Wantete wa Samuele 2:1-36
2 Ana osambidi oku vo:
“O ntim’ame uyangalele muna Yave;+E mpok’ame* izangukidi muna Yave.
O nu’ame uziukidi muna mbeni zame,Kadi ngiangalele mavangu maku ma luvuluzu.
2 Ke vena mvauki ko nze Yave,Ke vena wankaka ko, ngeye kaka+Ke vena tadi ko difwanane yo Nzambi eto.+
3 Kuvovela kuna lulendo ko;Kuyambula umvuania wavaika mu nu’aku ko,Kadi Yave i Nzambi a zayi,+Yandi otoma fimpanga mavangu mawonso.
4 E mfumba mia makesa mitolokele,Awana batele masakuba, bakumikinu.+
5 Awana bayukuta bafwete sala mu kuma kia mbolo,Awana befwa nzala beyukuta.+
E sita owutidi wana nsambwadi,+Ndiona okedi yo ulolo wa wana, osidi kinsona.
6 Yave ovuidi nkuma wa vonda yo tanina moyo;*Wakulumuna muna Ziami* yo futumuna.+
7 O Yave osukamesa yo vuamisa;+Osakidika yo tundidika.+
8 Ozangula nsakaladi vana ntoto;Otelamesa nsukami vana ntoto ampolo,*+Kabavuandisa ye akwa tunda,Kabavana e kunda kia nkembo.
O malunzi ma nza,+ ma Yave,Otensekele vo ntoto uyimanga mbongo.
9 Olunga-lunganga ngienda za minkwikizi miandi,+Kansi e yimpumbulu befwaswa muna tombe,+Kadi o muntu ke sundila mu ngolo zandi ko.+
10 Yave ofwasa* awana benuana yandi;+Okubatalumukina tuka kuna zulu.+
Yave ofundisa yakuna nsuk’a nza,+Ovana ngolo kwa ntinu andi+Owokesa ngolo za* kuswa kiandi.”+
11 Elekana ovutukidi kuna Rama kuna nzo andi, kansi o mwana wasadilanga Yave+ vana vena Ele wa nganga.
12 Wan’a Ele yimpumbulu bakala;+ ke bavuminanga Yave ko.
13 Owu bavanganga muna kunku ina anganga bakadila yo nswa watambula kwa nkangu:+ Konso muntu wakelanga kimenga, o ntaudi a nganga wayizanga yo nsom’a meno matatu vana koko ekolo kiayilang’e mbizi,
14 wasukanga wo muna longa dianene, muna nzungu ya makonzo mole, muna nzungu anene yovo muna nzungu ya konzo dimosi. Yawonso yatombokanga muna nsoma, o nganga wabonganga yo. I wau bavanganga kwa Aneyisaele awonso ana bayendanga kuna Silo.
15 Vana ntandu, una muntu kayokele nkutu mazi ko,+ o ntaudi a nganga wayizanga yo kumvovesa vo: “Vana mbizi kwa nganga kayoka yo. Kadi ke tambula mbizi yafukuswa ko kwa ngeye, ya nse kaka.”
16 Avo muntu umvovese vo: “Yambula bateka yoka mazi,+ i bosi obonga ina ozolele,” wavutulanga vo: “Ke wau ko, umpana yo owau; avo kukumpana yo ko, ozevo mu kingolo ibongela yo!”
17 E sumu dia ntaudi za nganga disakidi vana vena Yave,+ kadi ke bazitisanga tukau twa Yave ko.
18 Samuele wasadilanga+ vana vena Yave yo vuata kidukula kia lino+ kana una vo nleke kwandi.
19 O ngudi andi wantungilanga yunga kiakondwa moko yo kuntwasila yo mvu ke mvu, vava katombokanga yo nkaz’andi bakela kimenga kia mvu.+
20 O Ele osambwidi Elekana yo nkaz’andi, oku vo: “Yambula Yave kavana mwana muna nkento ndioyu, vana fulu kia ndioyu osompekele kwa Yave.”+ Bavutukidi kuna nzo.
21 Yave osidi diaka sungididi kwa Ana, oyimiti;+ owutidi wana atatu amakala yo wana wole amakento. O nleke Samuele okudidi vana vena Yave.+
22 Ele onunini kikilu, owidi mawonso bavanganga wan’andi+ kwa wan’a Isaele awonso ye una balekelanga akento ana basadilanga vana nkotelo a saba kia wananina.+
23 Wabavovesanga vo: “Ekuma nuvangilanga mambu mama? Kadi o mambu iwanga kwa nkangu awonso mu kuma kieno, mambi.
24 E wan’ame, e nsangu zazi iwanga vana vena nkangu a Yave, ke zambote ko.
25 Avo muntu osumukini nkwandi, valenda kala muntu ododokela Yave muna wete diandi;* kansì, avo Yave kasumukini,+ nani olenda samba muna wete diandi?” Kansi ke bazola wila se diau ko, kadi o Yave wabaka e nzengo za kubavonda.+
26 O nleke Samuele wakulanga kaka, wazolakana kwa Yave ye kwa wantu.+
27 Muntu a Nzambi wizidi kwa Ele, umvovese vo: “I wau wuwu kavovele o Yave: ‘Nga kiayisengomona ko kwa nzo a se diaku vava bakala abundu kuna Engipito muna nzo a Faro e?+
28 Yansola muna makanda mawonso ma Isaele+ kakala se ngang’ame, katomboka, van’e ziku diame,+ kakela yimenga, kayoka ndumbu* yo vuata kidukula ova ngina; o tukau twawonso twa wan’a Isaele muna tiya,+ yavana to kwa nzo a mase maku.
29 Ekuma nuvezele* kimenga kiame yo lukau luna yakanikina muna nzo ame?+ Ekuma olutidi zitisila wan’aku ke mu mono ko, lumene vonga yo mazi ma tukau tusundidi o wete twa nkangu ame Isaele?+
30 “‘Muna kuma kiaki, i wau wuwu kavovele o Yave wa Nzambi a Isaele: “Kieleka, mpovele vo e nzo aku ye nzo a se diaku, idiatila ova ngina yakwele mvu.”+ Kansi owau, Yave ovovele vo: “Ediadi ke dilendi vangama ko, kadi awana bekunzitisa ikubazitisa,+ awana bekumpeza, bembolwa bebembolwa.”
31 Tala, e lumbu ikwiza, isukisa nkum’aku* yo nkum’a nzo a se diaku, muna nzo aku ke mukala diaka nunu ko.+
32 Mbeni omona muna saba kiame, muna mawete mawonso mevangwanga kwa Isaele,+ muna nzo aku ke mukala diaka nunu ko yakwele mvu.
33 O mwan’aku ona kikatula muna salu kia ziku diame ko, yandi ovonda meso maku yo kukendeleka,* kansi ayingi muna nzo aku mu nsosolo a wantu befwila.+
34 Edi dilwakila wan’aku yau wole, Kofene yo Finekase i sinsu kwa ngeye: Yau wole lumbu kimosi befwa.+
35 I bosi, ivaikisa ngang’ame akwikizi.+ Osadila mun’owu wa luzolo lwa ntim’ame;* ikuntungila nzo asikila, odiatila vana vena kuswa kiame yakwele mvu.
36 Konso ona osala muna nzo aku, okwiza kumvumbamena kimana katambula mfutu a nzimbu ye mbolo, yo vova vo: “Dodokolo, untumba e kinganga mpasi vo yakala ye tini kia mbolo,+ yadia kwame.”’”
Mvovo vana yand'a lukaya
^ Yovo “ngolo zame.” Tala Nsas’a Mvovo.
^ Yovo “vana moyo.”
^ Yovo “Seol,” i sia vo, ziami kia wantu awonso. Tala Nsas’a Mvovo.
^ Nanga, “vana fuku.”
^ Nanga, “Awana benuana yo Yave bevumiswa.”
^ Mvovo wa sina: “Otundidika e mpok’a.” Tala Nsas’a Mvovo, “mpoka.”
^ Nanga, “Nzambi okuzengela o nkanu.”
^ Nanga, “kafutumuna mwisi a tukau.”
^ Mvovo wa sina: “nutele kinsi.”
^ Mvovo wa sina: “koko kwaku.”
^ Yovo “finangesa moyo aku.”
^ Yovo “ovanga owu wina muna ntim’ame yo muna moyo ame.”
