ಇಲ್ಲ. ನಮ್ಮ ಸಂಘಟನೆ ನಿರ್ದಿಷ್ಟ ಚಲನಚಿತ್ರ, ಪುಸ್ತಕ ಅಥವಾ ಹಾಡುಗಳನ್ನು ತ್ಯಜಿಸಬೇಕೆಂದು ತನ್ನ ಸದಸ್ಯರ ಮೇಲೆ ಯಾವುದೇ ನಿರ್ಬಂಧ ಹೇರುವುದಿಲ್ಲ. ಏಕೆ?

  ಸರಿ ಮತ್ತು ತಪ್ಪಿನ ಭೇದವನ್ನು ವಿವೇಚಿಸಿ ತಿಳಿದುಕೊಳ್ಳಲು ತಮ್ಮ ತಮ್ಮ “ಗ್ರಹಣ ಶಕ್ತಿಗಳನ್ನು” ತರಬೇತುಗೊಳಿಸಿಕೊಳ್ಳಬೇಕೆಂದು ಬೈಬಲ್‌ ಪ್ರತಿಯೊಬ್ಬರನ್ನು ಉತ್ತೇಜಿಸುತ್ತದೆ.​—ಇಬ್ರಿಯ 5:14.

  ಮನೋರಂಜನೆಯನ್ನು ಆರಿಸಲು ಕ್ರೈಸ್ತನೊಬ್ಬನಿಗೆ ನೆರವಾಗುವ ಮೂಲತತ್ತ್ವಗಳನ್ನು ಶಾಸ್ತ್ರವಚನಗಳಲ್ಲಿ ಕೊಡಲಾಗಿದೆ. a ಜೀವನದ ಎಲ್ಲಾ ಕ್ಷೇತ್ರಗಳಲ್ಲಿ ನಮ್ಮ ಗುರಿ ಒಂದೇ. ಅದು: “ಕರ್ತನಿಗೆ ಯಾವುದು ಅಂಗೀಕಾರಾರ್ಹವಾಗಿದೆ ಎಂಬುದನ್ನು ಖಚಿತಪಡಿಸಿಕೊಳ್ಳುತ್ತಾ” ಇರುವುದೇ ಆಗಿದೆ.​—ಎಫೆಸ 5:10.

  ಕುಟುಂಬದ ತಲೆಗಳಿಗೆ ತಕ್ಕಮಟ್ಟಿಗಿನ ಅಧಿಕಾರ ಇದೆ ಎಂದು ಬೈಬಲ್‌ ಬೋಧಿಸುತ್ತದೆ. ಆದ್ದರಿಂದ ಯಾವ ರೀತಿಯ ಮನೋರಂಜನೆಯನ್ನು ನೋಡಬಾರದೆಂದು ಅವರು ತಮ್ಮ ಕುಟುಂಬ ಸದಸ್ಯರಿಗೆ ಹೇಳಬಹುದು. (1  ಕೊರಿಂಥ 11:3; ಎಫೆಸ 6:​1-4) ಆದರೆ ನಿರ್ದಿಷ್ಟ ಚಲನಚಿತ್ರ, ಹಾಡುಗಳು ಅಥವಾ ಕಲಾವಿದರಿಗೆ ಸಂಬಂಧಿಸಿದ ಮನೋರಂಜನೆ ಸಭೆಯ ಸದಸ್ಯರಿಗೆ ತಕ್ಕದ್ದಲ್ಲ ಎಂದು ಹೇಳುವ ಅಧಿಕಾರ ಬೇರೆ ಯಾರಿಗೂ ಇಲ್ಲ.​—ಗಲಾತ್ಯ 6:5.