Kuna kwa Esi Efeso 6:1-24
6 E wana, nulemvokelanga mase meno ye ngudi zeno+ muna Mfumu, kadi ediadi diansongi.
2 “Zitisa se diaku yo ngudi aku,”+ owau i nkanikinu wantete wavewa kumosi yo nsilu:
3 “Kimana wakala kiambote* yo zinga kolo kiayingi ova ntoto.”
4 Amase, ke nufungisa wan’eno makasi ko,+ kansi nubasansilanga muna longi+ ye luludiku lwa Yave.*+
5 Antaudi, nulemvokelanga mfumu zeno ova ntoto,+ muna vumi ye zakamu ye ntim’asikila, nze kuna kwa Kristu,
6 ke vava nutalwanga kaka ko, muna yangidika wantu,+ kansi nze ntaudi za Kristu, nuvanganga luzolo lwa Nzambi ye nsi a ntima wawonso.+
7 Nusalanga nze ntaudi a nyindu ambote kuna kwa Yave,*+ kansi ke kwa wantu ko,
8 kadi nuzeye wo vo konso muntu ovanga edi diambote, Yave* okunsenda+ kakala ntaudi yovo mvevoki.
9 Oyeno, amfumu mpe, nuvanganga diau dimosi kwa ntaudi zeno, ke nubamwesingi wonga ko, kadi nuzeye wo vo oyeno yo yau, o Mfumu eno mosi kaka kuna zulu,+ ke swaswanesanga wantu ko.
10 Vana ntandu, nukwamanana kumama+ muna Mfumu ye muna nkum’andi anene.
11 Nuvuata nuaninua yawonso+ ya Nzambi kimana nualenda telamena e ntambu mia Nkadi ampemba;
12 e kuma kadi e vita eto+ ke ya menga ye nitu ko, kansi ye tuyalu, ye akwa wisa, ayadi a tombe kia nza yayi ye vu kia mianda miambi+ kuna zulu.
13 Muna kuma kiaki, nuvuata nuaninua yawonso ya Nzambi+ kimana nualenda zizidila muna lumbu kiambi, vava numana vanga mawonso, nutelama nangwì.
14 Dianu vo, nutelama, nuvuata mpond’a ludi+ ye nkikw’a tulu a unsongi,+
15 ye nsampatu muna malu, nuakubama muna samuna e nsangu zambote za luvuvamu.+
16 Vana ntandu a mawonso mama, nubonga e ngubu anene ya lukwikilu,+ ina nulenda zimina maswanga mawonso matiya ma* ndiona wambi.+
17 Nutambula mpe mpu a vita ya luvuluzu+ ye nsosolo a mwanda, i sia vo, diambu dia Nzambi,+
18 ye mpila zawonso za sambu+ ye ndodokela, nulombanga ntangwa zawonso muna mwanda.+ Muna kuma kiaki, nuyingilanga ntangwa zawonso yo dodokela muna wete dia avauki awonso.
19 Nusambanga mpe mu kuma kiame, yavewa dina ivova vava iziula o nua, kimana yakala ye unkabu wavova muna zayisa e mbumb’avauka ya nsangu zambote,+
20 zina isadilanga se nkunzi*+ muna tuvambu, kimana yavovela zo kuna unkabu wauna mfwete vovela.
21 Tikiko+ wa mpangi anzolwa ye selo kia kwikizi muna Mfumu, okunuzayisa mambu mame mawonso yo vimpi wame kimana nuazaya una ngina.+
22 Intumini kwa yeno ye kani diadi, kimana kanuzayisa mambu meto mawonso, kafiaulwisa mpe ntima mieno.
23 Luvuvamu kuna kw’ampangi yo zola yo lukwikilu lutukanga kwa Nzambi wa Se ye kwa Mfumu Yesu Kristu.
24 Yambula e nsambu za Nzambi zakala ye awonso ana bena ye nzol’a mvu ya mvu muna Mfumu eto Yesu Kristu.
Mvovo vana yand'a lukaya
^ Yovo “kimana wasikila.”
^ Yovo “mpunza zawonso za tiya za.”
^ Yovo “ntumwa.”
