Mvutu za Yuvu ya Nkand’a Nzambi
Lufwa lwa Yesu nkia nluta lulenda kututwasila?
Vava Nzambi kavanga wantu, wazola vo bazinga yakwele mvu ova ntoto kondwa kwa mpasi za mayela yovo lufwa. Kansi, Adami wakolamena Mvangi andi yo vidisa elau dia zinga yakwele mvu. Wau vo tu wana Adami, yeto mpe twasambukila esumu yo lufwa. (Roma 5:8, 12; 6:23) Yave wa Nzambi aludi watuma Mwan’andi Yesu ova ntoto mu fwa yo vutulwisa moyo una Adami kavidisa.—Tanga Yoane 3:16.
Lufwa lwa Yesu lwavana elau kwa wantu mu vwa moyo a mvu ya mvu. Aweyi oyindulwilanga e zingu kia mvu ya mvu ova ntoto?
Muna lufwa lwa Yesu, Nzambi ololokanga masumu meto yo kutuvana elau dia vwa moyo a mvu ya mvu. Nkand’a Nzambi ukutusadisanga mu zaya e mpila zingu tuvwa muna paradiso vava ununu, yimbevo yo lufwa lufokoka.—Tanga Yesaya 25:8; 33:24; Lusengomono 21:4, 5.
Aweyi tufwete sungamenanga lufwa lwa Yesu?
Muna fuku vitila lufwa lwandi, Yesu wakanikina alongoki andi vo bayindulanga lufwa lwandi. Luyindulu lwa lufwa lwa Yesu konso mvu lukutuvananga elau dia mona una Yesu yo Yave basongela o zola kwau muna wantu.—Tanga Luka 22:19, 20; 1 Yoane 4:9, 10.
Nanga Oyangalela Mpe Malongi Mama
TU AKI NANI
Luyindulu lwa Lufwa lwa Yesu
Mbangi za Yave babokele wiza lungana muna Luyindulu lwa Lufwa lwa Yesu kina kia 12 kia Abidi, 2025.
MVUTU ZA YUVU YA BIBILA
Aweyi Yesu Kevuluzilanga?
Ekuma Yesu kafwete dodokelela muna wete dieto? Nga okwikila muna Yesu i diau kaka divavuanga muna vuluzwa?
