Ngana 16:1-33
16 O muntu okubikanga makani ma ntim’andi,*Kansi e mvutu* kevananga kwa Yave zitukanga.+
2 E nzila zawonso za muntu zambote* vana meso mandi,+Kansi, Yave ofimpanga makani.*+
3 Bunda Yave e vuvu muna mawonso ovanganga,*+E makani maku mesikila.
4 Yave ovanganga mawonso mu kuma kia kani diandi,Kana nkutu yimpumbulu muna lumbu kia lufwasu.+
5 Akwa ntima mia lulendo awonso angemi kuna kwa Yave.+
Kala ye ziku* vo tumbwa betumbwa.
6 Muna walakazi ye ziku, e sumu dilolokwanga,+Muna vumi wa Yave muntu ovengomokanga muna mbi.+
7 Avo Yave oyangalele nzil’a muntu,Oyambulanga nkutu mbeni zandi bakadilanga yandi kuna luvuvamu.+
8 Disundidi o wete mu kala ye fiakete muna unsongi+Ke mu kala ye mfutu ayingi ko yo kondwa kwa unsongi.+
9 Muntu olenda sikidisa nzila muna ntim’andi,Kansi Yave ofilanga ntambi zandi.+
10 E nzengo za Nzambi zifwete kala muna befo ya ntinu;+Kafwete teka unsongi ko.+
11 E balanza ye tezelwa kiansongi, kwa Yave yatuka;Nkutu zawonso za tezela mazitu i mavangu mandi.+
12 Mavangu mambi mangemi kuna kwa atinu,+Kadi muna unsongi i musikidisilwa e kunda.+
13 E mvovo mi’ansongi mia luyangalalu kwa atinu.
Bezolanga ona ovovanga e ludi.+
14 Makasi ma ntinu mena nze nati a nsangu za lufwa,+Kansi nkwa ngangu olembeka* mo.+
15 Muna ntemo a ndose a ntinu i mwina o moyo;E dienga diandi dina nze tuti dia mvula za kintombo.+
16 Disundidi o wete mu vua ngangu ke wolo ko.+
Obaka umbakuzi ikufwete solwa ke mu palata ko.+
17 Ansongi bevenganga nzila zambi.
Ndiona olunga-lunga nzil’andi, moyo andi kelundanga.+
18 Vitila muntu kabwa, lulendo luvitanga,O mwand’a umvuania uvitanga e sakuba.+
19 Diambote mukala nlembami* vana vena alembami+Ke mu kayana sanzu ko y’akwa lulendo.
20 Ndiona osadilanga umbakuzi muna konso diambu, sikila kesikila,*Nkwa kiese ndiona osianga e vuvu muna Yave.
21 O nkwa ntim’a ngangu oyikilwanga vo nkwa umbakuzi,+Nkwa mvovo mia ngemba* olutidi kwikidisa.+
22 E ngangu i nto a moyo kw’awana bavuidi zo,Kansi mazowa belongelwanga muna uzowa wau.
23 O ntima wa nkwa ngangu uvananga ngangu muna nu’andi+Yo kudikila malengo muna mvovo miandi.
24 E mvovo miambote mina nze sasala kia wiki,Nzenzo a moyo* yo vimpi muna visi.+
25 Vena ye nzila imonekanga kwa muntu vo yambote,Kansi e mbaninu andi i lufwa.+
26 E nsatu za nsadi zikumfilanga mu funtukaKadi e nzala* zikumfilanga mu vanga wo.+
27 E fwafwala kia muntu osenzekanga diambu diambi;+E mvovo miandi mina nze tiya twanyuyi.+
28 Nkwa ntantani ngwizani kefwasanga,+O nkumbi, akundi akola kevambulanga.+
29 O nkwa nsoki nkwandi kevukumunangaYo kunata muna nzila yambi.
30 Obwetanga disu ekolo kekananga mbi.
Obwetanga e befo ekolo kevanganga e mbi.
31 E mvu i kolow’ambote*+Avo ziwanukini muna nzil’a unsongi.+
32 Ndiona olembi funganga makasi mu nzaki,+ osundidi e kesa,Ndiona ozeye kukiyala osundidi ndiona obakidi e mbanza.+
33 E nkas’a mienze mu nkata itubwanga,+Kansi e nzengo zandi zawonso za Yave.+
Mvovo vana yand'a lukaya
^ Yovo “mvutu zasikila.” Mvovo wa sina: “mvutu za lubini.”
^ Mvovo wa sina: “E nkubika za ntima, za muntu.”
^ Mvovo wa sina: “zavelela.”
^ Mvovo wa sina: “mianda.”
^ Mvovo wa sina: “Yekeka mavangu maku kwa Yave.”
^ Mvovo wa sina: “Koko mu koko.”
^ Yovo “ovenga.”
^ Mvovo wa sina: “nlembami muna mwanda.”
^ Mvovo wa sina: osolola o wete.”
^ Yovo “Nkwa mvovo mia malengo.” Mvovo wa sina: “E nzenzo a befo.”
^ Yovo “Nzenzo vana lulaka.” Tala Nsas’a Mvovo.
^ Mvovo wa sina: “o nu’andi.”
^ Yovo “a nkembo.”
