Branch Ɔfis dɛn ɛn Aw Fɔ Kam Si di Wok we Wi De Du
Wi de invayt yu fɔ si di wok we wi de du na wi branch ɔfis dɛn usay wi de print ɛn di ɔda wan dɛn. Luk fɔ di ples ɛn tɛm dɛn we yu kin kam si di wok we wi de du.
Tours Resumed: In many countries, we resumed tours of our branch offices on June 1, 2023. For details, contact the branch you would like to tour. Please do not visit if you test positive for COVID-19, display cold or flu-like symptoms, or have recently been exposed to someone who tested positive for COVID-19.
Kanada
Mek Arenjmɛnt Bifo Yu Kam
Yu fɔ mek arenjmɛt bifo yu kam fɔ kam si di ples? Yɛs. Ilɛk ɔmɔs pipul dɛn de kam, wi kin tɛl dɛn fɔ mek arenjmɛnt bifo tɛm so dat di ples nɔ go ful-ɔp pasmak, ɛn ɔlman go ɛnjɔy di visit. Mek arenjmɛnt wan wik bifo di tɛm we yu want fɔ kam. If na ɔlide tɛm yu want fɔ kam, duya mek arenjmɛnt lɔng tɛm bifo di de we yu de pik.
If yu nɔ bin dɔn mek arenjmɛnt bifo tɛm, yu go stil ebul fɔ kam si di ples? If yu nɔ bin dɔn mek arenjmɛnt bifo tɛm, sɔntɛm ples nɔ go de fɔ yu. Bikɔs ɔf di spes we de, nɔto bɔku pipul go ebul fɔ kam si di ples ɛni de.
Ustɛm yu fɔ kam? Fɔ mek di ples nɔ chok, duya na fɔ kam wan awa bifo di tɛm we yu bin mek arenjmɛnt fɔ.
Wetin Yu Fɔ Du If Yu Want fɔ Kam Waka na Bɛtɛl? If yu ɛn di wan dɛn we fɔ kam nɔ rich 20, na fɔ klik na di say we se “Mek Arenjmɛnt—Di Pipul dɛn Nɔ Rich 20.” Ɔ sɛn imel to tourdesk.ca@jw.org fɔ mek arenjmɛnt if una rich twɛnti ɔ una pas.
Yu go ebul fɔ chenj ɔ kansul di arenjmɛnt we yu bin dɔn mek? Yɛs. Klik na di say we se “Wach ɔ Chenj Yu Arenjmɛnt.”
Wetin yu fɔ du if yu nɔ go ebul kam di de we yu want? Duya kɔntinyu fɔ de chɛk na di wɛbsayt. Spes kin de we ɔda pipul dɛn kin chenj ɔ kansul dɛn arenjmɛnt.
Fɔ Si di Wok we Wi De Du
Men Tin dɛn we Dɛn De Du
Insay ɛni ia, dɛn de print pas 300 milyɔn Baybul buk, magazin, ɛn ɔda tin dɛn. Dɛn kin ship Baybul buk, magazin, ɛn ɔda tin dɛn insay pas 200 langwej dɛn, ɛn dɛn kin sɛn dɛn na difrɛn branch dɛn. Dɛn kin sɛn bak na lɛk 15,000 kɔngrigeshɔn dɛn usay Jiova Witnɛs dɛn de na Kanada, di Karebian, ɛn Amɛrika.