Mvutu za Yuvu ya Nkand’a Nzambi
Nga mabundu mawonso Nzambi mezitisanga?
Vava owanga nsangu za mambu mevangamanga mu nza, nanga omonanga vo mambu mayingi mambi mevangilwanga muna nkumbu a dibundu. Ozevo, ke mabundu mawonso ko mezitisanga Nzambi aludi. (Matai 7:15) Kieleka, wantu ayingi mu nza bevukumunwanga.—Tanga 1 Yoane 5:19.
Kansi, Nzambi omonanga awana bezolanga oma mambote ye ludi. (Yoane 4:23) Nzambi obokelanga wantu awaya kimana balongoka ludi kia Nkand’a Nzambi una vo i Diambu diandi.—Tanga 1 Timoteo 2:3-5.
Aweyi olenda zayila e nsambila aludi?
O unu, Yave okutikanga wantu batuka muna mabundu mayingi muna nsambila aludi yo kubalonga e ludi yo zola muntu yo nkwandi. (Mika 4:2, 3) Ozevo, olenda zaya aki nani i asambidi aludi mu mpila ina bezolaziananga.—Tanga Yoane 13:35.
Yave wa Nzambi oyikakesanga wantu a mpila zawonso muna nsambila aludi.—Nkunga 133:1.
Asambidi aludi besianga lukwikilu ye mpila zingu kiau e ngwizani yo Nkand’a Nzambi. (2 Timoteo 3:16) Bezitisanga mpe e nkumbu a Nzambi. (Nkunga 83:18) Besamunanga vo Kintinu kia Nzambi i kiau kaka kifokola mpasi za wantu. (Daniele 2:44) Betangininanga Yesu muna ‘temesa ntemo au’ yo vanga oma mambote kwa akaka. (Matai 5:16) Asambidi aludi bazayakene mpe muna salu kiau kia kingula wantu mu nzo ye nzo yo kubasamunwina e nsangu zambote za Kintinu kia Nzambi.—Tanga Matai 24:14; Mavangu 5:42; 20:20.
Nanga Oyangalela Mpe Malongi Mama
MVUTU ZA YUVU YA BIBILA
Nga Mabundu Mawonso Mafwanana? Nga Mawonso Menatanga o Wantu kwa Nzambi?
Mambu mole meyingwanga muna Bibila mekutuvananga e mvutu.
