Emɔs 6:1-14
6 “Bad tin go apin to di wan dɛn na Zayɔn we fil se ɔltin fayn fɔ dɛn,To di wan dɛn we de fil sef na di mawntin na Sameria,To di impɔtant man dɛn na dɛn big neshɔn dɛn,To di wan dɛn we di pipul dɛn na Izrɛl de kam to!
2 Una krɔs go na Kalnɛ ɛn si.
Una kɔmɔt de ɛn go na Gret EmatƐn go dɔŋ na Gat usay di Filistin dɛn de.
Fɔ se dɛn bɛtɛ pas dɛn kiŋdɔm dɛn* ya?Ɔ fɔ se dɛn eria big pas una yon?
3 Fɔ se una de fɔgɛt di de we trɔbul de kamƐn mek pipul dɛn we lɛk fɛt-fɛt de rul?
4 Dɛn ledɔm na bed dɛn we dɛn mek wit ayvri ɛn prɛd na fayn chia dɛn,Ɛn dɛn de it di bɛst ship dɛn ɛn di fat yɔŋ kaw* dɛn.
5 Dɛn mek siŋ dɛn fɔ fit di sawnd we di ap* de mek,Ɛn jɔs lɛk Devid, dɛn mek instrumɛnt dɛn fɔ ple myuzik.
6 Dɛn de drink wayn we ful-ɔp di bol piŋƐn anɔynt dɛnsɛf wit di bɛst ɔyl dɛn.
Bɔt dɛn nɔ bisin bɔt* di trɔbul na Josɛf in famili.
7 So na dɛn fɔs dɛn go kapchɔ fɔ go wit dɛn na ɔda land,Ɛn fɔ di wan dɛn we prɛd na dɛn fayn chia, dɛn ɛnjɔymɛnt go dɔn.
8 Jiova we na di Gɔd we gɛt bɔku bɔku sojaman dɛn se: “Mi, Jiova, we na di Masta We De Rul Ɔlman dɔn swɛ to misɛf* se,‘“A rili et di tin we mek Jekɔp prawd,A et in strɔng tawa dɛn,Ɛn a go an ova di siti ɛn ɔltin we de insay de.
9 “‘“If tɛn man dɛn lɛf na wan os, dɛn bak go day.
10 Wan fambul* go kam pul dɛn na do ɛn bɔn dɛn wan bay wan. I go pul dɛn bon dɛn kɔmɔt insay di os, ɛn i go aks ɛnibɔdi we de insay di rum dɛn we de na di os se, ‘Ɛni ɔda pɔsin de wit yu?’ Dɔn di pɔsin go ansa se, ‘Nɔbɔdi!’ Dɔn i go tɛl am se, ‘Nɔ tɔk natin! Dis nɔto tɛm fɔ mek ɛnibɔdi tɔk bɔt Jiova in nem.’”
11 Na Jiova de gi di kɔmand,Ɛn i go brok brok di big os,Ɛn nyamanyama di smɔl os.
12 Fɔ se ɔs dɛn go ebul rɔn na say usay rɔk dɛn de,Ɔ pɔsin go yuz kaw fɔ dig dig de?
Una dɔn mek jɔstis tan lɛk plant we gɛt pɔyzin,Ɛn fɔ du wetin rayt tan lɛk bita plant.
13 Una de gladi pan sɔntin we nɔ gɛt yus,Ɛn una de tɔk se, “Nɔto wi yon trɛnk dɔn mek wi pawaful?”*
14 So a go briŋ wan neshɔn agens una, E di pipul dɛn na Izrɛl,Ɛn dɛn go sɔprɛs una frɔm Libo-Emat* te go dɔŋ di Vali* na Araba.’ Na dat Jiova, we na di Gɔd we gɛt bɔku bɔku sojaman dɛn se.”
Futnot Dɛn
^ I go bi se dɛn kiŋdɔm dɛn ya na Juda ɛn Izrɛl.
^ Ɔ “yɔŋ man kaw.”
^ Ɔ “myuzik instrumɛnt we gɛt string.”
^ Insay Ibru, “dɛn nɔ sik bikɔs ɔf.”
^ Ɔ “mi sol.”
^ Insay Ibru, “In papa in brɔda.”
^ Insay Ibru, “tek ɔn dɛn fɔ wisɛf.”
^ Ɔ “di say fɔ ɛnta Emat.”
^ Rid Baybul Wɔd dɛn Minin.
