Nkand’a Nzambi uvovanga vo yeto awonso tu asumuki. Twasambukila esumu dia Adami wa muntu antete. Ekiaki i kuma ezak’e ntangwa tuvangilanga e mbi yo kuyibanza muna dina tuvangidi. Yesu Kristu wa Mwan’a Nzambi wafuta ntalu mu kuma kia masumu meto yo kutufwila. Kimenga kia lukûlu kiatuvana elau dia lolokwa mu masumu meto. O lwalu i lukau lwa Nzambi.—Tanga Roma 3:23, 24.

Wantu akaka bevolanga masumu mampwena bekatikisanga kana vo Nzambi olenda kubaloloka. Diakiese kikilu wau vo Nkand’a Nzambi uvovanga vo: “O menga ma Yesu wa Mwan’andi mekutukiànzisanga mun’esumu diawonso.” (1 Yoane 1:7) Yave una yo luzolo lwa loloka kana nkutu masumu mampwena avo tuvilukidi kikilu o ntima.—Tanga Yesaya 1:18.

Avo tuzolele vo Yave wa Nzambi katuloloka, tufwete longoka nzila zandi, luludiku lwandi ye mana kevavanga. (Yoane 17:3) Yave ololokanga awana bevilukanga o ntima yo soba mavangu mau.—Tanga Mavangu 3:19.

Ke diampasi ko mu vwa edienga dia Nzambi. Yave obakulanga lutovoko lweto. Oyandi okutufwilanga e nkenda. O walakazi wa Nzambi nga ke ukufilanga ko mu zaya una olenda kunyangidikila?—Tanga Nkunga 103:13, 14.