда дьчәрчьрьн у ԝәки Бьраһим у Лазар сәр әʹзмен бун? Һьнә избаткьрьн дьдьнә кʹьфше, ԝәки ӧса нинә.

 Мәсәлә:

•   Һәрге әв мәрьв бь рʹасти ль щийе кʹидәре кӧ агьре щәʹньме дьшьхӧли, буйа, гәло әв дьлопа аве сәр сәре тʹьлийа Лазар ԝе зьһа нәбуйа?

•   Һәрге дьлопе аве зьһа нәбуйа жи, гәло әв дьлоп дькарьбу һʹале мәрьве кӧ агьре щәʹньмеда дьчәрчьри, сьвьк кьра?

•   Ча Бьраһим дькарьбу сәр әʹзмен бьжита, һәрге ԝи чахи гава Иса әве сәрһатийе гьли дькьр, әԝи зәлал гот, ԝәки тʹӧ кʹәс сәр әʹзмен һьлнәкʹьшийа бу? (Йуһʹәнна 3:13)

 На. Рʹаст ә әв сәрһатийа реали нинә, ле диса жи һьнә мәрьв дьбежьн, ԝәки әԝ симбола ԝе йәке йә, кӧ мәрьвед баш паши мьрьне дьчьнә сәр әʹзмен, ле мәрьвед хьраб щәʹньмеда дьчәрчьрьн. a

 Гәло ньһерʹандьна ви щурʹәйи рʹаст ә? На.

 Һинкьрьна дәрһәԛа агьре щәʹньме, ль гора һинкьрьна Кʹьтеба Пироз дәрһәԛа һʹале мьрийа, нинә. Мәсәлә, әԝ набежә, ԝәки һʹәму мәрьвед баш, кʹижан кӧ дьмьрьн ләзәте дьвиньн сәр әʹзмен, йан жи ԝәки мәрьвед хьраб щәʹньмеда дьчәрчьрьн. Дәԝсе Кʹьтеба Пирозда зәлал те готьне: «Йед кӧ дьжин дьзаньн кӧ ԝе бьмьрьн, ле бәле мьри бь тьштәки ньзаньн» (Ԝаиз 9:5).

 Әв сәрһати дьдә кʹьфше, ԝәки һʹале дӧ кʹомед мәрьва зутьрәке бь тʹәмами гәрәке бьһата гӧһастьне.

 Ча те кʹьфше мәрьве дәԝләти дьһатә һʹәсабе сәрокед религийа Щьһуйа, кʹижан кӧ «пʹәрәһʹьз бун» (Луԛа 16:14). Ԝана һинкьрьнед Иса дьбьһист, ле мьԛабьли әʹламәтийа ԝи дәрдькʹәтьн. Әԝ сәрокед религийа, мәрьвед дьн ча кәси ньмьз һʹәсаб дькьрьн (Йуһʹәнна 7:49).

 Лазар дьһатә һʹәсабе әԝ мәрьв, йед кӧ әʹламәтийа Иса ԛәбул кьрьн у кʹижан кӧ жь алийе сәрԝеред религийа Щьһуйа дьһатьнә нәфрʹәткьрьне.

 Бона һәр дӧ кʹома дәрәщә бь тʹәмами һатә гӧһастьне.

•   Сәрԝеред религийа Щьһуйа дьфькьрин, ԝәки әԝана Хԝәде хԝәш тен, ле әԝана мьрьн демәк әв те һʹәсабе, ԝәки Хԝәде ԝана у щурʹе һʹәбандьна ԝан инкʹар кьр, чьмки ԝана әʹламәтийа Иса ԛәбул нәкьр. Әв әʹламәти кӧ Иса у шагьртед ԝи бәла дькьрьн, ԝана дьчәрчьранд (Мәтта 23:29, 30; Кʹаред Шандийа 5:29-33).

•   Мәрьвед кӧ жь алийе сәрԝеред религийайе дьһатнә нәфрʹәткьрьне, ида ԛәбулкьрьна Хԝәде сәр хԝә тʹәхмин дькьрьн. Гәләка жь ԝан әʹламәтийа у һинкьрьнед Иса кӧ сәр һʹиме Кʹьтеба Пироз бун, ԛәбул кьрьн у кʹаре жь ве йәке стандьн. Ньһа ԝанрʹа мәщал вәбу, ԝәки һʹәта-һʹәтайе ԛәбулкьрьна Хԝәдерʹа, кӧ әԝана сәр хԝә тʹәхмин дькьн, ша бьн (Йуһʹәнна 17:3).