Liv Yu Layf di We we Go Sho se Yu Gri wit di Awa Fada Prea—Pat 1
“Mek ɔlman ɔnɔ yu nem.”—MAT. 6:9.
1. Aw wi kin yuz di prea we de na Matyu 6:
BƆKU pipul dɛn sabi di Awa Fada prea ɔfɛd. We wi kin go prich frɔm os to os, wi kin tɔk bɔt dis prea fɔ ɛp di pipul dɛn we wi go prich to fɔ ɔndastand se Gɔd in Kiŋdɔm na rial gɔvmɛnt we go mek dis wɔl bi fayn fayn ples. Ɔ wi kin tɔk bɔt di fɔs tin we Jizɔs bin tɔk bɔt insay dis prea fɔ sho se Gɔd gɛt nem, ɛn i want lɛ ɔlman ɔnɔ da nem de, ɔ “tek am as sɔntin we oli.”—Mat. 6:
2. Aw wi no se Jizɔs nɔ bin want fɔ lɛ wi de ripit dis prea wɔd fɔ wɔd ɛnitɛm we wi de pre?
2 Fɔ se Jizɔs bin want lɛ wi de ripit di Awa Fada prea wɔd fɔ wɔd ɛnitɛm we wi de pre, jɔs lɛk aw bɔku Kristian dɛn de du? Nɔ, Jizɔs nɔ bin want dat. Jɔs bifo Jizɔs tich in disaypul dɛn aw fɔ pre, i tɔk se: “We una de pre, una nɔ se di sem tin ɔltɛm.” (Mat. 6:
3. Us kwɛstyɔn dɛn wi fɔ de tink bɔt as wi de tɔk bɔt di Awa Fada prea?
3 Insay dis atikul ɛn di ɔda wan, wi go tɔk bɔt di tin dɛn we de insay dis prea. As wi de du so, aks yusɛf dɛn kwɛstyɔn dɛn ya, ‘Aw dis Awa Fada prea go ɛp mi fɔ pre fayn fayn wan? A de liv mi layf di we we de sho se a gri wit dis prea?’
“WI PAPA WE DE NA ƐVIN”
4. We Jizɔs se “wi Papa,” wetin dis de tɛl wi? Aw Jiova bi “Papa” to Kristian dɛn we gɛt di op fɔ de na dis wɔl?
4 Insay di Awa Fada prea, Jizɔs bin se “wi Papa,” i nɔ se “mi Papa.” Dis de mɛmba wi se wi de wit “ɔl di brɔda dɛn na di wɔl” ɛn wi rili lɛk wisɛf. (1 Pit. 2:
5, 6. Us fayn gift we mama ɛn papa dɛn go gi to dɛn pikin dɛn? Wetin di pikin dɛn fɔ du wit dis gift? (Luk di pikchɔ nia dis atikul in taytul.)
5 Wan fayn gift we mama ɛn papa dɛn go gi dɛn pikin dɛn na we dɛn tich dɛn aw fɔ pre ɛn ɛp dɛn fɔ si Jiova as Papa we bisin bɔt wi. Wan brɔda we de sav as sakit ovasia na Sawt Afrika bin tɔk se: “Frɔm di de we wi bɔn wi gyal pikin dɛn, a kin pre wit dɛn ɛvri nɛt pas nɔmɔ if a nɔ de na os. Wi pikin dɛn kin se dɛn nɔ mɛmba di patikyula wɔd dɛn we a bin de yuz we a de pre. Bɔt dɛn mɛmba aw di ples kin tan lɛk we a kin de pre, wi kin siriɔs we wi de pre to wi Papa, Jiova, wi nɔ kin wɔri igen ɛn wi at kin kol we wi kin dɔn pre. As dɛn bigin pre fɔ dɛnsɛf so, a ɛnkɔrej dɛn fɔ pre lawd wan so dat a go yɛri we dɛn de tɛl Jiova bɔt aw dɛn de tink ɛn fil. Dis na bin fayn we fɔ no wetin de na dɛn at. Ɛn fɔ mek dɛn prea dɛn gɛt mɔ minin, a bin de ɛnkɔrej dɛn fɔ pre bɔt sɔm impɔtant tin dɛn we Jizɔs bin tich wi fɔ pre bɔt.”
6 Dis brɔda in gyal pikin dɛn kɔntinyu fɔ go bifo na di trut. Naw dɛn dɔn mared, ɛn dɛn gladi na dɛn mared-os. Dɛn ɛn dɛn man dɛn de yuz ɔl dɛn tɛm fɔ sav Gɔd. No gift nɔ de we mama ɛn papa dɛn go gi dɛn pikin dɛn we bɛtɛ pas fɔ ɛp dɛn fɔ gɛt tayt padi biznɛs wit Jiova. Bɔt i lɛf to di pikin dɛn fɔ kɔntinyu wit dis padi biznɛs. Dis min se dɛn gɛt fɔ lan aw fɔ lɛk Gɔd in nem ɛn sho se dɛn rili rɛspɛkt am.—Sam 5:
“MEK ƆLMAN ƆNƆ YU NEM”
7. Us big big ɔnɔ Gɔd in pipul dɛn gɛt? Wetin dis fɔ mek wi du?
7 Na big big ɔnɔ wi gɛt fɔ no Gɔd in nem, bɔt nɔto dat nɔmɔ, na big big ɔnɔ bak wi gɛt fɔ bi pipul dɛn we gɛt Gɔd “in nem.” (Akt 15:
8, 9. Gi wan ɛgzampul we de sho aw Jiova kin blɛs di wan dɛn we want fɔ ɔnɔ in nem.
8 Wi want fɔ ɔnɔ Gɔd in nem. Afta wan sista na Nɔwe in man day, na in ɛn in tu ia ol bɔy pikin nɔmɔ bin lɛf. I bin se: “Tin nɔ bin rili izi fɔ mi dɛn tɛm dɛn de. A bin de pre ɛvride, lɛk ɛvri awa so, fɔ lɛ Jiova ɛp mi lɛ mi at nɔ pwɛl tumɔs ɛn fɔ lɛ i ɛp mi mek a nɔ du sɔntin we nɔ mek sɛns ɔ we nɔ fayn na in yay we go mek Setan provok am. A bin want fɔ ɔnɔ Jiova in nem ɛn a bin want mi pikin fɔ si in papa bak we di wɔl go dɔn bi Paradays.”—Prɔv. 27:11.
9 Jiova bin ansa dis sista in prea? Yɛs, i ansa am. Dis sista bin de wit di brɔda ɛn sista dɛn ɔltɛm ɛn dɛn bin de ɛnkɔrej am ɛn sho se dɛn bisin bɔt am. Afta fayv ia, i bin gɛt fɔ mared to wan ɛlda. In pikin dɔn ol 20 ia naw ɛn i dɔn baptayz. Di sista se: “A rili gladi we mi man bin ɛp mi fɔ mɛn mi pikin.”
10. Wetin Gɔd go du so dat ɔlman go ɔnɔ in nem?
10 Wetin Gɔd go du so dat ɔlman go ɔnɔ in nem ɛn pul kɔmɔt ɔl di badnem we dɛn dɔn put pan am? Jiova go du sɔntin fɔ pul ɔl di wan dɛn we nɔ de gri fɔ put dɛnsɛf ɔnda in rul. (Rid Izikɛl 38:
“LƐ YU KIŊDƆM KAM”
11, 12. Insay di ia 1876, wetin Jiova bin ɛp tru Kristian dɛn fɔ ɔndastand?
11 Bifo Jizɔs go na ɛvin, in apɔsul dɛn bin aks am se: “Masta, yu de briŋ di kiŋdɔm kam bak na Izrɛl rayt naw?” Di ansa we Jizɔs gi dɛn sho se di tɛm nɔ rich yet fɔ lɛ dɛn no ustɛm Gɔd in Kiŋdɔm go bigin fɔ rul. I tɛl in disaypul dɛn fɔ pe atɛnshɔn pan di wok we impɔtant, dat na fɔ prich di gud nyus bɔt di Kiŋdɔm. (Rid Di Apɔsul Dɛn Wok [Akt] 1:
12 We di tɛm bin de nia fɔ lɛ Jizɔs bigin rul Gɔd in Kiŋdɔm na ɛvin, Jiova bin ɛp in pipul dɛn fɔ ɔndastand ustɛm dat go bi. Insay 1876, Brɔda Chals Tez Rɔsɛl bin rayt wan atikul insay wan magazin we dɛn kɔl Bible Examiner. Da atikul de bin gɛt di taytul, “Gentile Times: When Do They End?” Ɛn i bin tɔk se 1914 na impɔtant ia. I ɛksplen se di “sɛvin tɛm” we Daniɛl tɔk bɔt ɛn “di patikyula tɛm fɔ di neshɔn dɛn” we Jizɔs tɔk bɔt na di sem. *—Dan. 4:
13. Wetin apin insay di ia 1914? Frɔm da tɛm de, wetin di tin dɛn we de apin na di wɔl de sho?
Mat. 24:
14. (a) Wetin mek i stil impɔtant fɔ pre fɔ lɛ Gɔd in Kiŋdɔm kam? (b) Us spɛshal wok wi gɛt fɔ du?
14 Di tin dɛn we rayt na Rɛvɛleshɔn 12:
“MEK WETIN YU WANT, BI NA DI WƆL”
15, 16. Aw wi go liv wi layf di we we de sho se wi want fɔ lɛ wetin Gɔd want bi?
15 Na lɛk 6,000 ia dɔn pas so frɔm we pipul dɛn lɛf fɔ du wetin Gɔd want na dis wɔl. Bɔt we Jiova bin mek di wɔl, ɔltin bin fayn, na in mek i bin tɔk se: “Ɔltin rili fayn.” (Jɛn. 1:
16 Fɔ ɛgzampul, wan sista we baptayz insay 1948 ɛn we bin sav as mishɔnari na Afrika bin se: “Fɔ lɛ wetin Gɔd want bi na dis wɔl, a kin pre mek di wan dɛn we rili lɛk Jiova kam fɔ no am bifo i let. Dɔn we a kin want fɔ prich to pɔsin, a kin pre fɔ lɛ Jiova gi mi sɛns so dat wetin a go se go tɔch in at. A kin pre bak fɔ di wan dɛn we dɔn ɔlrɛdi kam fɔ no Jiova, fɔ lɛ Jiova ɛp wi fɔ kia fɔ dɛn.” No wɔnda we mek dis 80 ia ol sista de du wɛl na di prichin wok, ɛn i dɔn ɛp bɔku pipul dɛn fɔ bi Jiova Witnɛs. I go mɔs bi se yu sabi ɔda pipul dɛn we de tray tranga wan fɔ du wetin Gɔd want pan ɔl we dɛn dɔn ol.—Rid Lɛta Fɔ Filipay 2:17.
17. Aw yu fil bɔt di tin dɛn we Jiova gɛt fɔ du fɔ ansa di prea we wi kin pre fɔ mek wetin i want bi?
17 Wi go kɔntinyu fɔ pre fɔ mek wetin Gɔd want bi te Gɔd pul ɔl in ɛnimi dɛn kɔmɔt na di wɔl. Da tɛm de, ɔl wetin Gɔd want go bi. Bɔku bɔku pipul dɛn we dɔn day go gɛt layf bak na Paradays. Jizɔs bin se: “Una nɔ sɔprayz, bikɔs di tɛm de kam we ɔl di wan dɛn we de na di grev go yɛri [mi] vɔys, ɛn grap.” (Jɔn 5:
18. Wetin mɔtalman rili nid?
18 Na Gɔd in Kiŋdɔm go mek ɔlman ɔnɔ Gɔd in nem ɛn ɔlman na di wɔl go wɔship Gɔd wit wanwɔd. Da tɛm de, di fɔs tri tin dɛn we de insay di Awa Fada prea go apin, ɛn dis go mek mɔtalman gɛt di tin dɛn we dɛn rili nid. Bɔt te da tɛm de, wi stil gɛt 4 impɔtant tin dɛn we de insay di Awa Fada prea we Jizɔs bi se wi fɔ pre bɔt. Wi go tɔk bɔt dɛn insay di nɛks atikul.
^ par. 12 Fɔ no mɔ bɔt aw di tin dɛn we di Baybul bin tɔk bɔt bin apin insay 1914, rid wan buk we dɛn kɔl Wetin Rili di Baybul De Tich? pej 215 to pej 218.