DILONGI 19
Bambangi ya Yehova kele mpenza Baklisto ya kedika?
Beto Bambangi ya Yehova beto kendimaka ti beto kele Baklisto ya kedika. Samu na yinki? Samu na mambu yayi: Kisika bindimeli na beto kekatukaka, nkumbu yina kena kusuasikisa beto, mpe nzola yina beto kemonasanaka kati na beto.
1. Wapi kekatukaka malongi ya Bambangi ya Yehova?
Yesu tubaka: ‘Mpova ya [Nzambi] kele kedika.’ (Yoane 17:17) Mutindu mosi na Yesu, bindimeli ya Bambangi ya Yehova kekatukaka na Mpova ya Nzambi. Na kifuani, tala mutindu beto salaka yau banda na ebandeli ya istuare na beto. Na bamvula 1870, kimvuka mosi bandaka kulonguka na sikisiki Biblia. Bavuandaka sala ti bindimeli na bau katuka na Biblia, atako bindimeli yango vuandaka ya kusuasana na mimeseno ya mabundu. Na yau, babandaka kulonga bakedika yango ya Biblia na bantu yankaka. a
2. Samu na yinki beto kekukibokidilaka Bambangi ya Yehova?
Yehova kebokilaka bisadi na yandi bambangi samu bakelongaka kedika na yandi. (Baebreo 11:4–12:1) Na kifuani, na ntangu ya ntama, Nzambi zabisaka bisadi na yandi: ‘Beno kele bambangi na munu.’ (Tanga Yezaya 43:10.) Biblia kebokidilaka Yesu ‘Mbangi ya kukuikama.’ (Kusonga 1:5) Na yau, na mvula 1931 beto ponaka nkumbu ya Bambangi ya Yehova. Beto kele na kiese ya kunata nkumbu yango.
3. Yinki mutindu Bambangi ya Yehova kelandaka kifuani ya nzola ya Yesu?
Yesu zolaka banlonguki na yandi mingi mpe bavuandaka lokola dibuta na yandi. (Tanga Marko 3:35.) Mutindu mosi, Bambangi ya Yehova kele na bumosi, dibuta ya yinza mvimba. Yau yina beto kebokasanaka beto na beto bampangi ya banketo mpe babakala. (Filemoni 1, 2) Beto kezitisaka mpe nsiku yayi: “Beno zola kimvuka ya mvimba ya bampangi.” (1 Piere 2:17) Bambangi ya Yehova kemonisaka nzola yango na mitindu mingi, lokola kusadisa bampangi na bau na yinza ya mvimba na ntangu bakele na nsatu ya lusadusu.
KOTA NA MPINDA
Longuka mambu mingi yina metadila Bambangi ya Yehova, mpe nge kemona nge mosi mambu kena kumonisa ti beto kele Baklisto ya kedika.
Malongi ya Baklisto ya kedika kekatukaka na Biblia mpe bakesamunaka yau na bantu yankaka
4. Bindimeli na beto kekatukaka na Biblia
Yehova samunaka ti mbakusulu na beto ya Biblia kekuma puelele. Tanga Daniele 12:4 mpe noti na yinsi ya paje, mpe tadila kiuvu yayi melanda:
-
Yinki ‘kekuma mingi’ kati na bisadi ya Nzambi ntangu bakena kutatamana kulonguka Biblia mbotembote?
Tadila mutindu kimvuka ya banlonguki ya Biblia, kintuadi na mpangi Charles Russell, vuandaka longuka Mpova ya Nzambi. Tula VIDEO, mpe na manima tadila kiuvu yayi melanda.
-
Na kati ya video, yinki mutindu mpangi Charles Russell kintuadi na bankundi na yandi banlonguki ya Biblia vuandaka longuka Biblia?
Nge zabaka yau?
Na bantangu yankaka, yalombaka beto soba bindimeli na beto. Samu na yinki? Mutindu kaka kubima ya ntangu kemonisaka malembe malembe kukia na bima yina beto ketalaka, mutindu mosi Nzambi kepesaka beto mbakusulu ya Mpova na yandi malembe malembe. (Tanga Bingana 4:18.) Biblia kesobaka ve, kasi kana beto kena kubakusa yau mbote kuluta, beto lenda soba malongi na beto.
5. Beto kesalaka mambu yina kele na nguizani na nkumbu na beto
Samu na yinki beto ponaka nkumbu ya Bambangi ya Yehova? Tula VIDEO, mpe na manima tadila kiuvu yayi melanda.
-
Samu na yinki nkumbu Bambangi ya Yehova mefuana mpenza?
Samu na yinki Yehova ponaka bantu bavuanda bambangi na yandi? Samu balendaka monisa ti yandi kele Nzambi ya kedika, lokola mambu mingi ya luvunu ketubamaka samu na yandi. Tadila kaka mabanza zole ya luvunu.
Mabundu yankaka kezabisaka bankuikizi na bau ti Nzambi zola bau sadila biteke na nsambudulu na bau. Kasi, tanga Levi 26:1, mpe na manima tadila biuvu yayi:
-
Yinki kele kedika na diambu yayi? Yinki mutindu Nzambi ketadilaka biteke?
Bamfumu ya mabundu yankaka kelongaka ti Yesu kele Nzambi. Kasi, tanga Yoane 20:17, mpe na manima tadila biuvu yayi:
-
Yinki kele kedika samu na diambu yango? Nzambi mpe Yesu bakele kaka muntu mosi?
-
Yinki yakesalaka nge na kuzaba ti Nzambi tindaka Bambangi na yandi basamuna kedika yina metadila yandi mpe Muana na yandi?
6. Beto kezolanaka beto na beto
Biblia kena kufuanikisa Baklisto na bitini ya nzutu ya muntu. Tanga 1 Bakorinto 12:25, 26, mpe na manima tadila biuvu yayi:
-
Yinki Baklisto ya kedika kesalaka kana bamekuwa ti bampangi na bau kele na mpasi?
-
Yinki nge mebakusa na yina metadila nzola na kati ya Bambangi ya Yehova?
Ntangu Bambangi ya Yehova kele na mpasi na kitini mosi ya ntoto, bampangi na bau Bambangi kesadisaka bau mbala mosi. Samu na kumona kifuani mosi, tula VIDEO Mpe na manima tadila kiuvu melanda.
-
Yinki mutindu bangolo yina Bambangi ya Yehova kesalaka samu na kusadisa bantu na ntangu ya kisumbula kele kidimbu ya nzola?
Baklisto ya kedika kemonisaka nzola na bantu yina kele na nsatu ya lusadusu
BANTU YANKAKA METUBA: “Bambangi ya Yehova kele kaka dibundu yina mebima bosi.”
-
Yinki ntangu Yehova bandaka bokidila bisadi na yandi bambangi?
BUNKUFI
Bambangi ya Yehova kele mpenza Baklisto ya kedika. Beto kele dibuta ya bansambidi na yinza ya mvimba yina kesadilaka Biblia samu na kubaka malongi na beto mpe beto kezabisaka kedika yina metadila Yehova.
Mvutukulu
-
Samu na yinki beto ponaka nkumbu ya Bambangi ya Yehova?
-
Yinki mutindu beto ketadilaka bampangi na beto?
-
Nge mekanisa ti Bambangi ya Yehova kele Baklisto ya kedika?
SOSA
Longuka mambu mingi metadila istuare na beto.
Bambangi ya Yehova—Kiminu na bau memonana na bisalu, Kitini 1: Bamebima na kitombe (1:00:53)
Tala kifuani yina memonisa mutindu Mbangi ya Yehova kena kubundula malongi ya luvunu.
Tala bamvutu na biuvu yina nge lenda vuanda na yau samu na Bambangi ya Yehova.
“Mituna oyo bato batunaka mingi mpo na Batatoli ya Yehova” (Disolo na Internet)
Stefane vuandaka yina mingi bantu ya nkanda yankaka mpe yandi vuandaka nuanisa bau. Mambu yina yandi monaka na Bambangi ya Yehova tindaka yandi yandi soba.
“Bomoi na ngai ezalaki kobeba se kobeba” (Linɔ́ngi ya Mosɛnzɛli ya 1 Juillet 2015)
a Zulunalo na beto ya ngudi, Yinzo’a zulu ya Nkengi, kesasilaka kedika ya Biblia kubanda mvula 1879.
Tala diaka...
BIUVU YINA BANTU KEYUVUSAKA MINGI
Yinki mutindu Bambangi ya Yehova kelongukaka Biblia na bantu?
Na nzila ya programe ya ndongokolo ya kusolola ofele na Bambangi ya Yehova, nge lenda sadila konso mbangudulu ya Biblia. Nge kele na yinsua ya kubokidisa dibuta na nge ya mvimba to bankundi na nge bakuiza sangana na nge.
