DILONGI 02
Biblia kepesaka kivuvu
Bantu na yinza kena kukutana na mambu yina kena kusala ti bavuanda na kiadi, batungisama na makanisi, ata mpe mpasi. Nge diaka nge mekutanaka na mambu yina kena kusala ti nge kukimona mutindu yina? Mbala yankaka nge kena kuniokuama na maladi to samu nge mefuila muntu yina nge kezolaka. Nge kukiyuvusa, ‘kilumbu kele luzingu kevuanda mbote?’ Biblia kena kupesa bamvutu ya kukindisa na kiuvu yango.
1. Yinki kivuvu Biblia mepesa samu na bilumbu kena kuiza?
Biblia kena kusasila kaka ve samu na yinki yinza mefuluka na mambu ya mpasi kasi yakena kumonisa diaka nsangu ya mbote ti mambu yango ya mpasi kele kaka samu na ntangu fioti mpe yakemanisa ntama ve. Bansilulu ya Biblia lenda ‘pesa beno luzingu ya mbote na bilumbu kena kuiza mpe kivuvu.’ (Tanga Yeremia 29:11, 12.) Bansilulu yango kesadisaka beto beto nunga mambu ya mpasi beto kena kumona bubu yayi, beto vuanda na makanisi ya mbote, mpe kuvuanda na kiese ya mvula na mvula.
2. Yinki nsilulu Biblia mepesa samu na mutindu luzingu kevuanda na bilumbu kena kuiza?
Biblia kena kutubila ntangu mosi ya bilumbu kena kuiza yina ‘lufua kevuanda diaka ve, kiadi, bidilu, mpe mpasi kevuanda diaka ve.’ (Tanga Kusonga 21:4.) Mambu yina lenda sala ti luzingu kondua kivuvu bubu yayi—na kifuani kimputu, kondua lunungu, maladi, mpe lufua—kevuanda diaka ve. Biblia kena kupesa nsilulu ti bantu kevuanda na dikoki ya kusepela na luzingu ya mvula na mvula na Paradiso awa na ntoto.
3. Yinki mutindu nge lenda tula ntima ti kivuvu yina Biblia mepesa kekokisama?
Bantu mingi kevuandaka na kivuvu ti mambu ya mbote kesalama, kasi bakendimaka ve ti bivuvu na bau kekokisama. Mambu yina Biblia melaka kele ya kusuasana. Beto lenda tula ntima na beto na mambu yina yakena kutuba na ‘kutadilaka Masonukua mbote mbote.’ (Bisalu 17:11) Kana nge kena kutanga Biblia, nge kevuanda na dikoki ya kubaka nzengolo nge mosi kana nge lenda ndimina yina yametuba samu na bilumbu kena kuiza.
KOTA NA MPINDA
Tadila ndambu ya mambu yina Biblia mepesila nsilulu samu na bilumbu kena kuiza. Tala mutindu kivuvu yina Biblia mepesa kena kusadisa bantu bubu yayi.
4. Biblia mepesa beto kivuvu ti beto lenda zinga mvula na mvula kondua ata diambu mosi ya mpasi
Tala liste yayi melanda ya bivuvu yina kele na Biblia. Yinki kesepedisaka nge mingi? Samu na yinki?
Tanga baverse yina bametula pembeni ya bivuvu yango mpe yindula na biuvu yango:
-
Nge mekanisa ti baverse yango kele na mfunu samu na nge? Yalenda pesa kivuvu na dibuta na nge mpe na bankundi na nge?
Kanisa ntete nge kena kuzinga na yinza yina
|
MUNTU MOSI VE . . . |
KONSO MUNTU . . . |
|---|---|
|
|
|
|
|
|
|
|
|
|
5. Bansilulu ya Biblia lenda sala lusuasanu
Bantu mingi melembaka nzutu to kele na nganzi samu na mambu yina bakena kumona kati na bantu. Bantu yankaka kemekaka kusosa kusoba mambu yakuma mbote. Tala mutindu bansilulu ya Biblia yina memonisa ti mambu kebonga kena kusadisa bantu bubu yayi. Tula VIDEO, mpe na manima tadila biuvu yina melanda.
-
Na video yayi, Yinki mambu vuandaka tungisa Rafika?
-
Atako kukondua lunungu yina yandi vuandaka mona manisaka ve, yinki mutindu Biblia sadisaka yandi?
Kivuvu yina Biblia mepesa samu na bilumbu kena kuiza lenda sadisa beto beto nuanisa diambu metadila kulemba nzutu mpe beto nunga mambu ya mpasi. Tanga Bingana 17:22 mpe Baroma 12:12, mpe na manima tadila biuvu yayi:
-
Nge mekanisa ti bansangu ya kivuvu yina kele na Biblia lenda sala lusuasanu na luzingu na nge bubu yayi? Samu na yinki?
BANTU YANKAKA METUBA: “Bansilulu ya Biblia samu na bilumbu kena kuiza kele mbote samu yakokisama.”
-
Samu na yinki nge mekanisa ti yakele mfunu nge tadila yau nge mosi?
BUNKUFI
Biblia kena kupesa beto kivuvu mpe yakena kusadisa beto beto nunga bampasi na kupesaka beto nsilulu ya luzingu ya kiese na bilumbu kena kuiza.
Mvutukulu
-
Samu na yinki bantu kele na nsatu ya kivuvu?
-
Yinki Biblia kena kutuba samu na bilumbu kena kuiza?
-
Yinki mutindu kuvuanda na kivuvu samu na bilumbu kena kuiza kena kusadisa beto bubu yayi?
SOSA
Longuka mutindu kivuvu lenda sadisa nge ntangu nge kele na bampasi.
“Où trouver le véritable espoir?” (Réveillez-vous!, 22 Avril, 2004)
Bakusa mutindu kivuvu samu na bilumbu kena kuiza lenda sadisa bantu yina kena kuzinga na maladi yina mezingila.
“Biblia lenda sadisa munu kana munu kele na maladi yina mezingila mingi?” (Disolo na Internet)
Ntangu nge kena kuwa video yayi ya miziki, kukimona nge na dibuta na nge kena kusepela na luzingu yina Biblia pesilaka nsilulu samu na bilumbu kena kuiza na Paradiso.
Tala mutindu luzingu ya muntu mosi yina kenuanaka samu na kunata nsobolo sobaka ntangu kaka yandi zabaka kivuvu ya Biblia samu na bilumbu kena kuiza.
“Namonaka lisusu te ete nasengeli kobongola mokili” (Linɔ́ngi ya Mosɛnzɛli ya 1 Juillet 2013)
Tala diaka...
BIUVU YINA BANTU KEYUVUSAKA MINGI
Yinki mutindu Bambangi ya Yehova kelongukaka Biblia na bantu?
Na nzila ya programe ya ndongokolo ya kusolola ofele na Bambangi ya Yehova, nge lenda sadila konso mbangudulu ya Biblia. Nge kele na yinsua ya kubokidisa dibuta na nge ya mvimba to bankundi na nge bakuiza sangana na nge.
