Ingeta, o leka nzo mosi kondwa kuma kiasikila dilenda songa vo zumba batele. Nanga vo kuma kiasikila kina vo, vafwete kubikwa buka kia afundisi.—1 Korinto 6:18.

E buka kia akuluntu bafwete toma fimpa e diambu diadi mu zaya kana vo vena kikilu ye kuma kiasikila mu kubika e buka kia afundisi. Kasikil’owu, nga kimakangu bena? Nga akuluntu babavana kala e longi mu kuma kia mpila bafwete kadilanga? Ekuma balekele nzo mosi? Nga wizana bateka wizana? Nga vakala ye nzo yankaka ina o mosi kalenda leka? Nga diambu dia kinsalukisa diavangamene ye ke bakala ye diambu diankaka ko balenda vanga? (Kimpovi 9:11) Akweyi balele? Konso diambu dibwidi difwete toma fimpwa. Avo batomene dio fimpa, akuluntu balenda wá nsangu zankaka zilenda kubasadisa mu baka nzengo.

Vava e buka kia akuluntu betoma fimpa mawonso, balenda baka e nzengo kana vo vafwete kubikwa buka kia afundisi yovo ve.