Wanzole wa Paulu Kuna kwa Timoteo 2:1-26
2 Dianu vo, e mwan’ame,+ kwamanana vua nkuma muna nsambu zina muna Kristu Yesu;
2 o mambu mana wawá kwa mono, mana masilwa umbangi kwa wantu ayingi,+ yekeka mo kwa akwa kwikizi, ana bafwana mo longa kwa ankaka.
3 Wau vo u soladi diambote+ dia Kristu Yesu, kubama muna zizidila e mpasi.+
4 Kavena soladi ko okuyivananga* muna mambu ma kinkita kia zingu* kimana kayangidika ndiona wansonekesa mu salu kia kisoladi.
5 Diau dimosi mpe muna nsaka, konso muntu okotele mo, avo kazitisi nsiku mia nsaka ko ke tambula kolowa ko.+
6 O mvati ona ofuntukanga, yandi i wantete ofwete dia mbongo.
7 Toma badikanga edi mpovele; o Mfumu okuvana umbakuzi muna mambu mawonso.
8 Sungamena dio vo Yesu Kristu ona wafutumunua muna mafwa,+ mbongo a Davidi kakala,+ mun’owu wa nsangu zambote isamunanga,+
9 zina imwenanga e mpasi yo siwa mu pelezo nze kimpumbulu.+ Kansi e diambu dia Nzambi ke dikangamene ko.+
10 Dianu izizidilanga mambu mawonso mu diambu dia awana basolwa,+ kimana oyau mpe bavua luvuluzu muna Kristu Yesu yo nkembo a mvu ya mvu.
11 E diambu diadi diaziku: Avo tufwa yandi kumosi, kumosi mpe tukadila yandi o moyo;+
12 avo tuzizidila, tuyala yandi mpe se atinu;+ avo tumvakwidi o nkalu, oyandi mpe okutuvakulwila o nkalu;+
13 avo tukondwa kwikizi, yandi osikila ye kwikizi, kadi kalendi kuyivakulwila nkalu ko.
14 Ubasungamesa o mambu mama, ubalongela* vana ndose a Nzambi, ke batantani mu kuma kia mvovo ko, ke dina nkutu mfunu ko, e kuma kadi ditwasanga mpasi kw’awana* bewanga.
15 Vanga wawonso wayisonga kwa Nzambi vo wafwana, u nsadi wakondwa e nsoni, otoma sasilanga e diambu dia ludi.+
16 Kansi, tina moko yakondwa mfunu ina itiangunanga o mambu mavelela,+ kadi iwokesa e fu kia lembi vumina Nzambi,
17 e diambu diau disayana nze mputa iyandangananga. Imenai yo Fileto i ankaka muna yau.+
18 Wantu awaya bavengomoka muna ludi, bevovanga vo lufuluku lwavangama kala,+ bebendomonanga lukwikilu lw’akaka.
19 Kana una vo i wau, e nkubilw’a nsiamu a Nzambi yasikila kikilu, ina ye dimbu eki: “Yave* ozeye awana bavuilu kwa yandi,”+ ye “Konso ndiona ovovelanga nkumbu a Yave,*+ kafwete yambula o vilwa.”
20 Muna nzo ampwena, ke mu kalanga kaka salanganu* ya wolo ye palata ko, kansi ya mabaya ye ya tûma mpe, yankaka ya zitu, kansi yankaka ke ya zitu ko.
21 Dianu vo, avo muntu ovavukidi eyi ke ya zitu ko, okala se salanganu* kia zitu, kiavelela, kiamfunu kuna kwa mfumu andi, kiakubamena muna konso salu kiambote.
22 Tina zolela ya kileke, kansi tatidila unsongi, lukwikilu, zola, luvuvamu kumosi ye awana bevovelanga Mfumu ye ntima avelela.
23 Tina e mpaka za uzowa ye zakondwa mfunu,+ wau ozeye wo vo nkindu zitwasanga.
24 Kadi ntaudi a Mfumu kafwete nuana ko, kansi kakala kaka nkwa ngemba kw’awonso,+ ozeye longa, ozizidilanga e mbi,+
25 olongelanga afidi a mpaka kuna lulembamu.+ Dilenda kala vo Nzambi okubavana luviluku lwa ntima luna lukubafila mu vua zayi wasikila wa ludi,+
26 bavunguka* o zayi yo vuluka muna sokolo dia Nkadi ampemba, kadi babakama kimana bavanga luzolo lwandi.+
Mvovo vana yand'a lukaya
^ Mvovo wa sina: “okuyikankalakesanga.”
^ Nanga, “salu ya lumbu ke lumbu.”
^ Yovo “difwasa awana; dibangula awana.”
^ Mvovo wa sina: “ubasila umbangi una ufwene.”
^ Yovo “yinzu.”
^ Yovo “kinzu.”
^ Yovo “bavutukila.”
