Nuhnkuh ke mwe luhmahlah se inge: David el kahsruhsr ke sitosah soko nahtuhl ah ke acn ma el tiac etuh. Sain ma oan pe inkacnek uh kuh mwe akucl ke sie acn ahkkahlwemye nuh sel lah tiac pa ingacn acn na pwacye ma el enenuh in oasr we uh. David el akihlacnwack lah el tuhlac. Sahp, el tahfonglac kuhflah ke acn ma el tiac enenuh elan kuhflah nuh we an ke lusen kahsruhsr se lal ingacn.

Fin kom pa David, meac kom ac oruh?

Oasr sulaclah ekahsr ma kom ac enenuh in oruh:

1. Siyuck ke kahsruh.

2. Orekmakihn sie macp an, kuh sie GPS an.

3. Kahsruhsr na ac finsrakkihn muhkwena muh kom in konwacack inkacnek lom an.

Arlac kahlwem lah sulaclah se ahktolu ingacn pa tiac wo emeet an.

Sulaclah se ahkluo ingacn el wo kuhtuh liki ma se meet an. Ke sahflahiyac an, macp se kuh GPS se kom orekmakihn an ac kuh in oan yurum ke lusen kahsruhsr lom an in kahsre kom in kol inkacnek lom an.

Bible uh kuh in kahsre kom ke inkacnek se pacna ingacn!

Puk se ma kihtakatlah puhs uh kuh in

• kol kom nuhke ma upac ke moul

• kahsre kom in etuh ke ma keim sifacna ac eklac sie mwet wo

• ahkkahlwemye nuh sum lah fuhkah in moulkihn sie moul ma wo emeet

Ke pacl se kuht etwaclah in sramsram, kuht muhtwacwacack in siyuck kihsen siyuck pucspucs.

• Efuh kuh tuhn inkuhsrao uh folfol?

• Meac oraclah itu uh?

Tohkohyang, na kuht muhtwacwacack in kihsen siyuck ke ma sikyak fin facluh uh.

• Efuh kuh ma kuluk uh sikyak?

• Efuh kuh mwet uh misac?

Na fuhkah, fin top nuh kac uh oasr in Bible emeet me na?

Mwet pucspucs elos fahk muh, Bible uh nwacnwaclah ke sramsram mahtuh ac pihlenfong. Elos fahk pac muh tiac ma nuhke pacl lasr uh kuh upac nuh sin mwet uh in kahlwem kac. Tuhsruhktuh, yac pwacye ma elos fahk ke Bible uh, kuh pa na inge ma mwet uh nuhnkuh muh eltahl etuh kac uh?

Ke sie mwe puhpuhlyuck, mwet uh nuhnkuh muh Bible uh fahk muh God pa kol facluh. Tuhsruhktuh, fuhkah tuh in ohinge? Facluh nwacnwaclah ke ma kuluk! Nwacnwaclah ke ngal ac kweok, mas ac misac, kwacoh ac mwe ongaiyac. Fuhkah, tuh sie God luhn luhngse el kuh in oruh ma inge?

Yac kom luhngse in etuh top nuh kac uh? Kom ac lut ke ma Bible uh fahk kac uh!

Sahp, kom ac akihlen lah kahs in kahsruh ke puk srihsrihk se inge ma tuhkuh ke Bible. Mwet Loh luhn Jeova elos luhlahlfongi lah Bible uh pa sropon kahs in kolyuck na wowo. Ma ke srihpen “ma suhmuhslah nuhkewa ituckuh ke Nguhn luhn God, ac oasr srihpac in luti ma pwacye, in kai, in ahksuwohsye.” (Luo Timothy 3:16, 17) Kom ac eis ma wo kac kom fin tuni puk mahtuh se inge tuhsruhktuh, ac fal nuhke pacl lasr uh!