Mika 7:1-20
7 Ekwe mono! Ngina nga muntu,Ovelele e bundu ya sivuYo vela nsadidila za uva muna mpatu,Kisolwele mo nkang’a uva ko ya dia,Ngatu bundu yantete ya nsanda itoma zolanga.
2 O munkwikizi ovididi muna nsi;Ke vena nkwa unsongi ko vana vena wantu.+
Awonso beswekamanga mu bungula menga.+
Konso muntu okondanga mpangi andi muna kunlekela e konde.
3 E moko mau mena ye ndekwa za vanga mambu mambi;+O mfumu olombanga nkayilu,O mfundisi ofundisilanga muna mfutu,+O nkwa tunda ozayisanga e zolela yandi,+Mawonso mama ntwadi bevanganga mo.
4 Ona ubasundidi una nze nsende,Ona ubasundidi muna unsongi olutidi e yaka kia nsende o bi.
E lumbu kiasamunua kwa ayingidi aku kikwiza, e lumbu kia mfundisw’aku.+
Ozevo, yau awonso betungiana.+
5 Ke nukwikila muna nkweno koNgatu bunda e vuvu kwa nkundi ambote.+
Toma kuyikeba mu dina ovova kwa ndiona olele vana ntulu aku.
6 Kadi mwan’ayakala ovueza se diandi,O mwan’a nkento otelamene ngudi andi,+O mwan’a longo otelamene kô wandi wa nkento;+E mbeni za muntu i esi nzo andi.+
7 Vo i mono, ikwamanana tadila Yave.+
Ivingila* Nzambi a luvuluzu lwame kuna luzindalalu.+
O Nzambi ame okungwa.+
8 Kuyangalala mu kuma kiame ko, e mbeni ame.*
Kana una vo mbwidi, telama itelama;Kana una vo mu tombe ngina, Yave okala se ntemo ame.
9 Izizidila makasi ma Yave—Kadi yandi nsumukini+—Yavana kefundisa diambu diame yo kundungisa.
Okundata kuna ntemo;Isinga mona unsongi wandi.
10 E mbeni ame mpe omona wo,E nsoni zifuka ndiona umpovese vo:
“Akweyi kena o Yave wa Nzambi aku?”+
Meso mame mekumona.
Ozevo, odiatakeswa nze nteba muna nzila.
11 Muna lumbu kiakina e yaka yaku ya matadi itungwa;E lumbu kiakina o mwingilu aku usietolwa.*
12 E lumbu kiakina bekulwakilaTuka kuna Asuri ye mbanza za EngipitoTuka kuna Engipito yakuna Nzadi;*
Tuka mbu yamu mbu ye tuka mongo yamu mongo.+
13 E nsi isala nkatu mu kuma kia nkangu wina mo,Kadi i nsendo a mavangu mau.*
14 Vungula nkangu aku muna nkau aku, e kambi dia vua diaku,+Nkangu una uzinganga wau kaka muna mfinda, vana kati kwa mpatu.
Yambula badila muna Basani ye Ngiladi+ nze kuna nz’ankulu.
15 “Nze muna lumbu ina wavaika muna nsi ya Engipito,Ikusonga masivi.+
16 E zula imona mo yo fusuka e nsoni kana una vo akwa ngolo.+
Besia koko vana nua miau;E matu mau mekakama.
17 Bevenda o ntoto nze nioka;+Nze bulu ya ntoto izanzalanga, bevaika muna matininu mau kuna zakamu.
Bekwiza kwa Yave wa Nzambi eto kuna wonga,
Bekumwena wonga.”+
18 Nani i Nzambi nze ngeye,Ona ololokanga e mbi yo viokesa e sumu+ dia awana basala muna vua diandi?+
Ke funga makasi yakwele mvu ko,Kadi oyangalelanga walakazi.*+
19 Okutufwila diaka e nkenda;+ odiatakesa e mbi eto.
Otuba masumu mau mawonso muna masina ma kalunga.+
20 Osonga ziku kwa YakoboYo walakazi kwa Abarayama,Wauna wadila e ndofi kwa mase meto tuka kuna nz’ankulu.+
Mvovo vana yand'a lukaya
^ Yovo “Isonga fu kia vingila.”
^ Muna Kiyibere, “e mbeni” oyikilu vava mwan’ankento.
^ Nanga, “e nzengo kwanda zikala.”
^ I sia vo, Uferate.
^ Mvovo wa sina: “Mu kuma kia mbongo a mavangu mau.”
^ Mvovo wa Kiyibere una ye nsasa vo: “Zola ye walakazi ulembi suka.” Tala Nsas’a Mvovo. “Zola kulembi suka.”
